Hauka kan chuah hnu cun tupi ramhual nih kan khua cu phenh dih hna kaw ar khau thawng le Uico bo thawng lawng leng ka theih khawh, cu ticun Km 4 hrawng kan kal hnu ah khin kan khua te cu a lang tlangpi khin ka heihmuh khawh kan in tezong cu fiangfai ngai khin a hun lang mitthli he ka hei cuan i zeithawngvang hmanh theih khawh a siti lo, khaw lu sianginn kan kai nak zawn kan vun zohṭhan i hawi le he kan tlawnlen nak thlangdar kan kawl tawn nak va kan chaitawn nak hna cu mimmei nih a zelh i cu ko nih cun ka thin lung chung ah a dam kho lomi philh awk a ṭha lo mi serh aa sem, tlawmpal kan hei kal ṭha ah khin kan khua cu lang ti lo ding khi a si cang caah NUNKUNG lungdonh in ka hei cuan i ka hawi le nih lodiam an kal tak saunawn ka dir hnuah maw kan khua cungzingnu nih khua a khan ṭha la dah kaw zeitik caan ah cun tawnṭhan nak caan a umte ko la tawn cu ṭhennak ṭhen cu tawn ṭhan nak an tih kha mu tiin mitthle he hnulei ka her i duh sahtein ka hawile cu ka hei panh hna caan sau ka dir caah ka haawi le cu an rak kal sautuk cang caah ka phan kho ti hna lo kahawi le nih cu a kir si ko latiah an rakka ruah .duhsah te cun ka hei kal ṭialmal i ralpel khua he kan i ramri ah hah dihpah in an rakka hngak i caan sau nawn an rak um hnuah ka vaphanh hna ziah cu tilawm mam cun na rau an rakka ti lungrawn khua chuaktak cu ka hmai an ka zoh in ka celhlo zia cu ka mithmai ah an hunhmuh colh tlawmpal kan hei ṭhu hna i kankal nak ding a sautuk rih caah kan hei kal ṭhan hna.
Zanlei sml 6:00 hrawng ah thanzang khua kan phan i thanzang ah cun riak ding cun kan um kakalpi ka hawi leinn ah kan i ṭhumhna zanlei sang cu sicaang kaw AR pi farual nih ciapciap tiin an mah le inn cio cu an vun hlam ṭhan cang , cuko nih cun kalung len cu a zualkhun zanlei ah kan ar ka sim tawn caan hna kha a ka ngaihter khun maw…… keibel sungho ka nu ruuninn zeitik ah hlamṭhan lang kaw ka ti a celh hrimka celh lo kamit thlitla bu in an suttung cu ka tleih i ngangko khin ka dir kan tlunnnak nu nih cun a ka zoh pah i kafa na lungrei theihlah kanram ṭhattik ah kan i tawngṭhan hnala cu a kati i kabiang ah kamit thli cu dongthiam lo in a luang cu kan tlunnak nu cu tarngai khia si cang a fale nih ramdang ah an rakkal tak dih i a fapa a hniangbik he an um ṭi a nih hlah tarcang kaw a fapa nih cun a u le phaisa kut mi hehtiah censek atimh lio khi a si hawiduh a duh hawitheih a theih caan lio te khi a si a zei a si khawm ah kan neih ah neih loah kan nu le kan pa sin kanum lio caan ah cun an kan cawkkhawh ah khawh lo ah kan thil duh mi kan rak chim i pate phaisa kan ngei lo cawknak kan ngei lo an rakkan ti lio caan kha a tu ah cun tuanbia ah a rak cangdih cang. A zan cu khua in fang kan i rawnhmi cu kan van chuan hna i kan chuan ṭihna rawl kan chuan khawh cun kan vun ei ṭha i rawl zong chungah pilkho tilo eilo le a thaizing kal ṭhan ding kan sihoi caah ka hnek chih in ka ei, zaan kan van it ah khin ka hawile hen khua ah cun hmumkhat teah riakṭi le in khat hnu in khat i ṭhial kan hmang ka hawi cu cu zang cu kamitthlam ah an cuangpeng ka kallai te i ka hawi le nih kan in ah khatṭhup in an ka thlah an ka riak kan ṭuanglai ah kan it lio caan ka pawng ih an i cuh hna kha ka mitthlam ah a cuang i zeitik ah tonṭhan um te hnga maw tiin zangkhua cu ka dei .
A thaizing zingka tein kan tho hna i thatlang lei kan panh ṭhan hna cu ti cun chunni cu kanliam ṭha 5:30 hrawngah thantlang kan phan thantlang cu phanbel hlah kaw ka hawi an chim nak cun puitak ding ah ka ruat a si nain ka hmuh tumning cun ka hmu lo cyecel cu a tamngai kaw tawn cun kan van lut i laan-sung market pawng ah kan tlung a zang cu khuami tete hna kan vun leng pah kan van pal diahmah hna sianginn a kai lio mi kan nau le tete hna ka vun hmuh hna i ka hna a hun ngam deuh a zaan cu sianginn kai mi sin ah ka riak hna i khua lei an rak ngai cio hna kaw zaankhua cu khua kong cu kan i ruah ṭihna, Ka theihtawh ka hei ruah hna an lungrak leng ve tuk khaw khua cu rak nagi tuk cio hna khaw an ka kulh i Nu ngakpawl nih lat-phet-toh an toh pah kan vun ei pah cun bia sawng kan tlawrh hna cu ticun zaan ṭimtiang ka ṭhuṭi hna nan nih cu siang khar a vuncu la i khua cu nan hmu ṭhan ko hna la hmanhse kei bel cu zeitik caan ah dah khua cu ka hei hmuh ṭhante hnga ka ti hna , Tu kum X’mas cu naum tak in khukṭhi rual hna he hmang khawh lai cu hnar nanum tuk keibel hmuhbel lo mi ram ah zeiti ka hman lai hmanh ka hngal lo vasi kaw sunglawi ngai inn kan va hmangla ti hmanh kan thei kholo va si kaw nan nih lunglen le ka tuar ning hi cu a dangtuk rih ka ti hna caa ṭhate vun i zuam u law hmailei caan ah khua le miphun caah ṭhahnem san tlai siding in tiin bi aka hei cah hna. 15 oct 2010 ni thantlang ah caam dingin zingka ahcun ka hawile nih an kati kalawm tawk hawile hekhuami hnahe kanum ṭi hawila tiah ruah chan nak ka ngeih 12pm kan vanphan ka pupa nih kankal cangla a vunka ti ah cun ka lautuk a ziah kan caam la naka tikha ka ti hakha tuah kan caam tela a ti keimah duh inn um awk ṭhat lo ruangah hakha ah cun kan kal ṭhan,17 oct 2010 laitlang chuahtak in Malaysia lei ah duhsah tein kan kaltialmal kan bus cuannak ah mizo hla daduh an van play ciammam cu a thiamkhawh ning cu maktak khin a thiam ruangah kati maw a hla kha dekka lungchung a luttuk dek cuti cun kan lairam te cu ṭhihtṭian in kan ṭian tak.
By
Cinzah
![MS Office 2013 [ALL] Product Keys [LATEST!](https://lh3.googleusercontent.com/blogger_img_proxy/AEn0k_vhLc-E1yBEFBWBNAbLLUkvN5PkccodCErAkuldUpsjJl9xvdCmsz5173eo2joL_BY71UOOGJ7Ew0Jcm0LnzmhSH_9IH-UG4w3IQMjAWlC-9E8c9ZvQtDsIeQs=w72-h72-p-k-no-nu)
