2002 Paamnak Mual ka diary part 3

Photo : ZUSA& CHINHLAM FB Group

Duh sah tein ṭhal caan cu a van liam ziahmah, lo hna kan van duah ve cang hmangsomh le thlaithlak kan van i liim cun kan awl deuh rualai pei tina lak ah, kan lo mauhmun bite a kemhmi an bua manh tuk cang.

Ni khat cu kan Unau thumte cun ka NU nih bawh a kan funh i kan lo mauvat ding in namfu te he cun kan chawi ṭhan. May thla dih lai khi asi zaan lei sang cu vankam a dum khua a rii zaangtlang lei in NIVA ah vanruah le ṭotho cu kan mah lei hoih in a van rat ko khi kan Unau thum te cu vansang in kan zoh zokzok kan lohmun cun kan lawi ṭektlak le khuari cu kudung kudung tiin fingletlang a culdih mimthla a lek ko ah kan farnu te cu a ṭih  zual kan umnak a kan phakhlan ah khin vanruah chummuipi cu a dir, Ucung nih a kan phan denglo asi hi, tlun zong a zaacang tlungzakzak ko hna usih zeiti ṭha kan lonih le a bing deuh in kan um ṭung hawi umlonak ah kan unau thumtein um cu hna a ngamlo a ti zawkzawk in kan thil cu kan itim i kan tlung.

Lo fingkhat hrawng kan kal ah khin kan chak lei kan hmai lei in thlichia le ruah vanbawlaw in a van kan den thli a fak tuk caah hah emem in kan tli hna. Ka Pael thlamah kan i dor i thlileruah nih cun, ka Pael thlacu lak dih a tim a thlamhren hna an poi pah thlam kil ah kei le ka Unu cu kan I benh ka u cu a ṭih tuk caah aṭap pah ka uṭah cu ka zoh I a ṭihtuk ti ka theih I kei zong ka ucu ka pom i cuti cun, kan unau cun thlakil ah cun kan I kup.

Kan upacem Ucung cu, Upa deuh nana cu, kan umnak thlam kan i dornak cu thlichia nihlak dih aizalh caah a thlam tappi kam a hren ah ai uak I cuti cun kan umnak cu thlinih a hrawhnak hnga lo tiin ruah lak ah cun a um thlamchung um e i dor e ti loin kan cindih kan parh dih.

Ka Unu ka zoh ah ka zang a fak tuk kan zamnak ah a hah pehpar he thlihrang nih le deih aa timphun in a um lo a zual chinchin caah a ṭih a zual, cuti cun, minute 30 hrawng ṭih le phang kar ah kan um lio ah cun, duhsah tein thli le ruah cu a van dai deuh ve. Chummui nih a kan khuh dih i kan unau te cun, thlichia a van daih deuh cun, ruahsur lak ah cun inn leipanh in kan tlung hna.

June thla a van dee I sianginn kai a zaa cang caah sianginn kan kai hna, lolei cu ni ruk ni ah zille thlaitlat ah dah kan kal ti lo ah cun kan kal ti lo.

Fur caan anliam i busik caan a van phan kan lopil hi phairam asi caah October thla ah cun kan fang zong kan lak kan suat dih cang hna Christmas lai hna a van si, cuti cun caan a van liam ziah mah.

Veikhat cu kan hawi le komh hna he hawille komh titik ah hin ka ulepol he kan si kan inn pawngah a ummi hna he zudawn riah ah kan riak hna kan lo ah cun zaan thum kan riak i chun ah zuu kua kan co zaan ah (bawltuam) zuu kan veh hna.

Ka hawi le han anmin.

1.      Hu lian (USA) ah a um

2.      Mang Ṭha Tuah (Aizwl, Mizoram) ah a um cang

3.      Than Cung Nung (Yangoon) ah a um ka U a si.

4.      Siang Nawl (malay)

5.      Cun kei mah

Photo : ZUSA& CHIHLAM Fb Group

Hna kan si zaan ah hin kan dahmeirawl nih a zaan a tam caah a kan deihti lo I mei cher kan i vaan i cuti cun lopil zaan ah kan rakṭawl tawn. Pheikalh (Vaithang) kan kamh/tunhmi kan zohpah pawl kan tuam pah, cuti cun, zaan chiar te kan kan vakvai I zinglei ceu ah kan riaknak kan fuhtawn. A kihtuk caah zaan zong ṭhaṭhi in kan it bal lo kan tleimi zuu hrempah hi cun.

Niruk ni zingtein kan tho tlun laini a si caah zingdangnak tuan deuh in kan tho i kan pheihkalh tuh/kam mi cu kan venhna I kan sut hna. Kan chak lei kan van zoh i Sang Cem pa Buhruk cung zawn ah ṭiochum aizel len khi kan hmuh.

Pahu nih E Heeee!!!! Zoh u khih! Mibuh zem/ruk kan khangh cang khi a van kan van zoh cu a Heee!! Kan tii lo fing hnih tluk cho lei thinphang emem cun  kan tli i kan va phan cu ṭio chum a rak si ruk/zem cu himtein a rak i kan hna ngam khawh ning cu, busik zing ee ti loah, kan thlanhripi nih a kan pei dih kan thather khawh ning a tutiang in ka ruah caan ah hin ka philh kho lo kan thawchuahnak cu kan kaa hmanh nih a tlumlo ti awk in kan rak um cucu kan um zong anuam kho ti lo i kan I timhna i zingrawl zong eiti loin, zing khuan cun kan tlung hna inn kan phanh tiangah hin kan thathir a reh rih lo.

Sang Cem Pa Buhzem kha rak kangtak cu sisehlaw cu- a pawngah ummi Mangtuah te buhzem zong a kangh chih ding khi a si, cu kong ka ruah ah zaan ah meicher he zei tiin dah mi buhzem ah Zuu thah duh ah le tleihduh ah kan rak luh ngam timi hi a tutiang in ka ruat ṭheo tawn. Hngakchia ti cu kan thikltuah mi ah khan kan thinlung rilru kan rak pe tuk ti ka hmuh i kan tuahmi ah khan biatak in kan rak tuah a chia ding le a ṭha ding zong kan rak tuaktan chih lo timi hi cuzing thawk cun ka thinlung chungah ah hmunhma nganpi in a latu a rak si.

2002 Paamnak Mual Diary hi perh hlei mi a um lo a dikmi asi kan ṭial lomi tu a tam deuh.

Tling deuh in relchap

2002 paamnak mual ka dairy part 1

2002 paamnak mual ka dairy 2

By 

Salai Cinzah

2002 Paamnak mual ka dairy Apeh>>>

KHUHSI HAANG

Lai haiku aṭhang ngai cangmi a ngiang saun nawnpi cun, thingtlawn pahnih kar lak ah ka chuanmi, lunghmui emem cun, a van cawlh lulh lio ah khin kan thinghman mi ah “mau” ro cu si kawh a alh duh ngai a phul sual awk lai ti cun, holh tuk lemlom khin a kingmi ramtang ah cun, kan pafa rual cun, muipadap ah cun, kan i zii len hna, a Haiku cun duh awm deuh cun, a van suak phot a sadeuh rua a hei chim len khi ka hei hmuh.

Hrup…………..!!! Hrup………………!

Adih lak cun a dolh colh ko, a ṭhut hmun cun, rang mang kheng cun a van tho kan laudih kan pafarual cun, kan ar dih, a van ka zoh i mizuan hnawh dingphun khin a um, nain a ka zuan hnawh em lo!

Ka pa El nih cun, zeidah ramte a van ti? Ka pa El biahal zong cu let hlah khawizei tadah na soo a van ka ti mei! Kan buk cung dihreh i a tenhmi cu holh zong holh loin, ka kut dongin ka hei hmuhsak a ciil a chak len ti hna ava ding thulh, ka pa el nih cun ai fiang colh An thur asi lo cu “KHUHSI” pei asi cu, khuhsi hang na soo ko hi tah a van ka ti, a ruah awk le chim awk zong ka thei ve lo ka luthak cu kaa kheuh len.

Cu ti kan van um cun, ka pa EL le ka Pa cu annih len, nain ka nih bak lo ka nih a chuak lozong asi lo ka Pa Ram ka zoh ah cun, a umtu ning nih lo awk cu a ṭha hrim lo nain ka nih ngam lo bia khi a si, kan van um deuh a tu le tu a khat a chak chel a cil a chak chel, ti a va din chel, cu ti cun a um a caan ah cun, khat lei ka hawi i a hmuh loding in ka mirhmirh ve ko nain a hmuh hman ah cun ka nih mirh ngambak lo ram cu si hlah sehlaw a ka nawnbak hnga mu. Zarh khat thlading in annunih khuhsi “kuak” zuk awk a rawnh mi cu ka tla lai lo ti cu a thei cang. Midang le kuat zuu cu kan um fawn lo mitlung kal caah awk le an um fawn lo faimei khi a ka duhnain a fai em cu a ka fai lo!

Kha lio caan ka pafa rual kan umlio caan kha kum tampi liam cang hmanhseh-law ka philh kho lo a tu ka lungah a chuak caan zongah kei mah lawngpi zongin ka niih kho kai nuam kho ka mitthlam in ka Pa Ram hmaidur ning le a cilchak le a khak chaak hrim kha ka celh bak lo.

A zarh a van liam cun, kan lo vah zong kan dih in ah kan tlung March thla hram thawk lei a si cang inn ah tuantein kan tlung i ka Nu nih naute a rak ngei, Nu te a rak si Unau ral paruk kan si i Far pakhat te lawng kan ngei, tuṭum cu nu siseh-law kan duh kan ti kan chungkhar in, a pasarihnak cu Nu asi kan i lawmhnak asang chinchin, lavah dih tlun asi Far Nu thar ngeih asi kan thabat zong khawi ah dik an tlau dih, kan ilawmh tuknak ah a umzia hrim kan thiam lo.

Ka Nu nih atimi cu f aka ngeih khawh chung Fa NU ka ngeih hlan lo fa ka ngei lai a rak ti a tu tiangah ka philh rih lo, cu kan Far Nu te cu Caka nih min ai phuah i Van Ram Thar tiah ai phuah hngehnge, cuthawk cun ka Nu zong nau a ngei ti lo i a tu ah Unaural Pa sarih kan si NU 2 le Pa pa 5 kan si.

March thladih lai ah ka Pa Ram cu ngawpi asi i vaukam ah thing zuahmi kan ngeimi a um i cu hau ding cun kan Pa fa in zaan khat riak in kan rak kal ṭhan hngakchia te ka sin ain 2002 kum lovah ka riah hi kan lovah a hram thawk in a dih tiang ka riak in kai thei, ka palh kho men.

Kan buk in minute 20 hrawng kal asi ka Pa Ram lo cu, kan buk ah thilri kan i chiah i kan pahnih cun kan va fuk, zaan lei pi ah kan i lim i nangrak lawi chung law kei hi kaa ah hin variak ka van thlapah lai ati i kei ka lawi anih cu, Lai meithal Za Sai Pu, “Cehpuah” kha a sirua ka ti ka palh dik maw. ai ken I variah cu a thlapah.

Buk ka lawi cun, tikhur ah khawlh tawlpah in rawlchumhnak ding ti ka va thlaipah, ka van lawi cun, rawl ka chum a i a mui cawlh ve raw lei cu ka hngak a tlung belbel lo zaan nazi 8;00pm hrang asi cang a rehtuk a lawi belbel lo khua tampi ka ruat ka ning hna a ṭih ding khin ka um kan buk hmai lam cu vahcap saulak ka va zawh i ka vakal ka vioh len zei thawng pang hmanh ka thei lo zaan tlai hnu i zaangtlang ram le lovah lomi karlak i sakhi hawk thawng hram thawng le cingpir nu awnh thawng lawng ka theih, ka suimi-lawm a hring zong a umti lomi ka zaalrang chung ta cu ka van bih i 10:20pm a si cang a tlungbel rih lo ka rawl nih le a ṭamtuk cang, cu ti cun phairam vahcap lak ah kan buk te ah cun kei mah lawng cun ka um hi lio ah hin kum 11 lawng ka si.

Vahcap lak ah ai chawkmi Zuu le sakhuh hna cu a caan ah cun an thawngvang cu a thang ngai a ka pa Ram asi ko lai hi ka ti i zei tlun ti a um lo, kan buk hmai ah cun ka chuak i vahcap cungah cun ka ṭhu, ka cunglei ka zoh i zaan a uktu cung fidi hna cu hawi ngei in an umṭi hna kei bel phairam ho hmanh umlonak hmun ah ka um, a king hrinhran ko ka pongah a awnmi khuangbai (khautezi) hna hram thawng tidah lo zei thangpang hmanh theih ding a um lo. zaan lalnu thlapa zong Dawn khua tlangin Mizoram lei ah a liam ziahmah cu umhar in a liam lio cu kei mah lawng cun ka zoh liam ka thlah lim.

Ka rawlṭam tuk cang ei tak le ka duh fawn lo a mah lawng raw lei lai cu ka zaan afakka hngak ko lai ka ti i ka hngak pah cun ka itzau i zeikar ah kai rak hngilh manh zong ka thei lo. kai rak hngilh diam, ka hmaw carau khin thawngpang ka thei ka hna ka tun ka Pa Ram vahcap lak i a kal thawng arak si, kai hngilh pah nain thawngpang nih cun a ka neih deuhdeuh ka theih ko nain, ka mit ka au khoheim lo, buk chungah cun a van lut i kai ṭhang suimilam ka zoh 11:30pm a si cang na hlawh a tling maw, na va tlai ve? Ka ti a zalrang chung cun varit pakawng a takawng ṭialrekruk a van chuah, mah ka kah i ka dawinak ah hin ka tlaituk cu a ti, a hah a van i rawl ei ka van tuah colh ve ziah n arak ei lo rawl cu a ti, aw hi kan hngak cu hi. Rak ei dingpei asi cu a tipah cun, kan pahnih cun kan ei kan ei khim cun kan ṭhu luklak i ih zaikan rel, a varit phurhmi cu anung in a van phur kahmi a nung phur cu ka ti a ke ah ka kah asi lai ati, vahcap tang ah a lut le kan i dawinak ah ka tlai viar cu a ti. A nung cun zalrang chungah cun kan kan chiah i anung in kan inn ah kan phurh lai kan rak ti.

Thaizing kan tho kan buk kam thing tete kan hau mau hna kan cikpah i varit phurhnak ding ah cun, bawmcek (kaurelbawm) hna kan tah pah, kan i tidih cun tlungding in kan thli kan tidih cun kanbawmcek chungah cun, kan van khumh i kan tlunhlan deuh ah a thi, poi ka ti ngai a nungin inn i phurhtlun kha ka rak i hlahhlang tukmi arak si, ka pu Lian (ventluang pa) nih cuni ah cun an lo ah a vanra ve i a ka timi cu, varit cu anfim tuk i lunglen an hmang ceu ah na chiahpeng i zaan atlintik ah cun a thi ṭhiamṭhiam lai lunglen pei an hmang cu, a tu zong nan zalrang chungah a muihnak ah nan chiah i a ceunak ah nan van chiah cun, sau anung lo hi bantuk peng an si a ka ti.

A varit kah mi cu a kahnak kan kawl i kan hmu lo a vangri khi a vun a rak tlet i cu lawng cu zongcu vahcap lak an i dawinak a hnuknak ah si dawh asi, a rak kheng lo rengreng khi a rak si.

+++++

Ka Duhnak zawn ka peh manh lo ṭialnawl tik ah phak manh kan i tim lai>>> Kan Unau thum in ṬO tho nih a kan den in ka peh lai.

2002 PAAMNAK MUAL KA DIARY KUM 11 KA SI LIO. Part 1

Paamnak mual sullam : Dawn Nungak mui dawh Ni Ţial cu Ni Kual ral or Khuangli Ral nih a lu anrak laknak ram asi I, cu a lu an lakmi Leng _ Ni Ţial cu ni kua le zaan kua chung an kalpi I an Bawi sin an phakpi tiang ah a heh hmanh arawk rih lo ti asi.

                       +++

2001 kum Christmas a dih nain laitlang busik bel phairam ah cun, tlak hram ai thawk pamal lovah tlawlh lai phan ah Christmas lai teah zarh khat hrawng lovah ah ka pa ka rak zul a chel ah ka nau Cak Thang he kan si chel lo khi cu kan rak vattuk lo nain kan tih khawh tawk cun, kan rak bawmh ve. AREK THEI (bengteng) a rak tamtuk caah ni leng deuh thi awk in kan rak char I zaan lei ah inn ah kan rak tlunpi tawn.

Christmas tlinnak ah zarhhnih hrawng a duh ah kappa cu ka naupa he cun, kan rak zulṭhan i, lovah kan rak bawmtuk lo pafa kan ti cu (mau) thangthleng ah tiin kan Unau cun kan rak sat/la kum 11 lawng ka si nain, hi kum ka singning cu ka philh khawh mi a si lo.

Mau thangthleng dingah kan satnak cun ka ngal kai tuk i tamtuk ka thisen a rak chuak a ṭah ka duhtuk nain a ṭap cu ka rak ṭap lo, busik kan ti cu tizuu ngei lo bawl khuai I buknak ding kawl in anvak lio caan asi i khuai um vanriang nih ka baan ah a rak ka seh i a rak faktuk ka rak ṭap bak pheh lo cun, zarhkhat hrawng ka ban cu puan in ka rak puak phah a tu tiang a serh(hmape) a um thai.

Christmas adih cun, pa mal kan tih cu lovah cu ai rak hnaw len nain, kappa a mah te long nih cun tuanvai ah a lim kho lo. sianginn kan kai lo caan rinni hna ah cun a mah lawng kal cu a mitthur a tlaksual ah mitthur zoh tutel ah kan ṭhathnem ah tiin kan rak zul tawn.

Busik lio ah a zatceu cu kan rak vat manh, lovah lawng peh awk a ṭhat lo caah 2001 kan lo lei ah a rian cu ai thial ṭhan I kan nih zong sianginn kan van khar ve cang, 

ṭhal khua a van pau I mei thang zaam nih zangtlang ram cu a khuh I fiang tuk lemlo khin kan hei hmuh khawh, sianginn kan khar in ka pa he cun, lovah ah kan riak ṭhan i cu ti cun, rawl ka ka rak chumh piak hna I raphna ka rak chiah pah a caan ah Anthur hang he a caan ah vate, varit tbk sa he zaan muipa dap ah cun kan pafa te cun rawl kan rak kil tawn.

A zarh hnihnak ah cun kan lo pa tete hna zong a riak in an van chawi ve hna I buk neih teah kan um hna kan thlang ah, Pu. Tha Cung le Pui Thang, an kam ah Pu. Thang Lian, Pu Rolen hei tihna a bukbuk in an rak riak ve hna, ka pate le pol zong kan lokam ah an lo a umve caah kan sin ah cun an rak riak I cu ti cun kan pafa rual cun bukkhat ah kan rak riak hna.

KHUH SI HAANG

Voikhat zaan lei cu tuantein kan lo hma in ka ṭin I ti ka thlai hnu ah rawl ka chum, a muipah cang dinhang ah Anthur kha rak soo te ko an ka ti caah kan buuk cungah (palasiṭik) in funmi cu ngahpih tlawmte le sawhthu car tlawm te ka peih I ka bei, ka pa el kha sawh thu a rak ei lo I tuan deuh ah kan sawhthu le nga pih zong a rak kan thuh kanh cang heh chet tiah kan kawl lennain kan hmu lo a rak holh duhbak lo nan I phurh lo I a si ko la cuh! A rak kan ti salam I kan bukkam ah ka pa nih a hmuh I a lak ṭhanmi cu ka ṭamh. Ka pa el (Emanuel) nih cun a rim a theih in sawhthu na cawhmaw a ka ti cawlh aw tiah ka ti. Ka Ram RAM PAN nih lai hai kuu rua in sermi nih thingtlawn pahnih karlak ah belte pumin ka soomi mi dinhang cu, laihai ku cun a tlawk lio cu a van cawh2 I tlawmpal a van suak i a lin deuh rua a van chem phot cu hnu ah cun.

Hrup! Tiah a van cauh mei cu!!!

Aza leee ! A Za lwww ka thi, a ti ko !!!

++

Ka Tlawng Mizoram

KNP CONFERENCE

(2008)

Kan tlawng Mizoram

Salai Lal En Zau

Malaysia, Zoon Negara ah caan khat chung

Kan Bawipa Pathian nih kum 2007 ah harhnak kan khua ah zing ni ceu dawh a tlanter, 2007 kum hi mautam kum paam kum asi. Hmai lei ei awk caah mangang vansang in kan um, asi nain Pathian khua khan hi ho hmanh nih kan chim khawh mi le kan theih cia khawh mi asi lo zia hi kumvui hin kei mah pumpak hrimhrim in ka theih ka tawn. Kum hram thawk in lengkhawmnak in hi harhnak hi aa thawk hi a si, kan ṭuan lo thlawhmi nih zoh ah cun ngaihchia ngai kan si ko sihmanhsehlaw kan tincomi harhnak nih kan lungrei theih mivial te kha a kan philh ter dih ti zong in kan ti khawh ve. 2007 kum hi cu kan khuapi tein i cawm dingmi kan um lo.

Kan thlawh ṭuanmi kan lo nih ruahchannak a kan pe lo nain, thingthlarau rian ṭuan ning hi a tutiang ah hin a mak zia hi ka ti rih. 2007 kumhram thawk in kan khua ah cun thiangthlarau nih rian a van ṭuan ciammam i cu ti cun kan khua ah cun a hmasabik ah. Pu. Mang Pum nih a van cawi mawi a khua ningpi in lengkhawm nakin thlarau rawl he titsa rawl he kan ei in kan ding ṭi hna cu a van dihbak cun, Pu. Chan Lian nih a vanpeh ve Pu. Chan Lian a pehbak hin Dawn Baptist Church Hall ah kan hmang hna. Cu ti cun, kan khua ah cun thlarau nih rian avan ṭuan ciammam i thlaruk/sarih chung pehthliah mah tein thiangthlarau nih a pehzawm.

Kan khua kingkap ummi le kadang hmun dang i a ummi nih cun Dawn Khua an molh cang an hrutdih cang tiah an kan ti, an mawhbak lo ka ti hi harhnak hi an tep ve in an tingco ve lo ca tuah asi ka ti kan sinah a tep vemi kan khua pawng ummi Ralpel Khua (Dawn nih cun “Leisen” tiah kan auh/kawh hna) an nih khua zong caan zeimawzat cu thlarau rianṭuannak nih an khua tlangah ni ceu dawhte a tlan terve i cawimawi hlim leh lam cun an caan an hmang ve.

Hi harhnak nih hin kan khua kiangkap ummi Mizoram zongah fakpi in kan thawng pang a valen tik ah kan khua ah cun Gospel in an van ra hna cu nakcun, kan khua ah Pathian rianṭuan in a tanglan mi a um i cucu “Kawnga” tiah kan auh. Kawnga nih cun zanlei fatin tein hngakchia zeibu ti um loin Pathian bia le hla chimhnak le cawnpiak nakin a caan kan khua ah cun a hman thai, cu a chimhmi Bu cu KNP tiah min a sak KNP ti cu (Khristian Naupang Pawl) tinak asi. Cun ti cun zaan lei fatin Pathian Bia le Hla a kan chimh.

2007 pamnak kan tonmi hi kan cawimawi ruangah si loin vawlei cungnih a chuahpimi mangṭam (mautam) nih kan khua zong a van kan phak ve khi asi. Paam kum a si nain kan nih nih cun kan Pathian dawtnak thawngin kan paam kan i tilo a khua tlangin eidingah kan buai lo. Mah ka hin si Pathian thiltih khawhnak a rakmak zia ka timi cu, hmundang kadang ummi khua minih an van kan bawmh ciammam i kan khua ningpiin rawl ah kan harsa hna lo, vawilei pumpi nih a ṭih bikmi lak a telve mi mautam kum zongnih Pathian dawtnak thawng in a kan tei lo.

Pathian khua khan lairel a makzia hi kaa in cun phuancawk asi lo 2007 kum harhnak nih hin kan lo rian ah kan bahlah hlei lo tla ruk/sarih chung hlim le laamnak in kan caan kan hman nain a khua ningpi in lo thlawh a tlawlh mi kan um lo kan lobel nih cun eiawk a chuahpi lo a sinain Bawipa ah kan i lawm, 2008-2010 kum ah van in hlah in maw a tla ti-awk in kan khua ah thlawchuah bawngmal a van tlung ciammam i 2008 le 2009 kum hi a khua ningpi in kan fang kan i ṭuan(suat) cawk lo. Lo a tuah lomi hmanh nih fang a ṭuan cawk lo mi hna nih an fangṭuan dingmi cu an tlawhṭuan sa an lo fangcu a lak in an ṭhenh an pek hna i cu ti cu lo a tuah kho lomi hna le lo a tuah lomi hna zong paw khim emem in thlawchuah an ting cove hna. Kan nih chung le bawng hi cu hawinak in thlawchuah malsawmnak kan tingco deuh tiah ah ka ruah i uangthlarnak ah si loin hi kum hnih chungah hin khua chung ah fang ṭin(pung) 1000 leng kan ngeih khua tlangah cun fangah cun kum hnih pehbak in hausa ah kan i chuah phah midang cio zong a fimtol cawk lomi an tamtuk a zatlang in kan khua nih fang hi ṭin 500 in a tlawm deuhmi nih ṭin 300 cu kan ngeih dih hna Bawipa thlawchuah timi hi kan nih khau Dawn khua nih cun kan tingco taktak tiah lawmhnak in kan khua cu a tuam muai.

2008 kum hram thawk lai khua te caah cun kan rianṭuan kan awl saling asi i ṭio tichum zong duhsah tein a van i hawk diahmah ve. Kan lovah kan i lim bak in Mizoram ah “Aithing” man aṭha chiammam cu, kan khua caah cun thlawchuah a si lo kan ti kho lai lodah ka ti, rianṭuan ding kan awllen lio ngelcel he a tong mino deuh cu kan khua kiangkap ah Aithing cawh (phuk) ah kan chawidih ngawt hna kan khua cu a kingbak in a king. Thlakhat hrawng kuli kan va ṭuan ciammam i cu tenih cun kan thlairawl cin, lo buh, kan tuh, lo kan tlawh tik ta tiang khin mehmua le a herh mi hna le rawl i cawknak ah kan hman.

*****

KA TLAWN MIZORAM

Khua pau chuah thereng hna le thankawng fiakfaiva hna nih lungleng ngai in fingkip tlangtin culin zaihla dawh anremh hna, ṭio tichum zong duhsah tein an van kiang hna i ṭhal khawro meithang zam hna nih kan khua kiang fingkip tlangtin romei nih mawchial malte cun a van bawmh hna. Kan khua hi tlangsang cungah tlakmi asi khua vangzaa cuanh khawh le thlir khawh asi. Tu kum zong khuadi, romei a chah ngai caah piangtuk in a langkho lomi Mizoram zong zaan caan ah cun piang kikiai tein an lang hna. Mizoram hi voitam tuk ka tlawng cang ko nain tutan ka tlawnning hi cu phun dangngai in asi caah kei ka caah cun philh awk ṭha loin ka diary chungah ka ṭiallan dingmi ni le caan ah an cang. Tu tan Gospel in kan kal ah hin kan nih laikhua te lei le Mizoram lei a dannak tete kei mah hmuhtonmi in ka van langhter duh.

Zaan caan ah hla cawnnak le khawmpi kan va kal tik ah cawlcanghnak ah kan hman dingmi tete timhtuahnak in zarh khat chung kan caan kan hman, kan mah le tih khawh tawk cio ṭuanvo an kan khinhmi cungah kan tha a tlung, hna i kan i nuam fawnhna tutan kan tlawndingmi khrihfabu hi Cherhlun Baptist Church a si Cherhlun khua ah cun Khrihfabu zongah a ngamcem mi bu a si bantuk in le Mizoram leiah hi tibantuk in biaknak he pehtlai in caan a hmangbel mi kan si lotik ah kan mah le ṭuanvo ngeihmi cio ah fakpi in timhlamhnak kan ngei cio hna.

Inn zanga lengkai thingtlang khua ah KNP khawmpi zawh dingin cawnni nga (Zirtawp) ni zingka ni cu kan khua hau ka nitlak leipanh in kan khua hngakchia dihlak ti awk in a runpi in kan khua cu kan chuahtka hna. Hi KNP khawmpi hmangding in a kalmi hi hngakchia lawngte 115 hrawng si in upa a kan zultu le nu le pa a kan zultu he cun 120 hrawng kan si hna, hau ka ah a kan hruaitu han nih thlacamnak a ngaih hnu ah kan khuallam cu duhsah tein nitlak leiram Mizoram cu fuh in kan khual lam cu kan van pehṭhan hna minung 100 leng pehtlai tein kan van kal cu tha a nuam hringhran dah, mah lio caan hi ka tleirawl chuah saling a si bantuk in a kalmi lak ah kan saya/mah te dihdah lo upa pol ah kan um hna kan mahnih hngakchia tete hna zong ṭhithruai zohkhenh tiang in kan bawmhhna, suimilam pahnih hrawng kan kal ah khin Mizoram he kan i ramri (Ṭio) suimilam 11:30am hrawngah kan phan hohmanh liral ah kai lodingin an kan ti caah ṭio kapah cun kan i ponghna ṭio kuang vialte kan khatdih tiawk in kan um hna, ti tawngh, cen a hiar in kan hiar cang kan saya/mah te an phanh rih lo caah ti tawngloding an kan timi cu zulin kan saya/mah te hngak in kan um hna a hnu deuh ah an van phan cawlh ve thlacamnak kan neih hnu ah kan i khawlh ṭawlhna. Ni nemdeuh tik ah duhsah tein kan kai telai tiah upa le a kan zultu hnanih thawng an van kan thanh hna kan i nuam tuk hna ti i dai len kan cimhna lo mi cheu kan i lio mi cheu an mah le ngamhtawk ah an i khawhṭawl hna cuti cun caan kan hman hnua ah le hmantam nawn kan i thlak hnuah zaanlei 2:30pm hrawng ah kan khual lampeh ṭhanding cun a kan hruaitu le nih cun theihternak an van kan tuah ṭhan han.

Ṭio tivapi cun, kan khualam kan vanpeh ah cun ṭhal ni linh lio asi bantuk in sau kan kal hlan ah kan thlanfim nih kan i hrukaihmi kan thilri hna cu cinlak in ruahsurh mi bang in an cindih hna, cun ticun, ho hmanh holh huamset sai lo cun duhsah tein kan kar kan hlang hna i km1 le a cheu hranwg kan van kal ah cun, hngakchia deuh cu cauhhram an van thawk cang, ni nih le a linh in a lin a linh tuknak ah hin a teek in na teek ti awk in ni khua a tuah. Hi khawmpi ah a kalmi hna hi kum 8 in 18 i kar lak hrawng kan asi hna, hngakchia deuh cauh hram an van i thawk cang lam nih le a tun bak in aa tung Upa lungfim deuhhmah nih kan celh bak lo. A hlan ṭio tiva tbk kan kal tawn ah hin Upa nih an timi cu ti hi i liohtuk hla uh nan thadih lai lam nan kal kho lai lo, cauhnak asi an kan titawn mi hi hi ni ah hin ka van i fiannak zong a si.

Upa nakin hngakchia nih hin tuar an cheldeuh tiah hi ni ah hin ka hmuh khawh upa lungfim deuh hmanh nih kan celh na loin kan i hneceo hna bu in mi cheu khat cu duhtawk in a nih a nuam kho mi hna ka nau le ka zohah thadih mui hmai a kenglomi an tampi hna, mizapi kan si bantuk in a cau chia cu kan um lo nain hngakchia thli kha upa deuh le pa pol nih kan chan hna i duhsah te cun kan khua lam cu kan peh thluah mah. Cu ticun, kan i hnuk dawk hna i zaan lei 5:30pm hrawngah Cherhlun khua cu kan van phan, Biak inn ah KNP hngakchia polnih lakphak tisa he an rak kan dawn hna, a rak kan dongtu ka zohhna tikah hngakchia tuk an umlo kan mah ṭhirual le an mino deuh an si kho lai tiah ka ti, cu ticun, duhsah tein kan hah kan van i damh hnu ah cun, tlunak ding-inn an kan phawt hna, inn khat ah Pa thum, pali, pahnhih, tbk in an kan ṭhen cio hna hngakchia deuh kha upa deuh nih kan i tlunpi hna, kan nih zong kan khua cawimawi borauk ah kan khua ah Gospel in ara mi an khrihfa bu mino nungak “Ringkimi” an timhmi teinn ah ka nau le pahnih ka ṭhit hna i an mah in ah cun kan tlunghna.

Kimkimi hi kan khua an rat ah zarhhnih hrawng an caam, cu chungah kan rak i kawmh pahve caah kan tlunnak inn cu kaa lunghmuih a zual i ka nau le zong theihcia hmuh cia inn ah tlun cu an hna a ngam i a nuamh zong an i nuam fawn cei lak in an hawi lekomh sin ah an chimh hna, a nih zongnih a rak ka theih caah khual um zongin kan caam chungah kan um lo mah in lo umbak in khua kan sa i a dawtzong an kan dawt a nih hi nungak note a si Unau pathum chuak an si ṭa pakhat te a ngei Panga khua sa an si, an ṭapa le an pacem belte khua ah an um lo lio caan a si caah kan hmu manh hna lo, a nau hniangbik tu nih a kan zohkhenh i a kan bultawl, Biakinn zongin a mah nih a rak kan lak, zeileh kim ah a mah nih a kan tuammui kan herhnak ah a kan kalpi a kan hruai.

****

Biakinn pi cun kan vanzuang kan thilri khat ṭhup in a kan phurhpiak a “ngailo” kan ti lenzongah a duh lo caah al awk aṭhat lo caah bawk leh neer in kan ruksai cu ai bei, a hnu in kan zulh i kan hawi le zong kan pawngah an tlunnak dingcio panh in an kal ve hna, kan inn kan phanhbak in lakphak”thingpui” tisa a van kan tuahpiak kan van dinpah cun kan min tete zongtheih ternak kan van i tuah hna hnu ah duhsah tein kan i khawlhṭawl hna. Kan i khawlhṭawl dih cun, hla remh ding zohding kan si caah kan i hmuhkhawmnak ding inn ah kan kal hna. Hla kan zohkhawh in inn ah kan lawicio hna i kan hawi le tete kan in pawng ah a tlungmi hna kan tlunak inn hna kan i kawhhmuh hna i kan i chim hna hnu ah mah inn cio ah kan lawihna.

Rawl kan ei khawh in i pumh ding cun kan i timtuah hna, kan tlunak nu ahniangdeuh nih kan i tonkhawmnak ding tiang a kan chiah kan caan neih dingmi tete kan i zohhnu ah Biakinn lei cu kan zapi te cun kan panh hna. Biakinn a chak lei kan mah khua leikap ah ṭhutnak an kan kianh i an Biakinn zong a ngan i cunak ngan ding cun an kauh cuahmah lio asi, kan nih lai lei he kan i dannak pakhat cu Biakinn kan kaltik ah kut lawng in a kalmi kan tamtuk kut lawng ka timi cu. Bible, Hlabu tbk hna hi an si, an nih Mizoram hi cu hngakchia upa in Biakinn an phanh cang roro ah cun Bible,Hlabu hi cu an i ken ngeingei hna.

Cun kan thilhruk aih hrim kan i dangtuk rih, nulepa nih an hngakchia tein maw an cawnpiak hna maw an mah nun phungah an i neih mi hrimhrim dah asi hnga? An nih cu Biakinn ah i pumh dingin an kal cangah cun, an thilthuam lak ah aṭhabik mi le Bible,Hlabu he smartly tak in hngakchia te zongnih necti hna an van i awihhna zoh an dawh tuk hringhran, Thianghlim tein Biakinn an vanpanh zawn khi zoh cim in an i tuah lo i mit an la kho tak.

Zaan riahnak ah kan buai

Pumhnak caan kan van thawk Mizoram asi bantuk in mizo hla lawngte cu kan sa hna, kap khat lei ah kan nih khua hi mizo hla hi kan thiam ngawt ve, mithi ṭhutpi hei tibantuk hna ah hin kan hlasakmi cu mizo hla hi kan i hrawmve i pumhkhawmnak zongah mizo hla hi kansak ngai caah mizo hla cu hngakchia tiangin kan sa kho dih ve, cu lawnghlah mizo holh zonghi kan thiamdih mi a si, mah ka zawnhin si kan nih kan khua kan vanṭhatnak pakhat cu vawilei pumpi cungah a umti ah ka theihbal lomi kokek holh ah Nu le Pa holh a dang timi khua vulei cungpi ah a umti ka theih bal lo kan mah khua lawnghi Nu le Pa holh a dannak khua kan si tihi world record ah chiah dingtiah ka ruah. Cu ticun, kan caan kan vanpeh ṭhan, i khawmmi ka zoh hna’h nulepa a kan khawmpi tu an umtuk lemlo ka khuaruah a har deuh halhna ka duh ngai nain ka hal ngam hna lo.

Pumh chuah cun, lai lei bantuk in hmunkhat ah riak khawm dingah kan ruah a kan ṭhihruaitu polnih riaknak dingin an kan thanh lo caah pakhat le pakhat kan i hal hna khawi ka ah riahding tiin kan zulhmi pa zong a ruah awk a thei lo annih lei ah cun, cu tibantuk in hmunkhat ah riah an rak hmang lo ca tuah a si, kan inn ah riak ko uh a van kan ti an inn riak dinginn Nu lawnghmanh tlumding kan si fawn lo caah Biakinn chungah cun kan um hna, kansay/mah te nih hngakchia deuh le lam naideuh a ummi cu “Kawnga” teinn ah a duhmi cu riah khawh a si, cun upadeuh le lamhla deuh a ummi cu mah le tlunnak inn cio ah riahding asi lai tiah theihternak an van kan tuah hnuah lengah kan chuak hna. Kan tlunnak nu nih cun lengin a rak kan hngak i hmun khat ah inn ah kan lawi hna, a zaan ah chungkhar an tlin lio caan a si caah theihternak kan van i tuah ṭhan, tisa zong kan van dingpah hna biazaza kan i ruah hnu ah ihnak an van kan serpiak i kan kutke kan i ṭawl hnu ah ihram kan thawk chunni lin nih a ka cheituk rua ka ih ka bak cun ka hngilhcawlh, a thaizing tlaihnu ceo ah ka nau le nih an ka ṭhangh cop i ka tho. Ka thawh hngap in lakphak tisa cu an van kan serpiak cawlh Mizo miphun hi lakphak cu a uar vebak mi an si, a tlaipah cangnain kan inn bel ni kan hmurih lo tuan ngai a lo, kan van itim i lengdingin kan chuak hna, an laansungah lakphak dawr hrawng cu kan mah khua lawngte ti awk in mipi cu a but in anrak i but hna, mizoram cu Democracy ram a si bantuk in an hningho Ngai, lakphak dawr pakhat te aum i cu dawrah cun kan van lut cu kan mah khua lawngte cu a khat in kan khat, dawr ngeitu nih cun “Changthawp” a ser i a tinh in kan i tinh manh lo changthawp hi kan nulepa Mizoram an tlawnzawn ah cun kan cah mihna an eisupsep ah cun an i uan bak ve mi asi.

Ka philh khawh lomi changthawp cu an “UR” mi cu a bawhbak in kan rak bawk an ur cawp in kan cawkdih kha lio caan ah khan Rs.10.00 a rak si, kan caam chungcu changthawp hi a laar cemmi asi a tutiang ah hin capo ah kan saihlen rih kan changthawp cawk le kan umtu ka mithla ah acuang pengrih atu tiangah

*****

Cawnni ruk (Rin) ni zing pumh ah kan thillak i aṭha cemmi cu kan van i hruk cio hna i Biakinn lei ah cun kan i zul dawihna i pumhnak caan cu kan van thawk ṭhan Nulepa pumhpi tu tam kan ngei hlei lo, ka khuaruah a har a ziah mah tluk lamhlaa in hi hmun ah khawmpi ah hngakchia 100 leng kai mah ram si loah kan ra i 100% ah in khrihfa ka si ai timi Mizoram hi dah ngai tiah ka khuaruah ahar, thangṭhatnak hla ah kan zapi te dir in.

1. “LalPA ram taan, tunah ṭangin, kei ka kal dawn”³

Huaisen in LALPA ram taan kei ka kalzel dawn

2. “Ka hlau tawh long, ka thla amuang, LALPA min hruai”³
3. “Buhphal keng in, hlimtak in kei, ka haw leh dawn”³
4. “Haleluiah, halleluiah, halleluiah”³

Kan kut le ke he kan piah(laam) voitam kan nawlh hnu ah kan ipumhnak caan chungah kan van lut, hla thiang saknak,Bible relnak tbk in a phunphun in kan caan kan hman hnu ah kan i pumhnak caan cu kan vandih. Zaan lei India suimilam in 2:30pm ati. Baptist Church Hall ah Social Servic in kan caan kanvan hmang hna i nuamhnak aphunphun kan mah le tinco mi, a kan hruaitu polnih tuah uh a kan timi paoh cu zulin kan tuah hna, hi nuamhnak kan tuah ah kaphilh khawh lomi pakhat cu changthawp ei izuamnak hi asi kannih lei pakhat inntek lei in pakhat tiin zuamnak a um changthawp zongcu cherhlun khua ah cawkding a um lo caah Thingsai ah anrak cah i chunah tisa he an kan dangh a lian takmi mizo changthawp cu pahnih an van lak i ti dinhlobak in hodah ei dih hmasau deuh tiin zuamnak an van tuah a der lei deuh paoh cu daantaknak ingding an si caah kan mah umnak cio in kan rak ṭangngai hna. A kan hruai tunih 1,2,3 a van rel mipi cu arak in kan van rak hna kanmah lei cu ṭangṭang tiah thazaang kan van i peciam mam cu pawhri zong fak viar in ka nii hna. Ti lo cun an chang a lian tuk rua kaa nih atlum lo caah an ei chung zong a rei ngai cu lio cu mipi kan i nuamh tuknak ah kan umhmun in ṭangṭang tiin kan rakchih an nih zong an ṭang ve. Kan mah lei nih teinak kan hmuh caah daantaknak cu inntek lei nih an ing, an hlasak thiam pahnih nih hla an kan sakpiak i nuam taktak in kan caan kan hman hnu ah cim lo emem buin kan caan kan donghter.

Kan caam chung cu khawmpi zawh kan sibantuk in pumhnak in le Pathian thangṭhatnak in kan caan kan hman, Mizoram cu, rak hninghno deuh kawh thlum al a tam i awr zong atlei taktak, kan umhar deuh caan ah hin “muṭhai” a bawm in ka cawk tawn i hngakchia pawl heh tiah kan nu ngakdeuh pol nih an phawt tawn hna, an dihlak dangh hna ning ti usih law ka tangka i kenmi nih nguh ding a si lo caah muṭhai tu a tu le tu, ka dangh tawn hna. Kan saya “Kawnga” hi anmah cherhlun khua mi a asi i a mah nih tutan khawmpi zonghi a kan kuri a mah lamhruainak in kan tlawn hi asi, a nulepa an rak i nuam tuk caah vok thau ngan takmei an kan thah i Pathianni zaan lei cu rawl dumṭinak in “Kawnga” teinn ah rawl kan hrawng hna.

Zaan zong tuan teah kan ṭin hna i kawnga teinn ah intek telloin nuamhnak kan tuah hna i kan i nuam taktak kan dihlak te in kan dir i kan mah Zion hla kan i sak kan lamhna, kanmah Zion hla ka timi cu kan mah laihla te ka tiduhnak asi, miram dang zongah kan mah holh le hla te hi a rak thlum al hringhran ko. Kan i nuamh cingling ah cherhlun khua inn 500 leng khua cu an mei amit i daiṭhup in minute 20 hrawng cu kan ar ko! Micheu caah cun caan ṭha arak sipah ziar ti zong hi meimit nih hin a ka hmuh sak hoi, mei mit le mit lo poi ah ruat loin kan caan cu kan peh i kan i nuamh ning zong tleirol caah cun a van turu chin lengmang, a thaizing tlungding kan si caah 11:30pm hrawng ah kan i nuamhnak caan cu sianglo buin kan ṭian hna.

Thinghlimnak he Biakinn an panhmi zohcim in an i tuah lo, kut lawng kal loin a chah pah nawn mi pahnih cu an i put(ken) chih ngeingei, Biak inn an panh cang roro ah cun caan hramthawk tein a dongh tiang in an um, pumh lio chuak tbk an hmang velo, an ṭawngkam a zang i mi chawnhbiak an thiam, an nun thianghlimnak in an khat. Ni thiang ni ah chungkhar an tlinghna i chungkhar tlingtein Biak run an panh zawn khi ka hngar hna.

Khrihfa 100% a si minnih nulepa nih an fale an kan pumhkhawmh pilo mi hi ka khuaruah ahar zeiruang ah dah asi hnga ti a tutiang a phi ka chuah khorih lo an nun phung rengreng maw a si hnga maw? An mah khua ngeih mi dah asi hnga, hngakchia cu an tam ngai nain nulepa bel kilh kamh tu an tlawm, a si nain an KNP hngakchia pol an fel i mibul tawl an thiam an aw kaa azang fawn, a herhnak poh ah an kan zulh kan duhnak poh ah an kan chawhpi i an zakzum lo.

India 10:00am ati ah ṭio lei ah an certual tlangin duhsah tein kan liam hna i nulepa thlahtu le kuttlai tu an umtuk lo, KNP hngakchia upa lungfim deuh le a herhnak ah a kan buaipi tu deuh lawngnih kan kut an tlaih. “Damtak in Mangṭha rawh u aw” tiin bia i cahpah in sianlo le cim lo emem in cherhlun khua cu hnu ah chit in lungrawn khua lei ah kan tlunghna.

Mangṭha Cherhlun tiin….

4/11/2012, 2:00am

Kuala Lumpur

KA MITTHL TLAKNAK MALESIA CAMP

  By

Smith Ceu

Samunging camp hi Malesia ahcun a min thang tatak mi a sive .zeiruang ah dah aminthan khun kanti ahcun  hmuh (case)adih cangmi Ram dangmi pauh pauh an kan chiahnak asi.A,B,C,D,E,F. Ti in Block an pek i Block( 6 )a um,cu chung ah Block(2) hi nu chiahnak asi .Inn thluan sau pipi in sakmi asi.block (A) ah minung 800 in 1000 kar kanum.Cu ti cun miphun kip cawh in ankan erh i an kan zoh khenhning hi a chiakha ti hlei ahcun chim awk a umlo.zinglei suimilam 5:00.AM ah an kanthawh i Immigration (လ၀က) nih  milurelnak  an kan tuah tawn . Mah dih cun changreu par hnih cio an kanpek I lakphak tisen Cini khi a thlum dengmang in an cawh i an kanpek . Chun nazi 12 hrawng ah khin rawl an kanpek i savo kutpi tinphaw tia pa hnih le zil chummi parkhat cio zil hang cu khengkur peng ah cun tlawmpalte an kanpek chih cuti cun ṭam hnem ah cun hei Ei cio  cu asi ko. Kan rawl einak khengkur hi a nartuk ah hinUico le vawkpi hmanh hei pe hnaseh law an eiduh Lai kazum lo , mahlio ah kanvan a chiat khunnak pakhat cu RELA nih an kan uk,RELA timi cu anmah Malay holh incun (Ikatan Relawan Rakyat Malaysia )tinak a si I mirang Ca cun (Volunteers of Malaysian  Poeple )tinak asi. 1972 kum ah rak dirh mi Volunteers Corps asi. Mihrut lawngte cu sihna kaw camp  kan luh lai Gate hram ah  taklawng in thudir (တိုင္ထ) an kantuahter cawlh kansam akawng khawh chung kawng in an kanmeh.Cu ticun camp chung ahcun kanlut  thosi  le hmaifa (cabu-hmaifa    Malay holh )nih le celh chuaklo in an tam,Zan ihnak ah  congras cung puanlo zeilo in a kik tatak hawi , meito ding zawng umlo.Angkile bawngbi hmanh cu kannah kan i hrukmi zunkhat cio lawng cu kan nei hna cutin thosi, hmaifa le khuasik  cu Siapi ruahtuar bak in kantuar hna.Cu chap bai ah kanrawl ah chung thleksi immigration nih an paih i kan block ummi dihlak kan chung nih a kan lek dih “ek” inn nih le 10 lawng a um fawn cu ticun ek in hmai ahcun  a line line in kandir i Thawngtla Leader nih satu,dua ,tika….sepulu(1,2,3…10 )a rel ahcun duh zawng duhlo zawng ah ek inn chungcun chuah a hau , cu chinchap ah Tirat lo minung cuvial te zuun le ek rimcu a celh in celh dingkhi a silo ,cu i a vawnphurh micu zawtnak mitfah, ringvawm a phun2 zawnnak nih a kantlunh samunging camp ka umchung ah Banglasesh pa le viatnam pa zawng  an thi.Mi tisa derdeuh caah cun thih hi a fawite , kan zawt tik ah Si  mumkhat ngah ding ah vaitlar a hau , kan zawt kan Thawh khawhlo zawng ah mahhrim a hau , hawlh nih leh thiam lo chincap .Cu vialte nak in kalung a katuai cemmi cu Zeitik dah kanchuah lai zei cantiang dah kan umrih lai,Ti hi kan i thei   kholo. Saram bantuk men in kan nung minung sinak mankan ngeilo , Nigeria/ irag mile bang cu khua faktuk in an ruah caah ahrut mi tam Pi an um .

Kan umnak ah hin Palestine minung 5 an umve cu minung 5 nih cun vampang ah I Islamic biak inn an suaimi mipi nih an kan phen kan duh ningin kanbia kho lo tiah RELA sin ah Complan an tuah . Miphun vial Te cawhthup in kan umtik ah mahduh bang cun kan pathian cu kan bia kho taktak cio lo , Za lawngtuk i um an duh caah kawlram mi vialte kan thodih i kan vuak hrawnh hna kan thahlo hmanhkha an van a ṭha , RELA nih zawkzawk an van chuah cawlh i block dihlak nitlak nichuah (အေရ့/ေနာက္ နိင္ငံ) buainak a chuak. Cu tluk kanbuai lio ahcun ka hawi pa cu kavawn zoh i aṭih tuk caah bawk khup in Thla a rakcam Len khi kaheihmuh thla camti hlah a tu cu thlacam caan asi tilo raltuk caan a Si tiah kati. Thong Kan chuahhnu Leh lam ah naka nehsawh a ti vuak Kan i tim.Cuti cun camp zawng kan bauhdih palik Spacial forces nih an zamsual lai tiah zankhuadei lenglei in an hriamhrei he ankan cawng ,A thaizing cu Rawl an kanpek caan ah an  kan petilo , Bus 200 hrawng camp hmai ahcun an vawn chiah (နစ္ေရာက္ တစ္တြဲ) in kankut an kantem i (လ၀က)le RELA nih orang a pa ? Tiah an kanhal.myanmar  ti mipauh cu awi khatcio an Kan beng.I bus  Cung ah ankankaiter.Bus cu police mawtaw pahnih nih a ven i, PK  mawtawcycle pahnih  lam an kanhruai ,khawika dah kankal laiti nalak ah LENGGENG CAMP ah an kanchiah. Lenggeng camp ah a larngai micu khuhsi (tamakawk -tobacco)  kuak zual khat kan neih ahcun bawiban tuk in ankan chiah , Kan neih lo cun kan kuttin zawng Dumviar in mikuak bul Kan bawh tawn ,  Tamakawk nei khocu mithil ti kho tak tak ansi, kei thong hmu bawmhnak Thawng in vei hnih kanei ve .

LENGGENG CAMP zawng hi minthang ngai a sive , LENGGENG camp i a cawngtu pawl RELA hi an sual taktak kawlrammi hi an kanhuat khun a ruang cu LENGGENG camp hi kawlrammi nih mei in anrak duah cang. Cu chin chap I kawlrammi kanva phan cu tuar a harti locu chim awk a umlo,a zan Kan vawn it cu hmaifa le thosi cu samuging cam nak khan a tam chin chin ih khawh a silo minung nih le Kan i tet em em , a harti  hlei hi chimding dang a umti lo.a sina in lenggeng camp hin ruah chan awktam pi a ummi cu kawlrammi kan tamdeuh ahcun Thailand lei ah  an Kan hlawnh( Buang) cawlh lengmanh, INDONESIA le bangcu Zarkhat awi khat ti awk in an hlawnh hna .UN card ngei he ngeilo he cuti cun kawlram micu camp ah cun Kan Umhna, Kawlrammi   a Ṭip khanak an hlawnhna ah hin kaitel velo i kangaih a hei chiat tukning cu sak hnem Ruun haukulh thirhling tlaih bu in ka tap ,cu cuti cun i sianlo bucun bye bye Kan ituah tawnhna.kan Ule nih an rakti tawnmi cu “minung hi Kan nun chung ah kan i nuamcem can hi caan thum a um e anti.pa khatnak cu nupi neihni, pa hnihnak cu fatir neihni. Pa thumnak cu thong in luatni a Si e anti” mivial Te caah cun a sidih Lem lailo na in a tuarmi kan caah cun a hman korua kati. Kan nih Kan luat ningle bang cu hlanlio Kan pale chan I tanghra A/B a rak awngmi kokha kanlo.B in a awngmi cu rian an hmukho setsai lo. A ruangcu Thailand ah hlawnhmi kan  si caah tlaih khawh thiam thiam kansi ve. A Zei ti a si pauh ah miluat ka sini hi vawlei cung ni vialte ah cun nisunglawi cem a siko.

Kan nih zong  Thailand lei ahcun hlawnh an kantim ve thong chung Kan hawile hecun ph number pa khat le pakhat Kan i pe ,Kan angki le bawngbi hi Kan i thleng hna a chuak ding pauh nih Kan bawngbi le Kan angki a that deuh a Sicun Kan hawile a tangmi kha Kan chiahta hna , kei zawng Ka hawipa nih kai hruk lio Ka bawngbi le Ka angki a vawn Ka halve kai vawn phawih i ai hrukmi angki le bawngbi a bul cu a vawnka pek i kaihruk ve. Bawng bi chung nawh kan neih lo caah Ka Langdeng mang,Kan Lu veve kantawnh i kan mitthli cu Kan pahnih cun a mak nghal lo in a tla ,  ṭian lai Kan i siang hrim  lo.zei ti a Si pauh ah zalennak a hmuding kasi tiah pasal ka cuhko Na in sakhnem Ruun Kai vawnher than cu haukulh thirhling cun bye bye Kan i tuah hna .

Pehnolh Ding>>

Putaraja ah sep 4/14

 

Kei Mah kasi  

 Sep 4-2014 Ka pilh khawhti lodingmi PUTARAJA ah chunni ka hmang ni minung kan nun chung caan tawiteah hin Ṭah caan aum, Nih caan aum, Ṭuan caan aum, Dinh caan aum, Ngaihchiat caan a um tbk a phunphun in aum ko a dihlak kan chim a siah cun kan chim cawk lalo caah hi vialin zahrih sehlaw Tu caan ah ṭial kavan duh bitmi cu Nuam caan hi mifim thiam hna nih Sep 4/2014 ni hi cu van hlawi hnasehlaw ti karuat tikah hin zeitluk in dek an hei phuan hnga ti ka rauttik ah hin a va sunglawi hringhran dah kati.

 Malaysia hi kumpi 4 ka umnak zong a si vecang hmun nuamnuam le kakip ka ṭawllo nak hi a umtuk raulo kati cu tluk ka chawkpade nain mahka hmun le hmahi ka rakphan bello a pawngte ah cun motor in cun k arak kaltawn nak cu siko sihmanhselaw rianṭuan kan sitik ahhin duak ti lawngin kan kal tawn Sep 4/14 ni thengte hi cu mithawng in ka tiko la cu thlawchuah ka tila maw seherhnak in ka tila maw a zei maw khuami thawngin zong tikhawh ṭhiam asi aruangtam pi a um, Pu, Kamsang te chungkua duhsak nak kating cove tiah kaa ruah a raung cu Dawn khua mi asimi nih lai leiin tlawngtu kan nei hna cu hna cu Rev. Lawmtluang le Pu. Thanghrim hna an si. Mah hna pahinh hi an kongtlawmpal van ṭialta usih lawm a hmaisaah Rev.lawmtluang hi van langhter hmasa ning a ruang cu khua minnih kan cahmi a si.

              

              A nih hi Dawn fellowship nih kum hramthawk tein khua mi Malaysia a ummi nih thlarau lei le tisa zong ah siseh thazang kan lakṭi khawh nak hnga tiin General meeting hnatlak nak in cah mi a si caah cu ti cun khua mi nih kan caah I kan thlacam nak Pathian nih a kan leh I Khrihfa bu le khua nu khua pa hna hnatlak nak in kan nu kan pa ai awh in kut tleih le Pathian sin ah thlawchawh halpiak tu dingah a rat hi asi. Aug 18/2014 ah damtein a vanphan kho I a nih zong nih a timi cu khua nu khua pa an ai awh in a rami ka si a tive baan tukin duhsak nak in nunzia zong a kan cawnpiak thawngṭha zong a kan cawnpiak kan nih zong kan nu kan pa bantuk bakte cun kan ruah ve kan i lomtaktak Pathian sin ah lawmhnak bia zong ka chim ṭhan. Cuvial cun si rihsehlaw sautuk umnain saulak te ka kal cangrua.----

               Pu. Thanghrim kong tlawmpal tein langhter kavan duh rih a kong hi chimthiam zong a harsa ngai ka ti a ruang cu khua dawtu khua zoh khenh te a surhan thlu loin rianṭuan tu asi caah ka duhning tluk in a chimzia zong khi kathiam lo caah asi. Le a nih hi zeitin hme a hram ka van thawk la ti hi a har ngai a ruang cu huham a neihtuk caah asi kan tiko la cu a fawinak in, Dawn khua khi mi va tluk lo va si usi hmanh ning law a hnakkar ah a tenh zungzal tu a si I Dawn khua hi zeitiin dah motor hi a phanh khawh kan tiah cun hngakchia upa in pu.Hrim kanti viar la midang zong an um lo ka tinak silo khin a nih hi cu surhan thluloin khua a dawt ruangah thantlang in khua ah a nupi le fa le sinzong umthiam loin khua caah a ṭha hnem ngaih ruangah khua ah atu le tu lekmak lak a tu le tu thantlang in a chuah semnak Dawn khua a hlat surzong thlulo hanzong thlulo in cu ticun ṭan a lami asi, Tutan Malaysia a rat ah a chimmi biapakhat cu Dawn khua ah motor a phanh khawn nak ding ah hin kumpi 11 bakteh ka thazang ka thisen chuah in phaisa cu chim hauloin a ciasa mi a sicaah kan chimtel lalo Dawn khua caah tiin ṭan a lami asi, atuah cun khua caah a chunmang le Zanmang cu Pathian thawngin Fingreicat in Ni a hungtlang ve cang Chak he MIZO ram he duhtawk in motor a vunlut kho cang, Kan pu han nih kan ṭanrual ah cun AIZAWL ni khat ah kan phan kho la an rak timi cu a tuah cun mithmuh kuttawngh in avun tlingcang, Pu.Hrim Pathian nih nun khuasau nak in peseh lawh Dawn khua caah na ṭhahnem ngaihnak le nathi le na thao na senmi mi kan nihnih zeitik hmanh ah  kan in rulin kan in chamkho tilai lo Pathian tu nih ngandamnak le Nu khua saunak in pehram she. AMEN!

               Cuti cun malaysia chungram nuam le ramdai nak cu chunni tlakte kaa vapaciah ve ko hi kapkhat ruat ah cun ningzak ngai khi asi ko sihmanhse law cu ti le ruat loin kan rianṭuan kawlhawl nak ah caan kan neihve lo ca tuah asi, a kal mi minug 11 kan si kan ṭhahnem ngai hna a nuam lawlaw siko. Thildang cu vaum rih she, mak tuk tiah ka ruahmi cu rili kan tiko lacu a olnak in tili kaupi minung nih mah bantuk tilipi hna ser khawh cu khuaruah harngai a si, putaraja inn lianpipi le tili lian pi han khi an taanzung cohzoh office lianpipi khi (Mahathir Mahamad) ni Prime minister a ṭuanlio ah arak sak mi an si cun mah ka hmun i an tlacam nak inn nganpi tili cung ah ummi zong khi tampi nih cun nan hmuh cang ko laidah ka ti a ropui ning khi mah khi inn an chim kathieh ningah cun (asama bin laden) ni asakmi a si an tiban tuk in ka thei ka theisual khomen ka piang ve lo mah bantuk an tuah khawhmi le an sakkhawh mihna khi a mah tak ruah lengmang ah cun khuaruah harngai asi ka ti. A hmunhma a nuam a ram adai hring dideltete in thingram hna nih an van kulh pangpar dawhhna nih le dawh hihiar tein an an parmawi nak langhter an vun en ve han zoh aw Sep 4/2014 ni cu philh awk a ṭhalo mahtluk kavak kavai ve nain hi ka zawn hi ka hmun ka lenhi kaa lung hmuih cem.

Kalpi hawi le hechet hmankan I vathlak ve hna kha >>>

Kei mah le ka hawinu

                   <button>CinZah Lal En<button>