Chin Keyboard a thar a chuak ṭhan cang tuan deuh ah khan Ṭ cafang ṭialnak lawngin ka van tuah i a tu ah cun, Ṭ cafang lawng hmanh si ti loin, Evan. Rual Uk nih cafang thar a hman mi ṭialnâk he ka van telh chih cang.
Ṭ hman duh tik ah, na computer caṭialnâk ah khan Q a um lai Q umnâk ah khan Ṭ tuin ka van thlen, Chinmi nih Q cafang hi kan hman lo caah mah Keyboard ah hin Q cafang a um lai lo. Asi nain, ṭial na duh a si ah cun, chikhat te na cahmanmi (language) kha thleng law a ngah ṭhan ko lai.
Tutan a thar ka van chapmi hi a cung lei ka chim cang bantukin, Evan. Rual Uk nih a van ruahchuakmi asi. Cu hna cu..
Â, Ê, Î, Û Hna hi an si mah tihin a hman ning cu a si lai.
1. Aa pahnih can ah  a cung khuhmi te hi hmanpiak ding a si lai.
2. Ee Pahnih can ah Ê a cung khuhmi te khi hmanpiak ṭhan ding a si lai.
3. Uu Pahnih can ah Û a cung khuhmi hman piak ṭhan ngat.
4. Ii Pahnih can ah Î Pakhat a cung khuhmi in rolh ter ṭhan.
Zei tiin dah a cung khuhmi te â hi kan ṭialning a si lai tiah cun,
Bianabia ah: Na computer Keyboard kha a hlan bantuk tein na hman ṭhan ko lai nain, a cung khuh na duh tik ah cun cafang hme in ṭial na duh ah cun, (Ctrl + Alt) na hmehpial lai hi â kha na hmeh ṭhan lai cu cun, a cung khuhmi â cu a van lang cang lai.
Mahbantuk ṭhiamṭhiam cun Cafang ngan ṭial na duh tik ah na computer CAPS LOCK kha na hmehhmasat lai i, cun hnu ah, (Ctrl + Alt) voikhat ah na hmeh kawp lio ah na hman duhmi cafang kha na hmeh ṭhan lai.
1 . Ctrl + Alt + A = Â
2. Ctrl + Alt + E = Ê
3. Ctrl + Alt + I = Î
4. Ctrl + Alt + U = Û
Evan. Rual Uk nih a facebook ah a fianter mi
LAICA KAN HMANNING HI NA RUAT BAL MAW? Kawlholh le kawlca ruangah chanhnih dengmang kan holh le kan ca kan hngilhtaak hnu ah atu kan i hlau i Leipumpi cul in Laica le Laiholh in kan i chonh i thawng kan i thanh lio ah kan Laica hmanning hi ruah a her tak tak. Bia kan chimmi hi kan chimning tein kan tial ah cun a pahnih (aa) le e pahnih (ee) le i pahnih (ii) le u pahnih (uu) hmannak dingah a dihlak cu chim lo a canceu hmanh kan rak hmang lo ti hi uk 66 a simi kan Baibal ka leh hnu ah biatak tein ka lung a fim. A tanglei hi hun zoh ve hmanh. A pahnih (aa) hmannaak ahNak le naak- Rang nak naakin rang raang Tlang le tlaang- khualhring tlaang ah tlangte a um Sang le saang- Kehthei sang ah kehthei kung saang tak tak a um. Zam le zaam-Hri an zam caah an zaam kho lo. E pahnih (ee) hmannaak ah Beng le beeng- Beng chung tla lakin hei beeng Deng le deeng- Dengteu in a zoh. An phan deengmaang Kheng le kheeng- A lukheng lang lo tiang in kheengpi chung ah a thu. Leng le leeng- Leeng ah a chuak lengmang I pahnih (ii) hmannaak Ding le diing- Sii a ding i a fale diingdawng an tha tak tak. Thing le thiing- Thing tangah Aithiing an ciin. Asingcaw nih siing a man deengmaang U pahnih (uu) hmannaak Um le uum- Uumsertu a um lo. Zum le zuum-Fungzum aa chuih lai a zuum lo A cunglei hna khi tahchunhnaak ceu i langhtermi a si. Uk 66 a simi Baibal ah hin a sining tein a pahnih (aa) e pahnih (ee) i pahnih (ii) le u pahnih (uu) hman a si ah cun a tu kan hman liomi Baibal ah hin a hlei in catlap 50 cahmai 100 tiang hman a herh ti kha ka hmuh. Cucaah a pahnih (aa) le e pahnih (ee) le i pahnih (ii) le u pahnih (uu) can ah aw nemternaak cungkhuh (^) hi kan hman ah cun hmunhma tam tak tak catlap 50 reng lo kha hman hau loin kan khamh khawh tikha ka hmuh caah atu Baibal ka lehmi le cauk thar ka tialmi ah ka hman hi laimi fihlak nih kan hman cio a si ah cun kan ca hi bia in kan chimning tein kan tial khawh lai.
Dr. Ruak Uk cu Thantlang peng Zahnak tlang Dawn khua a si i, Pathian rianṭuan in kum 46 a ti cang Pathian rianthiang a ṭuannak ah, a kum 40 a tiah, Cauk 40 a ṭial cun, Bible zong Hakha holh in a leh khawh.
"Kan nih Dawn khua cu, vawlei fimthiamnak lei ah min lang lo sihmanh usih law, Pathian rianthiang hlim ah Chin miphun lak ah a ṭuantam bik kan si"
A huammi rel awk ah tiin Bible code! A voi 17 nak bia kha vawn
pehin 18 nak caah ka vawn thlah tthan.
Hibantuk in Hebru Cauk Thiang, a
thiang mi Pathian Cauk hi alianhngan tuk pinah hin, ai ttialmi phen lei i
biathlithup khuaruahhar-tak tak, bia-porpok sawhsawh zawng si lo, abiapi mi le
sullam thuk-tak tak a ngei tungmi: pa hnih-thum zawng si lo, a za tom in
asining tak tak le ai ttialning tluangtlam buaiter hleng ttung loin, akar-dan i
hlat ning i lo bak i cafang arak i tenh diah-mahmi hna hi, zeitilam hmanhin
minung kutchuak a si kho lo' Timi hi scientist-hna tu nih an hmuhmi a si. Hawlh
kong i mithiam khunmi thimmi rual (brilliant language geniuses) hna
ttangtti hna maw, vawlei cung isupercomputer a sangbik hna
hmangin maw zawng nih, hibantuk bia ttialmi hi vawnsuai (design) tim
hna hmanhseh, hi Hebru Cauk i thil um tuning bantuk hi cu a suai in suai khawh
phun zawng a si lo' an ti bak ko hih!
Zeiruangah dah mah cu tluk cun aharnak
ding cu asi? hi thil ahawng langmi a um tu ning (phenomenon) hna hi cu a
ttialtu nih ai timh ciammam theng lo zawngah, tisual bia zawng i arakum khomi a
si hnga lo maw? Zeidah alianhngannak le asunpar khunnak cu asi ee? Cauk dang
hna zawng hibantuk tak tak hin dothlat huam hna sehlaw, min phundang pipi hna
cu an hawng chuak ve ko hnga lo maw? tiin bia halnak a um kho men ko.
A cawngtu hna nih an hmuh ningah minung
lungthin chungin a chuakmi nih atuahkhawh mi asilailoning a dang cu, hi code i
min le thil a cangmi dik te i chia kho dingin cun hi hnuah, kumzatampi hnu i
thil arak cang ding mi hna le mi minthang arak um dingmi hna an min tiangin
hngalh chung khawhnak (prophetic knowledge) aherh mi hi a
si. A hmu chung khotu kutchuak asilo ahcun a sikho hrim hrim lo. Duh lo bu
zawngah kan bia khiahnak a si lo kho lo ( inescapable logical conclusion)
cu Torah bu hi Pathian
hngalhternak in Moses nih Hebru hawlin arak record mi a si timi hi asi. Hinih
hinTorahCauk hi Pathian bia-cah asi ning bantuk bak i ttialmi (dictate) a si ning alanghter
pinah, Genesis Cauk hi
Moses thih hnuin kum zatampi hnuah"editor" hna
nih cauk dangdang hna khawm-suain an ttial mi asi ti i a zum lo tu hna i an
chirh-chan le zumhning a dik lo tukmi hi, hiti i Pathian kutneh an hmuhmi
khuaruahhar taktak hna nih hin an tlaknak a san ter ngai hna khi a si. Pathian lawnglawng nih Torah Cauk hi a tuah
khawh mi a si.
Kan ni chinchiah-cinken dingmi cu, Bible
code i chimchung bia arak ummi hna hi Profet deu hna bia le hla he cun
cawh-fonh ding a si lai lo." Nichuah lei in arfi nganpi arak chuak lai i,
a liannganmi Siangpahrang atlalai," hei ti bantuk i zumh aum deuh mi paoh
hei puh duahmah khawh ding phun i Nostradamus- te hna chimchung mi bia
phusim-bia vaivuan zawng a si loh. Naite taktak ah khan mithiam hna
nihcun Torah pinah, Biakam
Hlun pumpi ahhin hibantuk code hi arak iphah arak izam dih timi an hmuh. Biakam
Thar lei zawngah Krihfabu hna sinah a biacah ttialtu hna cungah hi bantuk
tthiamtthiam hin Pathian kutneh fiangtein a lang timi cu kan rel tthan te hna
lai mu.
A huammi rel awkah Bible code! A voi 17 nak caah ka vawn thlah
tthan.
Bible code! i thil anhmuh-chuah mihna
lakah chinchiah-cinken awktlak ngai mi cu Genesis 38 chung bia hi a si. Hi dal hi Judah mi hna
hringsortu kong dothlatnak bia a si. Judah nihcun a monu Tamar sinah
fa pahnih Perez le Zerah a hrin hna. Ruth cauk kan rel
ahcun Israel Siangpahrang nganbik Siangpahrng David chu Perez hrinsor-tefa a si timi
kan hmuh. Boaz nihcun fapa Obed ahrin i Obed cu Jesse pa
a si i Jesse cu David pa a si (Ruth 4:18-22) ti a si.
Hi David hringsortu
Hebru min panga hna hi Genesis
38 chungah hin Hebru cafang 49 dan-paoh ah arak i phum dih hna. Bible nih hringsortu hna a chim
ning bantuk te hin a chang tete in an rak um dih ko cu teh. Statistician hna
nih an vawn dot-hlat tikah, hi caang chung i hi mi panga hna min, an ni
upat hleihning bantuk bak i, a ni channing baktuk te i arak um ttungmi hi - a
sawhsawh i rak um kho ve dingin chance 800,000 lakah chance khat lawng a um kho
timi hi an dot-hlat khawh.
Genesis
28 hi Jakob nih
a mang i hlei, vawlei in van tiang a phanmi, Bethel (Pathian in) hmun i a hmuhnak kong a chimnak bia a si. Hi
chungah hin scientist-hna nihcun "Temple" timi
le "Torah" timi
bia ai phummi, cafang 26 danah Hebru cafang 9 aipeh thliahmahmi an hmuh hawi
cuh! hi Bible bia" Hika hmun hi...Pathian inn le van cung
kutka pei arak si hi,"(28:17) timi chung bak te i Temple timi le Torah timi abiapi tukmi arak i
phummi nih hin, sullam a ngei ngai. Mithiam hna nihcun,"Pathian Inn" timi chimnak caang i, hi abiapi tukmi
pahnih, a sawh sawh i arak um khawh venak; arak iphumnak ding chance a um khomi an vawn
dot-hlat ruah tikah chance maktaduai 17 lakah chance khat te lawng a um (
1/17000000000).
Leviticus Dal
khatnak hi Aaron Tlangbawi
a sinak kongkau i Pathian nih pekchanhmi le raithawi ning ding a chimhnak bia a
si. hi caang khat chungah hin Hebru min "Aaron" timi hi hmun hnih khat lawngah si lo in,
hmun 25-ah arak iphum cuh! A bia ttial ning tluangtlam-sawhsawh(surface text) iAaron min vawi 4 arak langmi relh
loin, tisual bia i arak um dingin ahar lai ning cu chance nuaili chungah chance
khat lawng a si (1/400,000).
A huammi relawkah Bible code! Voi 16 nak caah ka vawn thlah tthan. Mi
cheukhat cu Bible timi vawnhmuh bakhin hlohcolh asilole lanhtak i zeirello
asiloah uar lo tuk cawlh kan hmang i, cucaahcun, tlawmte lawngin ka vawn thlah
mi a si.
MITHIAM
DANG HNA NIH AN FEHTERNAK.
Hitluk tiang tiangin mithiam rual hna
nih scientific method hmangin an an-dothlat zohfian cangmi sihmanhsehlaw,
scientist atam u nih cun an zum hlei lai lo. A ruang cu an cohlan duh lo phun:
Bible hi Pathian bia a si timi fehternak asawhbak ruangah a si. Mathematician a
sang bakmi upatawktlak Professor Kazhdan Harvard University i a um mi hna, Yale
University (USA) le Hebru University, Jerusalem i attuanpi hawi mithiam alang
ngai ngai mi hna zawng nih, hi thil hi;"thil hmuh-chuah a sawhsawh a si lo
mi, a chuahtu hna zawng mi sawhsawh asilo bak mi an si,"( serious research
carried out by serieous investigators) an ti cio ko. Jerusalem College of
Technology Pro Fessor Doron Witztum nih nai te i Israel ram i a chuakmi Maymad
HaNasaf (Hngohchan kau) timi cauk ahcun hi mithiam, mathematics
lei i expert a tlingbakmi hna nih hin hithil hi dothlat tlak le sunhlawih tlak
a si zia kha an ttial cio.
Professor Witztum hi Torah Code cawnnak
i an hruaitupa-hotupa bik a si. Hi thil nih hin atulio vawlei hmunkip le hmunpi
deuh deuh ahcun i el-hnialnak atam ter lai ti kha hngal cia in" hi thil
hmuh-chuah mi hi mitampi-mitam u hna ngalh awktlak le hneksak-deel a ngamhmi a
si," tiah a ti i scientist dang hna lakah alung athomi hna caah mahtein
dothlat kawl-hawl ve dingin a recommend a si. Bible hi Pathian aiphuannak(thawchuah hnawhmi) a si hrim hrim
ko timi a zum lo tu hna nih an chuahmi bia a si caah hin i biatak tlak biatak i
ruah tlak ah ruatin an fiang cang ko hna rua.
Dear all,
A huammi rel awk ah ka vawn thlah tthan.
Israel scientist-hna nih cun an thil
hmuhmi cu adikning fianter chin dingah, America ram i scientific journal a sang
takmi, Statistical Science cauk i chuah dingin an timh-tuah i;
'chuah a si hlanah ai lun lo tu hna lei in mithiam hna nih an duhning paohin
rak tuah hmasa hna sehlaw, an computer programme zawng cu fiang tein rak zoh
hmasa hna in, a dik lonak maw, sawisel ding hmuh ding maw an theih a si ahcun
rak sawisel hna seh,' an ti a si.
Cu kong cu editor Robert Kass- Professor
Carnegie-Mellon- i a ummi nih cun chuah a si hlan i tthatak i rak zoh fiang
(peer review) dingin mithiam (expert) a pek i; cu mithiam hna cu Bible
ca hi Pathian thawchuah hnawhmi a si zum lo tu lawngte an si ko nain, an
thil zohfian dingmi Bible code hmuh-chuahning (scientific method) le langhtertu
fianternak (evidence) cu a elin elkhawhlo tiang i afiang-tlarmi adikmi
(accurate) a si caah aelnak ding an thei kho bak lo.
Kass-cu aruah arem kho lo i mithiam tak
tak dang hna cu a sawm tthan hna, cu hna zawngnih cun an hmai i mi hna bang
adik bak ko an ti. Kass-nih cun cu cu ahmuhtthan tikah cuhlan i atuah ballomi ,
a voithumnak caah mithiam dang a rawih tthan hna. Cu mithiam dang hna zawng nih
cun adik lonak an hmuh khawh hle lo ca ahcun, tuah-tao ning dang a um hlei
ttung lo le, cu article cu zenhngai le
zeengngai butein an chuah a si. Statistical Science editor
Robert Kass-nih cun cu thil hmuh-chuah kong ahcun hitihin a comment i:
"
Kan referee-hna nih el-khawhnak zeihmanh an thei lo. An rak zumhning hmaisa
ahcun Genesis cauk ah hin a tu lio minung hna kong chimnak biafang le, sullam
ngei a um khawh-apawi khawh an zum lo i; natein biatak tein a si lo lei ning i
rel ning an ni kawlsek len zawngah, biatak te i an zohtthan zawngah a result cu
amah ning peng in arak dik peng ko ttung. le, Cucaahcun hi-biachuak hi Statistical Science reltuhna zuamtu
caah kan chuahmi a si," tiah a ti bak ko.
Statistical Science mithiam
hna nih an-biachuahmi ( August 1994 ta hi) a hnu kum thum chungah
(Drosnin Bible code chuah a si tiang in) a haohmanh nih a elnak ca
an vawn chuah loh. Mathematical model hmangi an thil hmuh-chuah mi hi el khawh
lomi bia dik a si ruangah a si.
Salm
20:5-ah" Cun teinak na hmuhmi
ruangah khan lunglawm in kan au lai, teinak na hmuhmi cu kan Pathian thangtthat
in kan conglawmh lai Na halmi vialte cu Bawipa nih in pe ko seh".
Timi bia phen ah hin b'Y'shua veha'av ( Jesuhah le Paah
) timi bia code-cafangin arak ittial ve peng hawi. Ruth 1:1-i cafang 5 dan-thliahmah i
Jesuh min arak iphum ningah hin icinken awk-tlak ngai a um. Cu ai ttialmi lakah
cafang hmadungbik (Ayin) timi i vawn relin cafang 77 dan diahmah ah Jesuh timi a
um i, hi cafang tthiam i vawn rel ah hin 15 dan thliahmah-ah OSHIAH timi arak ithuat hawi i;
asullam cu 'A khamh lai' tinak a
si. Ruth 1:8-tthiam ah hin,
cafang 12 danah 'melek Y'shua'( Bawi Jesuh)timi hi arak ithuat-arakum
hawi.
Genesis leiah
vawn kir ta dak usihlaw. Dal 37:28-ahcun
Josef kha a unau hna nih ngun tangka phar 20-ah an zuarnak kong kan hmuh i
(Josef hi Jesuh phaisa 30 i zuar a si lainak hmuhsahnak (type) a si. Hi cang
thengte zawngah hin cafang 49 dan ah ai phummi'Jesuh'timi arak um. A mak ngai vemi cu-Genesis. 38:14 in vawn relah, cafang 77 dan thliahmah-ah'Messia'min arahum i, (A um tu ning
cu 'Messia'hringsor-tu ding a
si lai zong itheih chungnak nei lem loin Lengleh Tamar nih ava i apa, Judah sinah
Enaim khua luhnak hauka pawngah hlawhhlang nu bang arak i tarh ning le, Judah
zawng nih a monu a si ti thei-hleng loin dai-hau arak tthehpi mi kha a si i,
cubantuki, inlak-fa bang arak chuakmi Perez cu
Van le Vawlei Bawibik Messia hringsor-tu
hna chung mi arak si diam ko. Hi bia ngaih anuam ngai mi umnak Genesis 38- ah hin hiti i kan vawn rel
khawhmi ah hin anmin lang-hlah hmangseh, a phen leiah cun Jesuh hringsor-tu a lang ngai ngai
mi hna Pali- Boaz, Obeda, Jesse,
David, hna i an min hi cafang 49 dan cioah an rak iphum cio dih hna.
Cucaahcun, hi thil vialte arak hmu chung dihtu PATHIAN-nih arak timhtuah mi a si ning hi Nunlung-Lungthin nih hin
a hna-tlakpi apom thluahmah ko.
1 samuel 17:32-ah cun Israel
Siangpahrang Saul sinah David nih Fhilistin mi Goliatha doh ding in aimanhnak
bia a chimh i, hi kong i " na
salpa nih ka va kal lai i Filistin mipa hi ka va doh lai,"a tinak
bia 'na salpa nih.."timi
biafang 'yod' cafang a um hmaisabih in biafang 12-nak paoh i cafang
hmaisabik paoh kha vawn lak ahcun, Jesuh
min arak i phum peng hawi ko. Cucaahcun thih zawng ngamh i David nih
aipumpeknak le aral tthatnak phen ahhin Jesuh arak um-a rak dir peng ruangah a rak si ko!!
Peh tthan ding mi hna, Scientist-hna an lung a mit!
Khuaruahhar numbar hna!
Bawi Krih rianah nan lai hawi
Lian Hlun( Meme Pa )
Arel huam mi caah BIBLE CODE! 13 nak ka vawn peh tthan hawi ko hih!
Nazareth Jesuh chuah hlan kum
thongkhat (B.C.1000) hrawngah khan, siangpahrang David nihcun Salm 22-ah hin Jesuh khenhchih a si
lainak arak chim chung i:' ka kut ka ke tlenglakin an ka chunh,' Salm 22:16-ah hin a rak ti. Kha lio
caan ah khan Vailam-ah i khenhchih timi hi ihremnak caah khawzei ram hmanh nih
an rak hmang theng lo na in, diktukin arak chimchung ko. Bawi Jesuh a
temtuarnak ding chimnak caang Isaiah
52:10-zawngah'tlenglakin chunh' (Hebruindahkar)timi
bia arak i phummi arak um. Rom mi hna le Judah mipi hna nih, Nazareth Jesuh cu'Vailam-ah
khenhchih ko'(Mt.27:22) tiah
awthereng chuak i hrawmthahri puar dih i an rak au len hlapi kum zasarih hrawng
aliam cangmi ah khan, Profet Isaiah nih cun arak phuan diam cang. Isaiah 53:8- i biafang paruknak
cafang pahnihnak in vawn rel ah, vorh lei kapin i thokin kehlei i cafang 15-nak
tete kha vawn lak ahcun'Vailam-ah khenhchih ko'(yitz'tzahlaiv)timi
arak ithuat-arak iphum arakum. Hi bia bakte hi Moses Cauk pahnihnak, Exodus 30:16-20-zawngah arak i phum
hawi timi kan rel cang ko hna ka mu.
HEBRU
CAFANG NUMBAR UM TUNING!
Cinken awk tlakin Hebru hawlhah cuna b c hi numbar( 1,2,3,4..) bantukin an hman i;
Cucaahcun cafang kip hna nih hin numbar he aithlukmi kha an ngei dih hna.
Hmuhsahnakah, Hebru hawlh in Jesuh min cafang pali hna vawnfonh i a chuak mi
numbar zat cu 386 a si.Sullam ngei ngai bang Torah Cauk chung ah hin cafang 386
dan ah Jesuh min arak iphumnak hmun 12 bak ah a um timi hi 'Yacov rambsel' nih
a hmuh. leviticus 22:14 -
i vawn rel in Jesuh min hi cafang 386 dan i arak i phum pin ah, a min umnak
pawng teah cafang 386 dan tthiam-ah 'biadik'
timi le 'fimnak' timi bia hi an rak
um ve ve. Min dihlak-fonh YHWH-Y'SHUA (Pathian
Jesuh)timi zawng hmun hnihah hmuh a si. Genesis 49:18-ah,"Maw Bawipa na khamhnak cu ka hngah ko"a
timi caang i vawn ithok-in YHWH-Y'SHUA timi
min ai pehmi hi cafang 180 kar-dan ah a um. Hi ka i 'na khamhnak' timi bia
chimnak ah hin 'Yeshua-takh' timi biafang hi hman a si. Exodus 15:27-i ithok-in Y'SHUA-YHWH (Jesuh Pathian) timi hi
cafang 235 danah arak ithuat-arak um hawi. Zakhariah 11:12-ah hin Jesuh zuarnak-man phaisa 30 chimnak a um i;
hi bia tluang phen-ahhin code cafangin Jesuh min le Pesach (Lanhtak
puai) an rak um ve ve.
Leviticus
4:3-5-i 'chiti thuhmi Tlangbawi ' le
sual-thawinak kong chimnak hmun bakte ahhin,"Zoh tuah, zoh tuah, Jesuh"
timi bia arak iphum mi arak um peng hawi ko. Leviticus 4:3-bia hi vawn thlur ta usihlaw " Sualnak
a tuahmi cu tlangbawi Ngan a si i mizapi cungah mawhnak a tlunter a si ahcun,
cawtum no dotla pakhat Bawipa sinah a sualnak hna caah cun a thawi lai".
Tiah a ti. Hi cauk chungbia, hi caangbia i; thil tuah sual mi thawinak ca i
cawtum no dotla hi, BAWI Jesuh si dawh hrim arak si ko.
A liam lengmang mi caan sinah “Senri” he zingnu
lairelnak thawngin dawtnak ni le thla, khua caan kan kan relnak hi a sau ve ngai cang.
Ho van hai loin nang lawng tiin, cuticun nuam
ngai le ruah channak ngan pi he caan a sunglawi tuk mi caan kan hmang ṭi. Ka
tleih chan, ka dawt, ka duh tuk fawn. Cuticun, dawtnak cu kan pahnih kar lak ah
ṭemṭawntu hri ah hmangin vuleipi theih ah pahnih si ti loin pumkhat kan hung si.
Kaa ruah chan mi vialte le ka saduhthah mi vialte an tling dih cang tiin ka
khupṭhi rual hawi sin ah phailen cim loin ka kaa a rak thaw kho hringhran, ṭhen
lai cu chim lo a ruah hmanh kan rak ruat
bal lo. Caan kar lak i hmuh lo hmanh kan rak celh ruam lo. Hi vulei cung hi kan
caah arak sunglawi kho tuk.
Kei hi pa deuh ka si ko na tein ka unh caan a
tam deuh i lungsau tein a rak ka hnemh lengmang, unh duh ngai ṭungah cun hnemh
fawibik ka si lai dah, cun kei hi biachim holhrel phun ah cun a thiam lo ngaimi
ka si. Ka duhmi hmanh ṭhate le bia dawh tein a chim thiam lomi ka rak si ko
nain “Senri” nih cun ka um tu, ka hawiher le ka mit au in, ka duhmi vialte a
rak ka thei thiam piak dih. Kei tu nih cun ka dawtnak tilo cu a tu tiangah hin
thil ti piak mi zei hmanh ka ngei rih lo, ka philh khawh lomi thil pakhat te a
caah ka rak tuah lengmang mi cu zan kan ih i zinglei kan thawh hlan te ah hin
kan dawttuk “Senri” tiin a cal ah holy kiss ka rak pek tawn. Cucu a hrangah
thil pakhat te ka rak ti piaktawn. Ka dawttuk timi hi a hngalh ko na tein na ka
daw maw? timi bia halnak hi a rak ka pek lengmang tawn, atu hnu ka van ruah ṭhan
ah hin kei nih kan dawttuk karak ti tawn mi biate kha ngaih a rak cim lo bia
asi timi hi ka hna thlam ah a cuang zungzal, cun, kei mah zawngnih zei tluk in
dah ka rak dawt le a mah tel loin ka nunnak hi zei hmanh a si lo timi hi ni
chiar in ka nunnak ah a thar in ka tem zungzal.
Cu ticun, i daw ngai le i duh ngai in khua caan
kan rel lio ah cun zing atam zaan atam caah ruah lopi khin hnu lei her in ṭhennak
lam lei ah a kal thluahmah ko e. Hi vuleipi ngai hi dah sian lo zongah zei
santlai lo ṭah len zawngah zei santlai lo ti phun khin a mah kal ning tein a
kal ve lengmang. Senri cu a zungzal in ka ngai, ngaih lo awk pei a ṭhat lo fawm
cu ka zei zawng vialte, ka ruah channak, ka lungpi le ka hna ngamnak pei asi fawm cu tiah. Khupṭhi rual hawi hna bel
an dawtmi hna he nunnak dot hnihnak lei ah sempuak cawi in hovan hai lo nuam
chialmal an len ṭi zawnah ṭhennak lo hma lei ah na ka kalpi. Ka hmur, ka lei le
dang hna nih kan philh in ti hna hmanhsehlaw ka lungthin tak le ka um tu
hawiher hna nih cun kan philh khawh lo le kan dawt zungzal timi hi an langhter
zungzal. Zanmang chia bang ka hlau neh zungṭhing
hna nih an hmun kei ka sin ah. Sunghno ka nu chuanrawl hna hmanh an thlum al
kho ti rua lo nang tel lo ngai cun. Ka lung dongh caan ah ruah channak a ka
petu ka lungre theih vansan lio ah a ka hnem zungzal tu nang bel nih cun neh
bang khrih ṭhan ser hin loin ee.. A kuaimi thlalang hrai bang kuai dih a zal
kei thinlung. Na duhmi paoh a ṭha na timi cu ka cungah hin tuah ko asi
nabeltein ṭhennak hlei bel kan kar lak ah ka donhpiak sawhhlah tiin kan nawlnak
bia le hla hna kha ṭio tichum bang van ah kai in an lo dih ai rua. Nang
thlimnak dingah kei siangṭang hna le sawm ai ha hi an hme tuk sual rua.
Tintling cung i khua zaza ruat in
tuar a har ngai mi nang zun cu kei thin lungah thin lung in mit ah mit in avan
luang thluah mah mi mitthli hna hi nang mah caah khawn mi pei an lawh hi. Hi
ngaihnak mitthli hna sin i ngaihchiatnak hmun “mui” hi mui padap lak ah hin
khua caan rel ko cang ning law mui seh mui ngai sehlaw nang mah zawng in hmu kho lo tiang in muiseh.
Cunticun nang zawng a zuang lengmang mi va bawng na duhnak hmun paoh ah zuang
ai kun law. Cungzing nu tu nih ṭha ati si cun caan rem kan serpiak te seh. Kei
zawng nang mah tel loin nun khawh kai zuam ve cang lai, tuzan ah hin ka mitthli
hna ni hnawt cawk hlah hmanh ning law thaizing ah cun tla ṭhan ti ko dingin ka
ven zungzal cang hna lai.
Zan tlai thlapa nih hliah tu ngei
loin a dawhnak vialte a chuah.
Maw… Zan thlapa aw kei thin lung
chungah faktuk in ai chun cang mi “Senri” ka dawtnak vial te hi la bang ka zelh
piak ko law tiin nawl lenser hmanh ning law an kaa leh thawng zei hmanh a um
lo. A kingtuk khuangte rit awnh thawng dah ti lo cu zei thang hmanh a leng ti
lo. A tlai tuk cang ko rua, tintling cung ah merem thiam lo khua zaza ka ruat
kham len le thlauh len zawngah zei san a tlai lo nang zunngaihnak mitthli hna
cu lenglei hoih in an luang thlauh mah a luang thluahmah mi mitthli hna le hin
maw zan khua ka dei ṭhan hawi ne lai.
Hi thluk remruam kei lungfak in ka ṭuarnak
le ka hramnak vialte hi”Senri” thei thiam in neh bung khrih ṭhan um te hnga
maw??? Maw harnak ram….. Duh thlin lonak le…. Ṭhennak ram nasi VULEI: 20/10/2015C
L Thang
Biahmaiṭhi
Miphun pakhat kan sinak hrampi le kan miphun kilvennak hriamnan cu kan
Laica hi a si. Kan Laica ṭial ning ṭhanchonak caah a luancia kum 27 hrawng ah
kan pale nih hram an rak thawk i nihin ahcun Laica ṭial ning hi a tlang piin lim
a si cang. Kan Laica ṭialning a ṭhanchonak ding le a feh khawh nakding ah kan
zapi kan lung kan i khah khawh hi a herh mi a si. Cun kan Laica a nun khawh
nakding ah kan zapi tein CACC Laica Ruatkhangtu Committee nih biafunnak
an ngeih mi hi zulh ah a ṭha bik a si.
A tutan kan ceihkhannak ah a biapi in cathluan a chuahtu le ruahnak a kan
cheutu cu Dr. Kenneth Vanbik (USA) le Pu Thlasui Tluangneh (USA) an si. Laimi phun dawtnak he USA in an rak kan tlun hnawh i Laica kong
ceihkhannak kan ngei hna. An cungah lunglawmhnak tampi kan ngei i hmailei
ah ram le miphun caah Pathian nih thluachuah vanluh pe chin ko hna seh.
Tutan Laica Ṭial Ning kan chuah mi hi Laica Ṭial Ning ah a tling cikcek mi a
si rih lo. Sihmahsehlaw Laimi, Laica le Laiholh a dawtu, a kilvengtu le a
ṭanhtu vialte caah hi Laica Ṭial Ning cauk hmete hi Laica ṭialnak ah
bawmchantu le zohchih mi si hram sehlaw kan Laica hi a ṭhangcho ko lai ti cu
kan saduhthahnak nganpi a si.
Laica Ruatkhangtu Committee
Ca le Cachuahnak lei Rianṭuannak
CACC, Hakha
Kei
mah ka min cu Lal En Zau ka si i dawtnak in “Maen” tiah an ka auh. Carel le Caṭial hi
ka huam mi phun lak ah ai tel vemi asi. Hi ka Blog chungah hin ka hmuh tonmi
tete hna le ka lung chuak hna ka van tar langhtawnnak asi. Ka blog na hmuh ning
le thazang pek na ka duh ah cun zeitik can zongah thangzang le ruahnak cheh/pek
khawh ka si peng.
1.Khuapau
ee thal can chuah cang cun khua kil u pa tlangau hna nih ee, i thawh ulaw i
thawh ulaw, lamcawh i thawh ulaw ti hna ee, ti hna, ti hna ee, khua le ram ca i
thawh ulaw ee, nule pa hna i thawh ulaw leng le val i thawh ulaw ti hna, ee,
Ti hna ee, ti hna ee khua le ramca i thawh ulaw ee, nulepa hna i thawh
ulaw, leng le val i thawh u law ti hna ee..
2.Lam cawh
e le maw ramriah cu ee, thaisung dawt le semmawngrual hna he, Sunghno chuan
rawl dum thiam lo in, nile thla kum zeizat hme kan rel lai, kan rel lai, kan
rel lai, chawl buk tang ii khua kan ruah ee, khua pau thereng than kong fiak
fai hram mar hna maw zang ai >chial mal aii.
Chial
mal ai2 chawl buk tang ii khua kan ruah ah ee, khuapau the reng than kawng fiak
fai hram kiar mar hna maw zang ai chial mal aii...
3.Cungchin
ee, khuanu dawt nakin, lungkil saduh thah a tling cang ai, i lom cio u nulepa
hna lai lungrawn khua ah dirser ve cang ai, riluai mai ve cang ai (Suingun tial
le run in sumtual cu( sang ve cang lai)2 kan biak e cung chin khuanu
) thawngin ee..2
4.Khuachin
ee tluang dang ule nau, rihli ral i a um sempi rual, semnak lungrawn kan bawm
ko uh, fung le keng zawng nih celh ti hrim lo Ee, kan bom u kan bom uh, (Kawipi
tlang le tiova kuang hrawn cu za lam lianah kan ser rih lai, tuang le lai duh
bia kan phai) (> ti cang lai)2
5.Austrilia, Denmark, singapore U.S. Malay
zoram kawl ram e u le nau hna hawi dawt um mi dam le lom tein nan um cio hna
maw, telephone lung zur ai, (nilim zatial tlaih canah ee, ngaihnak zai hla i
chon u sih dam te in mangtha dam te) (> in mang tha,)2
Keimah ka min cu Lal En Zau ka si caṭialnak ah Salai Cinzah tiin cafung min ka hman tawn, a tu hi Malaysia ah ralzam dirhmun in ka um cuah mah lio a si i, tlangval note ka si fawn.
Carel hi ka huammi a si i ka lungchuak mi tete mah ka http://salaicinzah.blogspot.my/ ka blog chungah hin ka lungchuak mi tete le ka hmuh tawnmi tete ka ṭial ṭheo.
ka blog ah a rak ka lengtawn tu nan dihlak cungah kai lawm hmai lei zongah rak ka lenglengmang rih u law ruahnak tete zawn vawn ka cheu ve uh.
![MS Office 2013 [ALL] Product Keys [LATEST!](https://lh3.googleusercontent.com/blogger_img_proxy/AEn0k_tfTE2XJHBYD-F6doGf9fAt4yjcbcqb30tfTZss_Tw6YXLXIlidvTS-6FXC2foYi3zveosMsW4_6c7cKFhsiUh953hKbRXWL3LGuPuXy7Ojof6WWJ_f6nncrAs=w72-h72-p-k-no-nu)
