PATHIAN BIA MERH HI
 |
| Evan. Rual Uk |
PATHIAN RALCHANH PHUNKHAT A SI
"Zeitintiah Pathian nung, Ralkapbu JEHOVAH, kan Pathian bia kha nan merh dih cang" Jer.23:36
Jesuh he debate an ngeih lio ah khan Sehtan zong nih Cathiang a lâk ve ko nain a sung chan tak tak cu Cathiang a merh caah a si.
Țha tein zoh hmanh.
A voi khatnâk ah ni 40 rawl a ul i a rawl a țâm tak takmi Jesuh kha Sehtan nih rawlpek a timh. Asinain Jesuh nih Cathiang hmangin a el.
Jesuh nih fek tein Cathiang â tlaih ti kha a hngalh tik ah Sehtan zong nih Sâm 91:11-12 Cathiang kha la in a lem țhân.
Asinain Sehtan nih a lâkmi Cathiang kha hranhrâm loin a merhmi a si. "An kut in an in cawi lai..." timi cu a niamnâk i a ummi kha a sânnâk ah cawi tinâk a si.
Kha lio ah khan Jesuh cu Sehtan nih pe 100 reng lo a sânnâk hmun Țempal parpa hlek ah a chiah cang i cawi a herh ti lo.
Cawi herh loin a sânnâk hmun i a ummi cawi i timh kha Cathiang merh timi cu a si.
Cawi herh loin a sânnâk hmun i a ummi cawi i timh kha Cathiang merh timi cu a si.
Nihin zong ah Cathiang nih Pathian pakhat ah mi pathum Pa Fapa Thiang Thlarau cu a dang cio i zungzal in van ah an um cang tiah Biakam hlun ah a thlâm in voi 7 le Biakam Thar ah a tak tak in voi 12 bak a um ko nain 'Pa a dang tein a um lo, Fapa Jesuh kha Pa cu a si ko' tiah ti hi Pathian bia merh timi cu a si.
Taksa pum i a nun lio lawng ah si loin thlarau pum in a thawhțhân hnu zong ah "Ka Pa" tiah a ti ko rih i van i a phâk hnu tiangin "Ka Pa sinah ka um ko" tiah a timi le Amah Fapa nih a hngalh lo caah Pa nawl pek hngak in vulei ah ra dingin timh cia a si cang timi zong thei ko na in zûm duh loin "A dang tein Pa a um lo, Jesuh kha Pa a si ko" timi hi Pathian bia merh timi tak tak cu a si.
Pa min teh zei?? Thiang Thlarau min teh zei?? timi hna hi Cathiang ah a um hrim hrim lomi ' Pa le Fapa le Thiang Thlarau min cu Jesuh a si' tiah Cathiang merh i timhnâk phun khat a si.
Sehtan nih Cathiang a lâk ve ko nain Cathiang sullam merh a timh ruangah a sungh bangin:-
Nihin zong ah Cathiang merh â timtu vialte cu an sung leng mang ko lai.
Tei cân hrim hrim an ngei lai lo.
Zeitintiah teinâk le teitu cu a palh kho lomi Cathiang lawng lawng a si.
Pathian bia merh hi
Pathian ralchanh phun khat a si.
Pathian ralchanh phun khat a si.
![MS Office 2013 [ALL] Product Keys [LATEST!](https://lh3.googleusercontent.com/blogger_img_proxy/AEn0k_tX3-5ahEQCR4mSTQdcYzWUmfRAQLYX_CJgnLipnmQpmeDlxidRrJs0ISay4Dtq4fsHfRvi4Y0U2BIswm99L1Ui6C0L93Biw5AtDlK52v0qgBZ5sG0r61ulWDg=w72-h72-p-k-no-nu)
0 Na ruahnak rak chim ve.:
Na Ruah Nak Rak Chim Ve Caah Ka lawm!