JESUH MIN IN JESUH SIN LILA AH

JESUH MIN IN JESUH SIN LILA AH

Evan. Rual Uk

thlacam hi

BAIBAL CAWNPIAKNING A SI LO.

"Zeitintiah Pathian pakhat lawng lawng a um i Pathian le minung karlak ah lamkaltu pakhat lawng lawng a um, amah cu Minung, mi vialte tlanhnâk ah a nunnâk a petu Khrih Jesuh kha a si......"1Tim.2:5-6.

A hramthok ah "Țawnchom in" Pa le Fapa le Thiang Thlarau min cu Jesuh a si, Jesuh lawng lawng Pathian, a dang tein Pa Pathian dang a um hlei lo tiah an ti caah a donghnâk zong ah "Tawnchom țhiam țhiam in" Jesuh min in Jesuh sin ah thla an cam.

Taksa pum in a um lio zongah Jesuh cu minung tling a si lio ah Pathian tling zong a si bu in atu le atu Pa Pathian sinah thla a cam tiah Baibal nih a kan chimh.

Cun Jesuh nih amah zûmtu a simi hna sinah "Van cungkhua ah a ummi kan Pa..." tiah thla nan cam lai tiah a cawnpiak hna i nihin tiang lei pumpi zûmtu tamdeuh nih ngol loin Jesuh cawnpiak ningin thla kan cam peng. Mt.6:9-13.

Cun Jesuh nih a cân hmadung lei ah Amah min in Pa sinah thil nan hal lai tiah Lamkaltu kha a cawnpiak hna. Jn.16:23.

Thihnâk tei in thawhter a si i van ah a kai hnu zongah atu tiang in Jesuh nih Pa sinah akan nawlpiak lengmang ko rih. 1Johan 2:1. Rom 8:34.

Thiang Thlarau a rat hnu ah Paul nih "Kan Bawipa Jesuh Khrih min in Pa Pathian sin ah zeizong vialte ah lomhnâk bia kha chim u" tiah zûmtu kha a cawnpiak hna. Efe.5:20.

Cucaah a hramthawk ah "Țawnchom in" Jesuh sin ah thlacam i a donghnâk zongah "Țawnchom in" 'Jesuh na min ah' thla kan cam ti hi ningcang lo le vaivawnh thlacam a si.

Asinain kan Pathian hi a țha tuk i biatak tein Amah kan auh ah cun kan palh deuh zongah akan theihthiam piak ko lai tiah ruahchannâk tu ngei u sih.

Na Hawi Le Sin Ah Share Ve!

• Tweet
• Share
• Share
• Share
• Share