"KHRIH RALCHANHTU"

Atu zongah van ah Pa le Fapa an um ko tiah Cathiang nih a chimmi a zûm lotu cu Cathiang lila nih:-

"KHRIH RALCHANHTU"
le
"PATHIAN A NGEI LOMI" tiah a ti. 1Jn.2:22
2Jn.9

Evan. Rual Uk

Kum 2 hrawng a liammi ah khan Thantlâng peng Salên khua Baptist bu nih Thawngțha chim an ka sawm i zan 3 tiang cu khuapi tein kan i pum i a zan li nâk ah cun UPC bu a simi cu an i pum ti lo.

Ka tlunnâk Baptist Pastor sinah Baibal ceihți ding i nawlnâk ca an rak pek i zeitin tiah Pastor pa nih aka ti tik ah sawmmi ka si i sawmtu nawl a si ko tiah ka ti i zarhpini zingpumh dih ah Baibal ceihținâk cu kan ngei.

Baibal hmangin bia aka eltu dingah mi pathum an i thim i voi khat cio kan chim hnu ah bia ka hal hna i "Atu ah Jesuh hi khuazeiahdah a um i zeidah a țuan? Nan ruahnâk si loin Baibal in ka let u tiah ka ti hna.
An pathum in an ka lehnâk â dang dih. Anmah le anmah an i el ciammam i kei tu cu dai tein ka um ko cang.

A hnu ah Midle Sianginn Saya ci pa nih, "UPC hell ah an kal lai tiah na timi hi Baibal ah a um maw?" tiah aka hal i Kuat khat Johan dal 2 câng 22 le kuat 2 Johan câng 9 kha ka rel.

"Pa le Fa a hlawtu hi Khrih ralchanhtu cu a si" 1Jn.2:22.."Khrih cawnpiaknâk ah hmun loin a buartu nih cun Pathian a ngei lo" 2Jn.9.

UPC nih cun Pa a dang te in a um lo tiah an ti. Cathiang nih Pa le Fa a hlawtu cu Khrih ralchanhtu tiah a ti caah Khrih ralchanhtu cu Khrih le a Pa ummnâk van cu an phân hnga maw? tiah Midle Head pa cu ka ti.

Cathiang nih "Khrih cawnpiaknâk ah hmun loin a buartu (Lai Baibal Thiangah 'kar hlei a lammi') cu Pathian a ngei lo. Khrih cawnpiaknâk ah a hmunmi lawng nih Pa le Fa kha a ngei.

Taksa in leicung a um lio ah Jesuh nih Pa Pathian kong a cawnpiak. A thawhțhân i van a kai hnu zongah Pa sinah a umnâk kong Khrih nih fiang tein a cawnpiak. Bia.3:21

Hi Khrih cawnpiaknâk ah hmun loin karhlei a lamtu cu Cathiang lila nih:

KHRIH RALCHANHTU
le
PATHIAN A NGEI LOMI tiah a ti.

Cucaah Khrih ralchanhtu le Pathian a ngei lomi cu van ah an kai lai lo ti hi chim hmanh a herh theng lo nain an i hngal sual lai lo tiah zângfah zawnruahnâk in chimmi a si.

Mizoram Hngarchip khua ah Maena he kan i debate nâk kong hna cheu khat nih an rak chim.

Kha debate kha ro a ling tak takmi debate a si.

Zarhpi ni zingpumh khawh ah kan i debate i a thaizing ni khat ni ah Maena cu UPC bu ah lut dingin an rak sawmmi hna lo ah a kal i Rul nih a kut ah a rak cuk i Sii in ah an tlik pi.
Cu zan lila ah pumh kan kal pah ah lam ah rul a rak um i a lu ah kuai ko in ka lamh i lam thlangah kan hlawnh.

Mizo ram ah a thang dih mi cu "Maena le Rualuka an in debate a Maena rul in a cuk a Rualuk an rul a raphlum" tiah an ti.

Tei le tei lo cu chimphung a si lo

Zeicatiah Teinâk le Teitu cu Cathiang lawng lawng a si.

Amah Jesuh hrim hrim nih van a kai hnu ah "Ka Pa sihah...ka um" tiah a timi Khrih cawnpiaknâk, (a thei lo zong si loin a thei ko nain) a zûm lotu cu hell kal dingah â tlâk bak ko. Kal zong a kal hrim hrim ko lai.

Zeicatiah Baibal ah țial a simi Cathiang cu a palh kho lomi, lei le van a rawh hmanh ah a hmun laimi Pathian Bia a si.

Na Hawi Le Sin Ah Share Ve!

• Tweet
• Share
• Share
• Share
• Share