Ka Tlawng Mizoram

KNP CONFERENCE

(2008)

Kan tlawng Mizoram

Salai Lal En Zau

Malaysia, Zoon Negara ah caan khat chung

Kan Bawipa Pathian nih kum 2007 ah harhnak kan khua ah zing ni ceu dawh a tlanter, 2007 kum hi mautam kum paam kum asi. Hmai lei ei awk caah mangang vansang in kan um, asi nain Pathian khua khan hi ho hmanh nih kan chim khawh mi le kan theih cia khawh mi asi lo zia hi kumvui hin kei mah pumpak hrimhrim in ka theih ka tawn. Kum hram thawk in lengkhawmnak in hi harhnak hi aa thawk hi a si, kan ṭuan lo thlawhmi nih zoh ah cun ngaihchia ngai kan si ko sihmanhsehlaw kan tincomi harhnak nih kan lungrei theih mivial te kha a kan philh ter dih ti zong in kan ti khawh ve. 2007 kum hi cu kan khuapi tein i cawm dingmi kan um lo.

Kan thlawh ṭuanmi kan lo nih ruahchannak a kan pe lo nain, thingthlarau rian ṭuan ning hi a tutiang ah hin a mak zia hi ka ti rih. 2007 kumhram thawk in kan khua ah cun thiangthlarau nih rian a van ṭuan ciammam i cu ti cun kan khua ah cun a hmasabik ah. Pu. Mang Pum nih a van cawi mawi a khua ningpi in lengkhawm nakin thlarau rawl he titsa rawl he kan ei in kan ding ṭi hna cu a van dihbak cun, Pu. Chan Lian nih a vanpeh ve Pu. Chan Lian a pehbak hin Dawn Baptist Church Hall ah kan hmang hna. Cu ti cun, kan khua ah cun thlarau nih rian avan ṭuan ciammam i thlaruk/sarih chung pehthliah mah tein thiangthlarau nih a pehzawm.

Kan khua kingkap ummi le kadang hmun dang i a ummi nih cun Dawn Khua an molh cang an hrutdih cang tiah an kan ti, an mawhbak lo ka ti hi harhnak hi an tep ve in an tingco ve lo ca tuah asi ka ti kan sinah a tep vemi kan khua pawng ummi Ralpel Khua (Dawn nih cun “Leisen” tiah kan auh/kawh hna) an nih khua zong caan zeimawzat cu thlarau rianṭuannak nih an khua tlangah ni ceu dawhte a tlan terve i cawimawi hlim leh lam cun an caan an hmang ve.

Hi harhnak nih hin kan khua kiangkap ummi Mizoram zongah fakpi in kan thawng pang a valen tik ah kan khua ah cun Gospel in an van ra hna cu nakcun, kan khua ah Pathian rianṭuan in a tanglan mi a um i cucu “Kawnga” tiah kan auh. Kawnga nih cun zanlei fatin tein hngakchia zeibu ti um loin Pathian bia le hla chimhnak le cawnpiak nakin a caan kan khua ah cun a hman thai, cu a chimhmi Bu cu KNP tiah min a sak KNP ti cu (Khristian Naupang Pawl) tinak asi. Cun ti cun zaan lei fatin Pathian Bia le Hla a kan chimh.

2007 pamnak kan tonmi hi kan cawimawi ruangah si loin vawlei cungnih a chuahpimi mangṭam (mautam) nih kan khua zong a van kan phak ve khi asi. Paam kum a si nain kan nih nih cun kan Pathian dawtnak thawngin kan paam kan i tilo a khua tlangin eidingah kan buai lo. Mah ka hin si Pathian thiltih khawhnak a rakmak zia ka timi cu, hmundang kadang ummi khua minih an van kan bawmh ciammam i kan khua ningpiin rawl ah kan harsa hna lo, vawilei pumpi nih a ṭih bikmi lak a telve mi mautam kum zongnih Pathian dawtnak thawng in a kan tei lo.

Pathian khua khan lairel a makzia hi kaa in cun phuancawk asi lo 2007 kum harhnak nih hin kan lo rian ah kan bahlah hlei lo tla ruk/sarih chung hlim le laamnak in kan caan kan hman nain a khua ningpi in lo thlawh a tlawlh mi kan um lo kan lobel nih cun eiawk a chuahpi lo a sinain Bawipa ah kan i lawm, 2008-2010 kum ah van in hlah in maw a tla ti-awk in kan khua ah thlawchuah bawngmal a van tlung ciammam i 2008 le 2009 kum hi a khua ningpi in kan fang kan i ṭuan(suat) cawk lo. Lo a tuah lomi hmanh nih fang a ṭuan cawk lo mi hna nih an fangṭuan dingmi cu an tlawhṭuan sa an lo fangcu a lak in an ṭhenh an pek hna i cu ti cu lo a tuah kho lomi hna le lo a tuah lomi hna zong paw khim emem in thlawchuah an ting cove hna. Kan nih chung le bawng hi cu hawinak in thlawchuah malsawmnak kan tingco deuh tiah ah ka ruah i uangthlarnak ah si loin hi kum hnih chungah hin khua chung ah fang ṭin(pung) 1000 leng kan ngeih khua tlangah cun fangah cun kum hnih pehbak in hausa ah kan i chuah phah midang cio zong a fimtol cawk lomi an tamtuk a zatlang in kan khua nih fang hi ṭin 500 in a tlawm deuhmi nih ṭin 300 cu kan ngeih dih hna Bawipa thlawchuah timi hi kan nih khau Dawn khua nih cun kan tingco taktak tiah lawmhnak in kan khua cu a tuam muai.

2008 kum hram thawk lai khua te caah cun kan rianṭuan kan awl saling asi i ṭio tichum zong duhsah tein a van i hawk diahmah ve. Kan lovah kan i lim bak in Mizoram ah “Aithing” man aṭha chiammam cu, kan khua caah cun thlawchuah a si lo kan ti kho lai lodah ka ti, rianṭuan ding kan awllen lio ngelcel he a tong mino deuh cu kan khua kiangkap ah Aithing cawh (phuk) ah kan chawidih ngawt hna kan khua cu a kingbak in a king. Thlakhat hrawng kuli kan va ṭuan ciammam i cu tenih cun kan thlairawl cin, lo buh, kan tuh, lo kan tlawh tik ta tiang khin mehmua le a herh mi hna le rawl i cawknak ah kan hman.

*****

KA TLAWN MIZORAM

Khua pau chuah thereng hna le thankawng fiakfaiva hna nih lungleng ngai in fingkip tlangtin culin zaihla dawh anremh hna, ṭio tichum zong duhsah tein an van kiang hna i ṭhal khawro meithang zam hna nih kan khua kiang fingkip tlangtin romei nih mawchial malte cun a van bawmh hna. Kan khua hi tlangsang cungah tlakmi asi khua vangzaa cuanh khawh le thlir khawh asi. Tu kum zong khuadi, romei a chah ngai caah piangtuk in a langkho lomi Mizoram zong zaan caan ah cun piang kikiai tein an lang hna. Mizoram hi voitam tuk ka tlawng cang ko nain tutan ka tlawnning hi cu phun dangngai in asi caah kei ka caah cun philh awk ṭha loin ka diary chungah ka ṭiallan dingmi ni le caan ah an cang. Tu tan Gospel in kan kal ah hin kan nih laikhua te lei le Mizoram lei a dannak tete kei mah hmuhtonmi in ka van langhter duh.

Zaan caan ah hla cawnnak le khawmpi kan va kal tik ah cawlcanghnak ah kan hman dingmi tete timhtuahnak in zarh khat chung kan caan kan hman, kan mah le tih khawh tawk cio ṭuanvo an kan khinhmi cungah kan tha a tlung, hna i kan i nuam fawnhna tutan kan tlawndingmi khrihfabu hi Cherhlun Baptist Church a si Cherhlun khua ah cun Khrihfabu zongah a ngamcem mi bu a si bantuk in le Mizoram leiah hi tibantuk in biaknak he pehtlai in caan a hmangbel mi kan si lotik ah kan mah le ṭuanvo ngeihmi cio ah fakpi in timhlamhnak kan ngei cio hna.

Inn zanga lengkai thingtlang khua ah KNP khawmpi zawh dingin cawnni nga (Zirtawp) ni zingka ni cu kan khua hau ka nitlak leipanh in kan khua hngakchia dihlak ti awk in a runpi in kan khua cu kan chuahtka hna. Hi KNP khawmpi hmangding in a kalmi hi hngakchia lawngte 115 hrawng si in upa a kan zultu le nu le pa a kan zultu he cun 120 hrawng kan si hna, hau ka ah a kan hruaitu han nih thlacamnak a ngaih hnu ah kan khuallam cu duhsah tein nitlak leiram Mizoram cu fuh in kan khual lam cu kan van pehṭhan hna minung 100 leng pehtlai tein kan van kal cu tha a nuam hringhran dah, mah lio caan hi ka tleirawl chuah saling a si bantuk in a kalmi lak ah kan saya/mah te dihdah lo upa pol ah kan um hna kan mahnih hngakchia tete hna zong ṭhithruai zohkhenh tiang in kan bawmhhna, suimilam pahnih hrawng kan kal ah khin Mizoram he kan i ramri (Ṭio) suimilam 11:30am hrawngah kan phan hohmanh liral ah kai lodingin an kan ti caah ṭio kapah cun kan i ponghna ṭio kuang vialte kan khatdih tiawk in kan um hna, ti tawngh, cen a hiar in kan hiar cang kan saya/mah te an phanh rih lo caah ti tawngloding an kan timi cu zulin kan saya/mah te hngak in kan um hna a hnu deuh ah an van phan cawlh ve thlacamnak kan neih hnu ah kan i khawlh ṭawlhna. Ni nemdeuh tik ah duhsah tein kan kai telai tiah upa le a kan zultu hnanih thawng an van kan thanh hna kan i nuam tuk hna ti i dai len kan cimhna lo mi cheu kan i lio mi cheu an mah le ngamhtawk ah an i khawhṭawl hna cuti cun caan kan hman hnua ah le hmantam nawn kan i thlak hnuah zaanlei 2:30pm hrawng ah kan khual lampeh ṭhanding cun a kan hruaitu le nih cun theihternak an van kan tuah ṭhan han.

Ṭio tivapi cun, kan khualam kan vanpeh ah cun ṭhal ni linh lio asi bantuk in sau kan kal hlan ah kan thlanfim nih kan i hrukaihmi kan thilri hna cu cinlak in ruahsurh mi bang in an cindih hna, cun ticun, ho hmanh holh huamset sai lo cun duhsah tein kan kar kan hlang hna i km1 le a cheu hranwg kan van kal ah cun, hngakchia deuh cu cauhhram an van thawk cang, ni nih le a linh in a lin a linh tuknak ah hin a teek in na teek ti awk in ni khua a tuah. Hi khawmpi ah a kalmi hna hi kum 8 in 18 i kar lak hrawng kan asi hna, hngakchia deuh cauh hram an van i thawk cang lam nih le a tun bak in aa tung Upa lungfim deuhhmah nih kan celh bak lo. A hlan ṭio tiva tbk kan kal tawn ah hin Upa nih an timi cu ti hi i liohtuk hla uh nan thadih lai lam nan kal kho lai lo, cauhnak asi an kan titawn mi hi hi ni ah hin ka van i fiannak zong a si.

Upa nakin hngakchia nih hin tuar an cheldeuh tiah hi ni ah hin ka hmuh khawh upa lungfim deuh hmanh nih kan celh na loin kan i hneceo hna bu in mi cheu khat cu duhtawk in a nih a nuam kho mi hna ka nau le ka zohah thadih mui hmai a kenglomi an tampi hna, mizapi kan si bantuk in a cau chia cu kan um lo nain hngakchia thli kha upa deuh le pa pol nih kan chan hna i duhsah te cun kan khua lam cu kan peh thluah mah. Cu ticun, kan i hnuk dawk hna i zaan lei 5:30pm hrawngah Cherhlun khua cu kan van phan, Biak inn ah KNP hngakchia polnih lakphak tisa he an rak kan dawn hna, a rak kan dongtu ka zohhna tikah hngakchia tuk an umlo kan mah ṭhirual le an mino deuh an si kho lai tiah ka ti, cu ticun, duhsah tein kan hah kan van i damh hnu ah cun, tlunak ding-inn an kan phawt hna, inn khat ah Pa thum, pali, pahnhih, tbk in an kan ṭhen cio hna hngakchia deuh kha upa deuh nih kan i tlunpi hna, kan nih zong kan khua cawimawi borauk ah kan khua ah Gospel in ara mi an khrihfa bu mino nungak “Ringkimi” an timhmi teinn ah ka nau le pahnih ka ṭhit hna i an mah in ah cun kan tlunghna.

Kimkimi hi kan khua an rat ah zarhhnih hrawng an caam, cu chungah kan rak i kawmh pahve caah kan tlunnak inn cu kaa lunghmuih a zual i ka nau le zong theihcia hmuh cia inn ah tlun cu an hna a ngam i a nuamh zong an i nuam fawn cei lak in an hawi lekomh sin ah an chimh hna, a nih zongnih a rak ka theih caah khual um zongin kan caam chungah kan um lo mah in lo umbak in khua kan sa i a dawtzong an kan dawt a nih hi nungak note a si Unau pathum chuak an si ṭa pakhat te a ngei Panga khua sa an si, an ṭapa le an pacem belte khua ah an um lo lio caan a si caah kan hmu manh hna lo, a nau hniangbik tu nih a kan zohkhenh i a kan bultawl, Biakinn zongin a mah nih a rak kan lak, zeileh kim ah a mah nih a kan tuammui kan herhnak ah a kan kalpi a kan hruai.

****

Biakinn pi cun kan vanzuang kan thilri khat ṭhup in a kan phurhpiak a “ngailo” kan ti lenzongah a duh lo caah al awk aṭhat lo caah bawk leh neer in kan ruksai cu ai bei, a hnu in kan zulh i kan hawi le zong kan pawngah an tlunnak dingcio panh in an kal ve hna, kan inn kan phanhbak in lakphak”thingpui” tisa a van kan tuahpiak kan van dinpah cun kan min tete zongtheih ternak kan van i tuah hna hnu ah duhsah tein kan i khawlhṭawl hna. Kan i khawlhṭawl dih cun, hla remh ding zohding kan si caah kan i hmuhkhawmnak ding inn ah kan kal hna. Hla kan zohkhawh in inn ah kan lawicio hna i kan hawi le tete kan in pawng ah a tlungmi hna kan tlunak inn hna kan i kawhhmuh hna i kan i chim hna hnu ah mah inn cio ah kan lawihna.

Rawl kan ei khawh in i pumh ding cun kan i timtuah hna, kan tlunak nu ahniangdeuh nih kan i tonkhawmnak ding tiang a kan chiah kan caan neih dingmi tete kan i zohhnu ah Biakinn lei cu kan zapi te cun kan panh hna. Biakinn a chak lei kan mah khua leikap ah ṭhutnak an kan kianh i an Biakinn zong a ngan i cunak ngan ding cun an kauh cuahmah lio asi, kan nih lai lei he kan i dannak pakhat cu Biakinn kan kaltik ah kut lawng in a kalmi kan tamtuk kut lawng ka timi cu. Bible, Hlabu tbk hna hi an si, an nih Mizoram hi cu hngakchia upa in Biakinn an phanh cang roro ah cun Bible,Hlabu hi cu an i ken ngeingei hna.

Cun kan thilhruk aih hrim kan i dangtuk rih, nulepa nih an hngakchia tein maw an cawnpiak hna maw an mah nun phungah an i neih mi hrimhrim dah asi hnga? An nih cu Biakinn ah i pumh dingin an kal cangah cun, an thilthuam lak ah aṭhabik mi le Bible,Hlabu he smartly tak in hngakchia te zongnih necti hna an van i awihhna zoh an dawh tuk hringhran, Thianghlim tein Biakinn an vanpanh zawn khi zoh cim in an i tuah lo i mit an la kho tak.

Zaan riahnak ah kan buai

Pumhnak caan kan van thawk Mizoram asi bantuk in mizo hla lawngte cu kan sa hna, kap khat lei ah kan nih khua hi mizo hla hi kan thiam ngawt ve, mithi ṭhutpi hei tibantuk hna ah hin kan hlasakmi cu mizo hla hi kan i hrawmve i pumhkhawmnak zongah mizo hla hi kansak ngai caah mizo hla cu hngakchia tiangin kan sa kho dih ve, cu lawnghlah mizo holh zonghi kan thiamdih mi a si, mah ka zawnhin si kan nih kan khua kan vanṭhatnak pakhat cu vawilei pumpi cungah a umti ah ka theihbal lomi kokek holh ah Nu le Pa holh a dang timi khua vulei cungpi ah a umti ka theih bal lo kan mah khua lawnghi Nu le Pa holh a dannak khua kan si tihi world record ah chiah dingtiah ka ruah. Cu ticun, kan caan kan vanpeh ṭhan, i khawmmi ka zoh hna’h nulepa a kan khawmpi tu an umtuk lemlo ka khuaruah a har deuh halhna ka duh ngai nain ka hal ngam hna lo.

Pumh chuah cun, lai lei bantuk in hmunkhat ah riak khawm dingah kan ruah a kan ṭhihruaitu polnih riaknak dingin an kan thanh lo caah pakhat le pakhat kan i hal hna khawi ka ah riahding tiin kan zulhmi pa zong a ruah awk a thei lo annih lei ah cun, cu tibantuk in hmunkhat ah riah an rak hmang lo ca tuah a si, kan inn ah riak ko uh a van kan ti an inn riak dinginn Nu lawnghmanh tlumding kan si fawn lo caah Biakinn chungah cun kan um hna, kansay/mah te nih hngakchia deuh le lam naideuh a ummi cu “Kawnga” teinn ah a duhmi cu riah khawh a si, cun upadeuh le lamhla deuh a ummi cu mah le tlunnak inn cio ah riahding asi lai tiah theihternak an van kan tuah hnuah lengah kan chuak hna. Kan tlunnak nu nih cun lengin a rak kan hngak i hmun khat ah inn ah kan lawi hna, a zaan ah chungkhar an tlin lio caan a si caah theihternak kan van i tuah ṭhan, tisa zong kan van dingpah hna biazaza kan i ruah hnu ah ihnak an van kan serpiak i kan kutke kan i ṭawl hnu ah ihram kan thawk chunni lin nih a ka cheituk rua ka ih ka bak cun ka hngilhcawlh, a thaizing tlaihnu ceo ah ka nau le nih an ka ṭhangh cop i ka tho. Ka thawh hngap in lakphak tisa cu an van kan serpiak cawlh Mizo miphun hi lakphak cu a uar vebak mi an si, a tlaipah cangnain kan inn bel ni kan hmurih lo tuan ngai a lo, kan van itim i lengdingin kan chuak hna, an laansungah lakphak dawr hrawng cu kan mah khua lawngte ti awk in mipi cu a but in anrak i but hna, mizoram cu Democracy ram a si bantuk in an hningho Ngai, lakphak dawr pakhat te aum i cu dawrah cun kan van lut cu kan mah khua lawngte cu a khat in kan khat, dawr ngeitu nih cun “Changthawp” a ser i a tinh in kan i tinh manh lo changthawp hi kan nulepa Mizoram an tlawnzawn ah cun kan cah mihna an eisupsep ah cun an i uan bak ve mi asi.

Ka philh khawh lomi changthawp cu an “UR” mi cu a bawhbak in kan rak bawk an ur cawp in kan cawkdih kha lio caan ah khan Rs.10.00 a rak si, kan caam chungcu changthawp hi a laar cemmi asi a tutiang ah hin capo ah kan saihlen rih kan changthawp cawk le kan umtu ka mithla ah acuang pengrih atu tiangah

*****

Cawnni ruk (Rin) ni zing pumh ah kan thillak i aṭha cemmi cu kan van i hruk cio hna i Biakinn lei ah cun kan i zul dawihna i pumhnak caan cu kan van thawk ṭhan Nulepa pumhpi tu tam kan ngei hlei lo, ka khuaruah a har a ziah mah tluk lamhlaa in hi hmun ah khawmpi ah hngakchia 100 leng kai mah ram si loah kan ra i 100% ah in khrihfa ka si ai timi Mizoram hi dah ngai tiah ka khuaruah ahar, thangṭhatnak hla ah kan zapi te dir in.

1. “LalPA ram taan, tunah ṭangin, kei ka kal dawn”³

Huaisen in LALPA ram taan kei ka kalzel dawn

2. “Ka hlau tawh long, ka thla amuang, LALPA min hruai”³
3. “Buhphal keng in, hlimtak in kei, ka haw leh dawn”³
4. “Haleluiah, halleluiah, halleluiah”³

Kan kut le ke he kan piah(laam) voitam kan nawlh hnu ah kan ipumhnak caan chungah kan van lut, hla thiang saknak,Bible relnak tbk in a phunphun in kan caan kan hman hnu ah kan i pumhnak caan cu kan vandih. Zaan lei India suimilam in 2:30pm ati. Baptist Church Hall ah Social Servic in kan caan kanvan hmang hna i nuamhnak aphunphun kan mah le tinco mi, a kan hruaitu polnih tuah uh a kan timi paoh cu zulin kan tuah hna, hi nuamhnak kan tuah ah kaphilh khawh lomi pakhat cu changthawp ei izuamnak hi asi kannih lei pakhat inntek lei in pakhat tiin zuamnak a um changthawp zongcu cherhlun khua ah cawkding a um lo caah Thingsai ah anrak cah i chunah tisa he an kan dangh a lian takmi mizo changthawp cu pahnih an van lak i ti dinhlobak in hodah ei dih hmasau deuh tiin zuamnak an van tuah a der lei deuh paoh cu daantaknak ingding an si caah kan mah umnak cio in kan rak ṭangngai hna. A kan hruai tunih 1,2,3 a van rel mipi cu arak in kan van rak hna kanmah lei cu ṭangṭang tiah thazaang kan van i peciam mam cu pawhri zong fak viar in ka nii hna. Ti lo cun an chang a lian tuk rua kaa nih atlum lo caah an ei chung zong a rei ngai cu lio cu mipi kan i nuamh tuknak ah kan umhmun in ṭangṭang tiin kan rakchih an nih zong an ṭang ve. Kan mah lei nih teinak kan hmuh caah daantaknak cu inntek lei nih an ing, an hlasak thiam pahnih nih hla an kan sakpiak i nuam taktak in kan caan kan hman hnu ah cim lo emem buin kan caan kan donghter.

Kan caam chung cu khawmpi zawh kan sibantuk in pumhnak in le Pathian thangṭhatnak in kan caan kan hman, Mizoram cu, rak hninghno deuh kawh thlum al a tam i awr zong atlei taktak, kan umhar deuh caan ah hin “muṭhai” a bawm in ka cawk tawn i hngakchia pawl heh tiah kan nu ngakdeuh pol nih an phawt tawn hna, an dihlak dangh hna ning ti usih law ka tangka i kenmi nih nguh ding a si lo caah muṭhai tu a tu le tu, ka dangh tawn hna. Kan saya “Kawnga” hi anmah cherhlun khua mi a asi i a mah nih tutan khawmpi zonghi a kan kuri a mah lamhruainak in kan tlawn hi asi, a nulepa an rak i nuam tuk caah vok thau ngan takmei an kan thah i Pathianni zaan lei cu rawl dumṭinak in “Kawnga” teinn ah rawl kan hrawng hna.

Zaan zong tuan teah kan ṭin hna i kawnga teinn ah intek telloin nuamhnak kan tuah hna i kan i nuam taktak kan dihlak te in kan dir i kan mah Zion hla kan i sak kan lamhna, kanmah Zion hla ka timi cu kan mah laihla te ka tiduhnak asi, miram dang zongah kan mah holh le hla te hi a rak thlum al hringhran ko. Kan i nuamh cingling ah cherhlun khua inn 500 leng khua cu an mei amit i daiṭhup in minute 20 hrawng cu kan ar ko! Micheu caah cun caan ṭha arak sipah ziar ti zong hi meimit nih hin a ka hmuh sak hoi, mei mit le mit lo poi ah ruat loin kan caan cu kan peh i kan i nuamh ning zong tleirol caah cun a van turu chin lengmang, a thaizing tlungding kan si caah 11:30pm hrawng ah kan i nuamhnak caan cu sianglo buin kan ṭian hna.

Thinghlimnak he Biakinn an panhmi zohcim in an i tuah lo, kut lawng kal loin a chah pah nawn mi pahnih cu an i put(ken) chih ngeingei, Biak inn an panh cang roro ah cun caan hramthawk tein a dongh tiang in an um, pumh lio chuak tbk an hmang velo, an ṭawngkam a zang i mi chawnhbiak an thiam, an nun thianghlimnak in an khat. Ni thiang ni ah chungkhar an tlinghna i chungkhar tlingtein Biak run an panh zawn khi ka hngar hna.

Khrihfa 100% a si minnih nulepa nih an fale an kan pumhkhawmh pilo mi hi ka khuaruah ahar zeiruang ah dah asi hnga ti a tutiang a phi ka chuah khorih lo an nun phung rengreng maw a si hnga maw? An mah khua ngeih mi dah asi hnga, hngakchia cu an tam ngai nain nulepa bel kilh kamh tu an tlawm, a si nain an KNP hngakchia pol an fel i mibul tawl an thiam an aw kaa azang fawn, a herhnak poh ah an kan zulh kan duhnak poh ah an kan chawhpi i an zakzum lo.

India 10:00am ati ah ṭio lei ah an certual tlangin duhsah tein kan liam hna i nulepa thlahtu le kuttlai tu an umtuk lo, KNP hngakchia upa lungfim deuh le a herhnak ah a kan buaipi tu deuh lawngnih kan kut an tlaih. “Damtak in Mangṭha rawh u aw” tiin bia i cahpah in sianlo le cim lo emem in cherhlun khua cu hnu ah chit in lungrawn khua lei ah kan tlunghna.

Mangṭha Cherhlun tiin….

4/11/2012, 2:00am

Kuala Lumpur

KAN NIH CU KAN HMUN RIH KO

KAN NIH CU KAN HMUN RIH KO

****************************_***** 

Fur tichum kiang in, caan relva hna le zaan i a ceu cung fidi hna nih tu kum Christmas boruak rimthla nih Certawi thinglung chungah faktuk in hmunhma a van la ciam mam cu Certawi zong thusawh kho lo in an sak run inn chungah ai chawk len.

Certawi hi a tlangvalpa nih liral ah a kal tak nakzong kum in ati cang, umhar lileng in a kum in caan a hmannak caan zong a tlawmti lo khua fakdeuh in a ruah zawn ah a thaw nih a phih cawlh taw, cuticun caan zeimawzat a hman hnu ah. Aatuar tilo i Palian he an sulhnu khrih dingin tuan palik ah 

rawl ei a tuah.

Cerlian ni nupi zong Cerhlun khua tlangin sen zeizuipi in liamzal ser in duh sah tein mizawn ruat lopi khin a liam riah mah ko, caan rel va chemte, chembai(chempaw) lungleng ngai khin kan khua chak lungleng tlang thingpar sang cungin zaihla dawhrem in an zai hna. Certawi caah cun, hnem tu ah cang loin zuntlemnak le zunngaih fahther tu khua caan rel vate men ah an cang.

Duhsah te khin tlak lei tlizil kik zilzal te nih cun, Certawi sam cu duhsah te khin an vun thui len ko. Certawi cu khurkhua fakdeuh in a ruah zawn ah a thawnih a chon colh. Zilthli kik hna le a kingah a 

zailen min caanrel va hna cu Certawi caah cun zunṭhing hlau tu ah an cang hna.

A ṭhutnak lungdonh cung cun, duhsah tein a van tho i, lunglen tlang i avel chum ah Palian he sianginn an rak kai lio ah an rak ṭhutti tawnnak pangpar dum hmung zong a tutiang a hmun rih i sianginn an kai lo hnu zongah midang nih an kuthnu cu an van domh i an cinmi pangpar hna zong ngakchia 

chuahcam tuak lawmding in an par lingcing khi a si. A par dawhnak a tlanhtu pelep zong khua muih lai asi caah riah ruun panin an ṭian dih cangnak hmun ah kingriang mang in ho hnem tu ngei lo khin parkhat hnu parkhat muai in a chawk len ko lio ah khin a hawi komh ṭhabik Biakpi a mah lawng in a chak lungdongh cung ah dirin ngangko in a rak zoh khi a hmu.

Certawi : Biakpi ziah ruah lopi in, zeitiin dah mah ka ka um cu natheih khawh ning?

Biakpi : Ziah mah ka na kal lai ah cun na ka theihter in na ka sawm lo?

Lungdonh cungah cun Certawi le Biakpi cu an van ṭhu i Biakpi nih nan inn ah pei ka ra le narak um lo, na nu nih chaklei ah a kai khawzei a kal lai cu ka fiang lio tiah a ti i mah ka nakal lai ka zumh caah mah ka karatnak asi cu, cu loah tuhrawng cu Palian kong longte na ka chimpi caah hi ka na kal hi ka 

zumh deuh rere cu, tiah ati. Certawi nih cun Biakpi cu ratlo ko ding kei mah lawng um ka duh ho hmanh hna hnawh tu ngeih ka duhlo caah pei nangzong ka hawi ṭhacem mi nasi ko nain kan sawm in kan chimh lo cu ati pah ko na 

khin, Biakpi a rat ve cu Certawi cu a lungkil te khin a rak nuam ziar, na rat lai lo ka phangtuk a ti len. 

Biakpi nih cun na meisei tuk mahban tuk hi cu chimve raipei ka si cu mah lawng piin hi bantuk caan ah hin umrai asi lo, mah bantuk caan ah hin dahkawh santlai te si ko hmanh usihlaw, na hawi komh ka sinak zawnte ah ka herhnak zawn asi cu, khaw zei vahnemh thiam lo le holhrel thiam lo zong sihmanh hna usihlaw hawi komh, hawiṭha kan sinak a langhnak ding caan a si cuh, tiah a van ti.Biatam an i ruah kho lo saunawn biarauh loin an um hnu ceu ah khin, cung fidi hna zong relkhawh khin pakhat hnu pakhat in anvan lang riah mah ko. Biakpi he cun, an van rel i atam chingleng mang 

a van tlai deuhdeuh tik ah cun rel cawk loin vanlai ah an khat. Cung fidi relin a duhdawt tukmi Palian he caan an rak hman lio. A thar in move zohbantuk in Certawi sinah cun an vang langṭhan, Certawi cu a celhhrim lo duhsah te khin biangki no cungah mitthli rialti le Palian ngahnak ah hlah maw a khon hnga tiawk in thloh awk ṭha lo in duhsah te cun an van tla kiah mah. Certawi a holh kho tilo Biakpi nih Certawi cu a van kuh i Biakpi i sumduh hlah ṭapko ti pah khin a van hnemh zawn ah Certawi cu a van kuh pomh pah.

Zaan uktu thlapa zong duhsah tein a van lang i Biakpi sinah cun Palian a ngaihnak biazaza cu a ruah i nizaan nai teah Palian he Phone an i chawnh ning le an pahnih an i ngaihnak vial te han le an si ning cang a dihlak in Biakpi sin ah cun a chimh i a ruah len ko. Biakpi nih cun sianginn lei ah phei usih, ka hmun umpeng cu tiin a sawm i duhsah tecun biaruah pah in Palian he anrak lenṭinak le anrak ṭhut tawnnak hna cu pakhat hnu pakhat in anvan cul. Certawi nih a thawh i Biakpi kaa teah hin dah kawh 

hovan hailo in, Ulian he kan rak ṭhut lio caan, kha hna kha hi hmun ah hin si, bia kamnak kan rak tuah kan pahnih kar lak ah ṭotho le thlichia hmanh hrang selaw, zeihmanh nih kan ṭhen hlahseh kan rak tinak hmun, thihnak ti lo cun zeihmanh nih a kan ṭhen kho lai lo tiah lungduh bia kan phuannak le kan hmur kan paunak hmun le hma, atu ah kha kan biatiam kha khawi ah hen an si kun ne? Lungzur ngai khin Certawi nih cun Biakpi cu an sihning cang cu pakhat hnu pakhat in a van hmuh sak.

Biakpi nih Certawi hnemhnak biachim a duh ko nain zeiset indah ka hnemh lai zei tiin dah bia ka domh lai timi a raut len ko nain zeiti hnemh awk ṭha loin lungzur tuk in a tuarmi caah cun ka bia ka palhsual lai i a duhlo ningin bia hna ka chim sual lai ti phan bu in, Certawi ṭhen cu tawnṭhannak anti kha, x’mass dih bakin kan lak lai an ti ko le a tu na tuar ning hi in hmusehlaw zei tiin dah Palian a um ve hnga ruat hmanh. I hmu thai loding zong nan si lo a thiciami zun ngaih tuar in tuar ding a si lo, nan pahnih nan i tonṭhan khawhnak hnga le nan saduh thatmi tlam atlin khawh nakhnga. Cun, Palian cazongah fakpi tu in thlacam ko usih law, zeizong vialte hi Pathian nih adawtmi ami fale caah 

khua a khang ko. Cucaah cun, nangzong na Ulian he nan i tonṭhan khawh nakhnga Pathian sin ah 

bawmhhal in thla tu cam. Pathian nih lam an hruai hna lai i nini khatkhat ah cun tawhṭhannak ni khua Pathian nih an sersiam piak hrimhrim hna lai nem tein Certawi cu a hnemh.

Zaan zong a van tlai ziah mah cang i Certawi nih Biakpi hmai a khap ti lo caah Biakpi ṭinpah ko usih ati i an ṭin lai ah cakuat pakhat a ṭial ta.

Dear.... Palian

             Palian nuam chialmal tein kan rak tlawnnak hmun le hma hna tuzaan ah Biakpi he kan van culṭhan, na kal hnu in a tu hi a voikhatnak ka van ṭawl hi a si. Zeizong vialte hi Pathian khua khan ah chiah dih ko usih law. Pathian nih kan ca tuah niceu dawh te tlangter hram seh tihi ka thlacamnak asi.

Palian tuzaan cu, zei tiin ka um zong ka hngal lo nang kan ruahnak ah hin lungsam zong ka mang kho 

lo, zei ko hme abau kun ka tiah a puh awk hrim ka thei kho lo. Biakpi he kanmah pahnih lawng in umhar lilengin zaan khuadei ding phun khin kan um, a hlan i kan ṭhut tawnnak hna le bia lungduh kan phuannak, chungmang za kan i ruahnak ah khan a tuhi Biakpi he chungsi vang in kan um ko.

A hlan i kan sianginn kai lio i, bangpar dum kan rak kulhmi siang hau kulh chung, kan rak ciin mi hna zong a tuting an hmun rih hna i naute chuahcam tuak lawm dingin an i dawhnak an chuah saling pi an si hna, an par dawhnak hna cu, Pathian ser thilnung hna nih ni fatinte an tlanh i, cu kho nih cun an par dawhnak a langhter khun, kan rak ṭhut tawnnak lungdonh cungah ṭhu in, na hau kulhmi dum 

cuan in lileng in chun nitlak hmanh hngal loin lungdonh hngoh in ka ṭho ko.

Pangpar a dawhter tu cu Pathian sermi thil nung hna nih an tlanh zawn hi a si, keibal ho tlanh tu ngei loin nang zuntlem in lungdongh hngoh in kan sulhnu ka van khrih zawn ah, ka duhdawttuk mi zunngaih ter tu mem ah an cang ṭhan.

Kharpi lai Camipui kan tuah lio i kan sianginn hmai Cherry kungtang ah ca kan rakzoh ṭinak Cherry zongkha a tu hi apar saling cing asi. Hi hmumhma hna le Cherry par hna hi ka caah hnemtu dingah ka ruahhna i sihmanhsehlaw zungṭhing athar in a nung ṭhanter tu men ah an cang hna.

Kan sulhnu hna le kan kuthnu hna cu naute chuahcamtuak lawm dingin caan hmante ah lunglawmhnak he mi thinlung hlau khun in an hmun pengrih hna. Hi Cherry pardawh hna ka hmuh zawn ah ka thih lungchung ah khua a karuah termi cu. Pathian thilser zeizong vialte hi an mah le caan 

dikte an hlam ṭhan tawn ko sihmanhsehlaw kan nih a hlei ce in a kan dawtkhun mi minung hi dah 

ngai a zeirauang ah dah! kan duh kan dawttuk mi hna he lungleng um har in a kan tuah kun ne hnga? Palian na kaltak mi na dawtmi hna le kan tlawnlennak kan singinn haukulh chung kan cin ṭimi hna an hmun i an par dawhnak hi naute chuahcamtuak lawm dingin iang ngei khun in a par aserh mi hna nih na sin ah zumhtlak tein nun le a caan dik teah parserh dingin ruahnak thazang thar an ka pek ve. 

Atu ah ka par dawhnak tlanh tu ngei loin umhar lileng in tlawngleng hmanh usihlaw, a caan a phanh tik ah hi vulei cung ka chuah chan ka duh dawttuk mi na caah nini khat ahcun, parserh dingin zumhtlak tein ka par dawhnak cu ka chiah peng ko.

Kan zungṭhing ṭawl in lileng in caan hmang hmanh usihlaw, nang cu theihbel lomi ram ah khua sa 

hmanhlaw lungdang ngei in, duhtin cuai ko hmanh law kan ciin mihna le kan ṭhut tawnnak Cherry hna an hmun bantukin na caah zumtlak parserh ding in kan nung. Cherry hna he a tu cu, nangzun tlem in kan nih cu kan hmun peng rih ko. 

Zungzal na caah parserh ding ruah channak he.

     By

 Certawi.

 15,11,2015

Dawn Khua Sianginn le Cherry Kung

FB talak mi

Rairahte

RAIRAHTE(Part 1)
 (Story)
 A HNGAKCHIAT LIO

A hlanlio ah hin ngakṭah rethei emem pakhat a rak um i, a min ah cun Rairahte asi i. Rairahte nih cun Nu ei a ngei i anu ei nihcun a dawlo i zangfak tuk in a tuah to tawn, khat lei khat lei ah rian hrang a ṭuanter i tuletu hi a vuak tawn caah Rairahte nih cun a nu ei chan cu a celh in a celh hrim lo.

 An inn chuaktak in an hmuh phaklonak ah zaam diam a duhko nain, hngakchia tuk a si caah cu ti ngaingai cun, nung kho ding dirhmun ah a dir lo caah ni chiarte nun hre awmnak in a caan a hman lio ah. Tinbaw mawnghtu pol nih an tinbaw kal ternak caah minung in raithawinak an tuah tawn, cu raithawinak ding caah cun minung cawk ding kawl in Rairahte te khua cu an van phan i a nu ei nih cun Rairahte cu a huat tuk caah rawithawinak dingah cun Rairahte cu thirtangka khawkhat ah a zuar.
Rairahte cu lawngpu polnih cun an i kalpi i an sin ah cun khua a sa, i Arfang vengtu ah an hman, lawngpu pawlnih cun an lawngkal ternak caah, lunghlu pakhat an i ngeih cu an lunghlu nih cun thiltih khawhnak a ngei i cu nih cun an lawng cu an khalh tawh.

Ni khat cu, ruahlopi khin an lawngdinh hmun ahcun Rulpi ang emem ara i cu an lunghlu cu Rulpi nih cun a firpiak hna, lawngpu polnih cun an lunghlu firtu cu an kawl lengmang i ni khat cu an Lunghlu firtu Rulpi hnuhma sullam cu an hmuh i an lunghlu firtu Rulpi cu thah awk ah le an lunghlu
lak kir ṭhanding cun Rulpi cu an dawi lengmang. Cu Rulpi cu a zaam lengmang i a donghnak ah cun Rairahte Arfang vennak ah cun, Rulpi cu a va phan, “Rairahte zangfahnak in rak ka thup tuah, an ka hmuh ah cun an ka thah lai, ka ṭihtuk hna tiah Rulpi nih cun Rairahte cu zangfah a nawl” Rairahte nih cun, E heu! Na lian ṭung zei tiindah kan thuh nawk khawh lai? Na sullam hman hi tluk lianmi cu, zeitiin dah kan thuh khawh kun hnga? Tiah ati, Rulpi nih cun, ka zangfah law ka thup ko na ka thuplo ah cun, an ka that lai tiah a nawl leng mang hnu ah, Rairahte nih cun, keizong lawngpu hna an raithawinak ding caah ka nu nih a ka zuar mi ka si kei zong thiding ṭhiamṭhiam ka si ko. Liantuk lo la cu thuhnawk ning zong a um hnga tiah ati, Rlulpi nih cun kai hmet ter lai, tiah ati. Rulpi cu aa hmetter i Hngerhtlei tia ah ai hmetter, Rairahte nih cun, na lian tuk rih, kan thup kho lai lo, tiah ati: Rulpi cu ai hmetter ṭhan i tikur dur tia ah aa hmetter ṭhan, Rairahte nih cun, na lian tukrih kan thup kho lai lo, tiah ati ṭhan. Rulpi cu aa hmetter ṭhan ṭhim fang tiat ah aa hmetter i Rairahte nih cun, mah ti cun kan thuh khawh cang lai a ti i a lak i a sam tom lak ah a sawh i a
thuah.

Rairahte nih rulpi a thuh nawk dihbak cun, lawngpu hna cu an vanphan i Rairahte Rulpi na rak hmu maw tiah an hal? Rairahte nih cun ka hmu lo a ti hna. Lawngpu polnih cun mah ka hin si a sul a dongnak cu si, na thuh a si ko lai tiah anti, ka thup hrimhrim lo tiah Rairahte nih cun ralṭha tak in a ti hna. Pheh piak duh hlah tiah Rairahte cu an van hro pah! Saulak an i al hnu ah, Rairahte nih cun, mahtluk Rulpi ngan cu zeitiin dah ka thuh khawh lai tiah a ti hna hnu ah thup nawk kho dingin maw nan ka ruah rere a ti chap bei hna hnu ah lawngpu pol cu an bei a dong cikcek hna i, micheu nih Rairahte cu, ceilak in van vua uh! Micheu nih fangkhaw khatin vanpe ulaw kal tak hna usih. Cuticun holh phun ṭha lo in an volpamh hnu ah Rairahte cu an van vaivuak hnu ah an kal tak.

LUNGHLU A NGEIHNAK

Lawngpu pol an kal hnu ah cun, Rulpi cu a van chuak i a hlan a mahtiat ah a van i siamṭhan i Rairahte nih a nunnak a rakkhammi kha aa nuamh tuk caah; Rairahte zeidah na duh na duhmi paoh kan tuah piak lai tiah ati. A kaa cu fakpi in ai van i a van luak cu a luak mi ah cun, sui, lungvar,tangka thir tbk tamlak in a van luak, rulpi nih cun, khah! Ka nunnak na ka khamh i kai lawmhnak lawmhnak biachimnak ah a ti i a dih lak khan i lakdih hna tiah ati. Rairahte nih cun, ka duh hna lo ati i Rulpi cu a khuaruah a har ko! Rairahte nih cun a thawh i na kaa fakpi in van angtuah tiah Rairahte nih cun Rulpi cu kaa an ding in a ti, Rulpi cu a kaa cu fakpi ai van an i a dangkil ril ah a tleu mi a cerh in aa cerhmi khi Rairahte nih cun a hmuh, Rairahte nih cun, na dangkilril a um mi khi ka duh e tiah ati; Rulpi nih cun mah hi pei kei khomnih ka duh i ka zampi mi cu a si cu tiah Rairahte cu Rulpi nih cun a ti, sihmanhsehlaw ka nunnak chanh tu na si caah a hlanh in kan hlanh chung lai a ti i a dangkil ta cu a van luak. Lunghlu thiltih khawhnak a ngeimi cu, Rulpi nih cun Rairahte cu nangmah nih rak kilkawi chung tiah Rairahte cu a ti i Rulpi cu lo diam in Rairaihte cu a kal tak.

Rulpi ka hnu ah cun, Rairahte nih cun, Lunghlu cu aa put i “ Ka pu Rulpi nawl, biatak, Lunghlu khua mi hna, ka sungh nakcun” lawngpu hna lawng a hrengmi khi i phawih viar hna seh a ti i an lawngdinh hmun lawngvial te cu an hrennak hrin cu a dihlak in a poih viar i lawngpu hna cu lawmhnak in an khat i Rairahte cu lawngpu nih a fapa caan ah an khua ah a tlunpi.

NUPI A ṬHITNAK

Rairahte cu nikhat hnu ni khat in a van ṭhang lengmang i nupi ṭhiṭ cu a van si ve cang, Rairahte a pu nih fanu pathum a ngeih hna i Rairahte cu fapa a ngeih lo caah fapa zoh in a pu nihcun a zoh. Ni khat cu, a pu i a fanu milai nu nih chung laicingah buti chumh a tim i Rairahte cu kuangka ah cungpa cang ah cun a ih caah buti chum kho lo cun a tuah. Ngaknu nih cun aa thawh i ka pa Rairahte hi khuangka ah a ih caah buti ka chum kho lo tiah apa sin ah cun a chimh. A pa nih cun a thawh i Nupi ṭhitpiak a hau a si cu nupi kan ṭhit piak lai tiah a ti. Cu le cangka cun, Rairahte cu ivikvak ngai khin a van tho colh.

An chungkhar cun Rairahte nupi ding cu hodah kan ṭhit lai tiah chungkhar pumhnak cu an van tuah, “ Apu nih cun a thawh i Rairahte hodah kan ṭhit lai” tiah a hal? Rairahte nih cun, mah le tawk teah bawi fanu khi tiah a pu cu ati: apu cu Rairahte caah bawi fanu va halding cu thih hreh khin a hreh ko! A pu nih cun a thawh i Rairahte kan nih pufa caah cun, kan phak deuh lo e… kan phu tawkdeuh kawl rih usih tiah, ati. Rairahte nih cun, apu cu a thawh i kan nih pufa hawl nih cun cokhawhlo-mi kan ngei hnga maw? tiah ati. A pu nih cun, cu ti na ti asi ah cun, kan tum phot lai, tum phawt cu sualnak a um lo kan tih khawh ngang lo le zeiti awk ṭha tipah khin a pu nih cun Rairahte bia al hreh ah a ti.

A thaizing ah cun, apu cu bawi fanu halding cu a kal i bawi inn kutka ava phanh cun, zeidah na hreh tiah inn vengtu ralkap thuah khahnak nihcun an rak hal? Lawngpu nih cun, nan bawi fanu hi ti a van chimbak ah cun, a chim hmanh a chim dih hlan ah, an tlaih i a lai in an tan i an inn pawng
tiva ah an hlonh. A pu cu a lawi belbel lo caah Rairahte cu a pu suthlam ding cun a va kal i bawi inn a va phak tik ahcun, a pu mui hmai a diti lo caah ralkap nih an thah a si ko lai hi ati i a lunghlu aa put i “Kapu Rulpi nawl, biatak, ka lunghlu ka ngeih lonak dingcha cun, kapu a thi cangmi kha
van nungṭhan seh tiah ati” i a pu cu a van nungṭhan i a pu nihcun mahbantuk a si ding asi ahcun bawi fanu hal ah cun ka kal ṭhan hrimhrim lai tiah ati.

Lo lam kalreh hrawng ah a pu cu bawi fanu halding cun, ai thawh ṭhan i bawi inn a va phak tik ah cun, kutka cawnghtu nih cun, zeidah na duh? tiah an rak ti. A pu nih cun, nan bawi fanu hi ati bak ah cun an tlai ṭhan i a lai in antan i tiva ah cun an hlonh ṭhan. Rairahte cu a pu a lawi belbel lo caah a pu kawl ding cun bawi inn ah cun a va kal ṭhan i a pu cu a hmuh ṭhan lo tik ah cun an thah ṭhan ti a theih tik ah, a lunghlu aa put i “Kapu Rulpi nawl, biatak, ka lunghlu ka ngeih lonak dingcha cun, kapu a thi cangmi kha van nungṭhan seh tiah ati” i a pu cu a van nungṭhan i inn ahcun an pu tu cun an lawi.

a voi thumnak a pu cu bawi fanu hal dingcun a va kal hawi ṭhan i ralkap pawl cu an khuaruah a rak hartuk caah mah pa nih hin duh hna a ngei asi lai e. Cucaah cun, luhter ko hna usih tiah anti i an luh ter an bawipa nih cun, zeidah na duh? Tiah a rak hal. Lawngpu nih cun na fanu hi Rairahte nupi caah ka duh tiah a ti. Siangpahrangpa nih cun, na duh ahcun na ṭhit khawh lai sihmanhsehlaw thaizing ni chuak hlan hrimhrim ah ka inn hi sui in sak mi inn asi lai i cun, ka inn in nichuak chaklei ah nunnak tiva pakhat a luang lai cucu nan tih khawh ah cun, ka fanu cu na fapa caah cun nan ṭhit lai tiah a ti. Lawngpu cu lungsi lo emem khin inn ah cun a lawi ṭhan. Lawngpu nih cun Rairahte cu. E… Rairahte mah bantuk cu kan tawk le zawn asi lo! kan ṭhi duh lai lo tiah ati. Cu hnu ah cun thil sining cang cu Rairahte cu a pu nih cun a van chim. Siangpahrangpa nih cun, na duh ahcun na ṭhit khawh lai sihmanhsehlaw thaizing ni chuak hlan ah ka inn hi sui in sakmi inn asi lai i cun, ka inn in nichuak chaklei ah nunnak tiva pakhat a luang lai cucu nan tih khawh ah cun, bawi fanu cu zeihmanh hau lo in nan ṭhit khawh lai tiah ah a punih cun a ti. Rairahte nih cun, asi tak cu a ti i a pu cu a ih tak diam.

A pu zing ar khuan cun, bawi inn sakding cun a tho i ai timtuah len Rairahte cu a van thawh i ai ṭhang kho lo, cu ticun, Rairahte cu a itpeng i a pu cu a khuaruah a hartuk cang, ni a chuakdeng mang cang, a pu nih cun Rairahte tho cang kan sathlumanh lai lo hi ni a chuak dengmang cang tiah a van ti, bawi inn cu kan sa thlu manh lo awk lai lo tho cang tho cang!! Tiah a van hngir len ko. Rairahte cu duhsah te cun a van tho i leng ah cun a vachuak i “ Kapu Rulpi nawl, biatak, ka lunghlu khua mi le sa ka si lonak hnga cun, bawi inn khi sui le lungvar in sak mi sisehlaw an in ni chuak chak lei ah khin nunnak tiva pakhat in luang seh tiah a van ti. Cu ti a van chim thlut cun ni cu a van chuak cawlh ve. Siangpahrangpa inn cu suile lungvar in tleu kilkel tein a cerh in ai van i cerh i a inn pawngah cun nunnak ti zawng cu duhsah te cun a vangluang i niceu nih cun a van cerh i a cerh in ai van i cerh i siangpahrangpa cu lunglawmhnak in a khat.

Rairahte nih cun, apu Rulpi le a kuttang ummi hna cu a kawh hna i anpi zeidah a lawh a felmaw fello, aṭha maw ṭha lo, a nun can zoh ngiat dingin a thlah hna. An pi ding ngia thlaiding cun, Zubui, Cep, Langaak, thiahlei, phete, caicim, zu, sahuai hna le zawhte hna cu a thlah hna i an dihlak cun
artlang in an I zulhna I Siangpahrang inn cu an vapha. An pi cu aa rak hngilh lio asi anun can zohdingah kalmi an si caah, Zu cu an vampang ah a kai colh I meicungpi ah a kai an thilri hna a hrawk a thlak len ko, an pi cu a van tho i zu nih a thlakmi hna cu an umnak ah a chiah ṭhan hna i zei
cumca tilo cun a it ṭhan. Phete cu tapchak ah a ṭhu I tikur ai hmom I a phutchuak len ko nain an pinih cu, zei ah relpiak hna lo khin a um ko.

An dihlak cun, inn ah an lawiṭhan hna i anpu Rairahte nih cun, zeidah nan pi cu miṭha ding asi maw? tiah a hal hna. An nih nih cun, an i thawh i a nun a nem tuk tiah an pu cu an ti. Rairahte nih cun siangpahrangpa a fanu upa deuh cu nupi ah cun aṭhit, sihmanhsehlaw siangpahrangpa fanu nih cun, thinglung tak in aduh lo caah a lunghlu thiltih khawhnak a ngei mi cu zeitiin dah ka lak piak khawh lai i ka fir khawh lai ti lawng khua a ruat ko, Rairahte cu, a nupi thinglung a theihtik ah aa ralring i a lunghlu cu ṭhate in a fimtawl peng i a venpeng ve.

Ni khat cu, a nupi nih cun tiva ah i khawlhding in a sawm i an kal Rairahte nih cun tak a kholh lai ah cun, a lunghlu cu a tlitein lungpi tangah a thuh. An nunih cun a rak ingiat ziar i Rairahte i kholh kar ah cun, a lunghlu cu arak lak. Cu, cun van ah a kaipi i cu thawk cun, siangpahrang in le a velchum aa dawhnak a hlan i suile, ngun nih a tuammi cu, voikhat lo ah anziam dihve. Siangpahrangpa cu a thing hang tuk caah Rairahte cu a tleihter hna i tuni in ni hleiriat chungah a hlan bantuk in nasak ṭhan lo cun, kan thah lai tiah a ti. Rairahte cu mang ang vang sang au in a um ko cu a ṭhit hruai le polnih cun an zoh kho hrim lo caah an pu Lunghlu kawlding cun, an i thawh hna.

An hei zul diahmah hna, i tiva an vaphak tik ah cun, tiva cu arak ngai ngai caah ti cu an tan khawh lo caah hel nakding lawm an kawl len nain an hmu kho lo. Beidong cikcek in an um hnu ah tiva cu a vanzawr deuh in an zapite cun, liral khat te lei ah cun ti cu an tan i an kai hna. Liiral an van kai khawh cun, an tha a dih ngai caah an hah an i damh i khawi ka lei ah dah kanpi cu kan kawl hnik la tizong cu an tuak kho ti lo a kalnak le an thei fawn ti loin an um lio ah cun, langak cu lungpi cungah ṭhuin a ngu a ngu i veikhat loah a lu ai van nawk i lautuk in a lu a van tunzawn ah khin, an Pi le vangcung a tlangval pa an i dai len lio khi a hei hmuh i a hawi sinah cun a heih chimh hna.

Zeitiin dah kan tuah lai tiin khua an ruah i hohmanh vang cungah cun, langak ti lo cu kai kho ding le an um fawn ṭung hna lo, an lak i zawhte cu hripeh a rakthiam ngelcel i an hnipuan hna an vanthlek hna i zawhte nih cun a van peh hna, saunawn a peh hnu ah cun, an van fawnh hna i zubui nih langak nang tlawmngaih van chuahrih ko ne van ah khin hei zuanpi law cun van sih tuah, pu le thih dengah cun, tha dih tha bak khom chim khawh a si lo hi tiah a van ti.

Cuticun, vansang ah cun a zuanpi i vanah cun an hri pehmi cu a va sih khawh cun, Zubui le a hawi le hna cun, hri cun an kai hna i an kai lio cu an pi nih cun a rak hmuh hna. EE!! Ka lunghlu pei chuh an ka timh cang hi a ti i mang ang vangsang in a um zeittin dah ka tuah lai tiah khua aruat i a kaa chungah a hmawm i a hngilh pi.
Zubui nih cun, kawi le hna khi kan pi nih cun lunghlu cu a hmawm ko khih! Zei tiindah kan tuah lai tiah a ti hna i. an van I ceih hna i Zu sin ah cun, pu le thihnak cha cun nang tlawmngaih van chuah ko ne law, “pu e thihnak cha cun thih ah thih nun ah nun ti a hau cang ko hi, kanpi hnar khi na mei in vasawh va dai law, cun a zaa lai i a hathio te ko lai cu a hathio tik ah cun, lunghlu cu a van phut chuak te lai i vampang awngin na van chuakpi te lai” tiah anti. Zubui le a hawi le nih cun inn tangin an hngak i Zunih cun, anpi hnar kua chung cu a mei cun a van zaat I an pi nu cu taktak ah a van hathio i lunghlu cu a van phut chuak taktak cu le cang kaa cun, vikvak a char cawl in tangah cun a ṭumpi cawl, kan thiltuahnak ah kan hlawh tlingtuk tiin lawmhnak he an dik cun an tlung hna.

Anpi cu ai van ṭhang i a lunghlu hmawmmi cu a umti lo ti a theih tik ah cun, ka thi cang ko tiin a tikbukhur cu aa domh len ko zei tuah awk hrim a thei lo mangang vansang in a um ko. An tlunpah ah cun, tivapi cu a rak lian ṭhan i helnak ding an kawl len nain an hmu la caah Zubui nih cun, ti kan tanpi a si ah cun, a cin lai i a rawk awk lai tiah.

Langak cu, a thawh I Ak nang tlawmngaih chuah ṭhan rih ko hi! Zeiti awk ṭha pule thihhnak cun, tiah ati. Langak nih cun, tivapi cung ka zuanlio ah ka hawi le nih Ak-Ak tiah an rak awn len lai i awnve lo le hramve lo cun, ka um kho hnga
maw? Tiah ati hna, Phete nih cun, a thawh i cu chungte cu i sum ko law , pu le thihnak cha cun, tiah ati: langak nih cun, lunghlu cu aa hmawm i tivapi cungah cun a zuanpi lio ah a hawi le pawlnih cun, ral khat te lei kil in Ak – ak –ak tiah an rak hram hna tivapi lai cer a phak zawn ah khin a
lunghlu put mi cu a philh i Ak-Ak tiah a awnve cu velleh cun, a lunghlu putmi cu a thlaksual i ti chungah cun, a pildiam.

Mangang vangsang cun, an dihlak cun, tivapi kam lungpi cungah cun an um hna. Ti chungah cun an va lut i an kawl len nain an hmu kho hlei lo.

Zaang uai chial mal in le lungdong cikcek cun, lingpi cungah cun an ṭhu hna I Phete cu ti chung a lunak ah a tha dih tuk rua lungpi cun ah cun a thu I a ngu len ko. Cu ti a ngu a ngu ah cun, vei khat lo ah tivapi chungah cun a tla sual ai lauleng mang in ai van hlauh cu ti chungah a rak pildiam cang.

Ti chung a um lio ah cun, ngapi pakhat a hmuh i a paw a puar ngai mi asi, an lunghlu cu a dolh/lemh asi lai tiah a ti hna, an dihlak cun, ngapi tlai ding cun ti chungah cun an van lutṭhan i ngapi cu an dum hna i an tleih khawh.

Ngapi rilchuah ding cun, an buai ṭhan, Zubui nih Langak cu a thawh i nang Langak tlawm ngaih chuah ṭhan law, ngapi rel cu na hmur a zummi harmi nih van chuah ṭhan ko kun ne: “ Ka hmur hi a fak tuk cang tiah ati” i Pule thihnak cun van i hne ko rih law tiah an fial chih i langak nih cun ngapi ril cu a vanchuah.

An lunghlu a rak dolh taktak i an hmu ṭhan khawh, lungpi cungah cun an phoro ṭhan. Cu ti an phoro lio ah cun, Muvanlai vansang cungah cun ai van i hel lengmang i an lunghlu phoro mi cu a van lak kanh hna. An dihlak cun, an i zoh i ho ipuh ding le sikfai ding an um hlei lo caah an dihlak cun an i kup i kanpu cu zeiti awk tha athi cangko hi ta tiah ṭahhla an lawh len ko hna.

SAFE NUPA

Tivapi kam ah zaang uai chialmal in a ṭhu mi hna pawngah cun, safe te an nupa cun an van i zul i Zubui nih cun a thawh hna i nang safe vang i a leng muvanlai zong titla kho lo, ṭhat hnemnak ngei lo tiah a rak ti hna.
Safe te nupa nih cun, mah bantuk tham hna cu thil har a si ṭung lo. Mah ti hin kan seh lai le a tla ko lai tiah anti: Safe te nupa nih cun, van cungsangah a lengmi muvanlai cu an van seh i tangah cun a van tla taktak i safe nih cun a van fuk i a thi cangtiah Zubui le a hawi le cu a ti hna, a sa cu an i sem i Zubui le a hawi le nih cun, a pum an co i lawmhnak in an khat ṭhan.

Zubui nih cun, Lang_ak nang tlawmngaih chuah in a pawpi na kher ṭhan a hau ko nang hmur ṭhacem ah tiah a ti: Lang_ak nih cun, ka ha a fak tuk cang a ti.

Zubui nih cun, Pule thihnak cha cun, van i hne rih ko law zeiti awkṭha tlawm ngaih van chuah rih ko hi, midang a ti ding hlei kan umlo hih tiah a ti i Lang_ak cu, phunzai len bu cun, Muvanlai pawpi cu a van kher ṭha i an lunghlu cu a van chuah khawh ṭhan i a pho zong phoro ngam ti loin an tlunpi.

Pehnolh ding

Thlalak

Ka Kamera a t'hat lo he, [THLALAK] cu a huam cem ka si lai dah.

Ka hmuh mipoh hi thlak/lak dih hna mei ka duh, thlalak/hmanthla a uar minih hin adawh nakhi kan thei/hngal deuh rua thlalak/hmanthlak athawt namnak hi tep ve law na zawngchang hrimhrim lai.

kan hmuhmi paoh nih hin, a mah le dawhnak an ngeidih cu an i dawhnak cu, chimfian khawh loin i dawhnak an ngei.

zei maw deuh le mitla deuh cu, ka kaltak siangbak lo a rem zongah remlo zongah ka thlak/lak tak loah cun, ka khuallam peh ka duhrua lo.

[Thlalak] athawt namnak hi tep ve hmanh zeizong te hi anrak I dawh remdih hna.

Hringtu ṭawngkam(Aan kaa) Na kaar philh hlah!

Hringtu ṭawngkam(Aan kaa) Na kaar philh hlah!
************************************
Hringtu dawtnak a aan kaa hna hi, hmai lei caah ruah channak an ka peknak hna tlam tlinhter khawh ka rakduh tuk nain, an ka duhsaknak hna cu zeihmanh loah ka canter ko!

Mapui na kaar philh hlah! “kaar philh hlah” timi cu lam kan kal ṭhat lio ah minung nih kan ngeih
tawnmi kan lam kal ṭhat lio ah fum deuh in kan kal caan a umtawn mah khikhi “Na kaar philh hlah/ Na lam kal philh hlah” tiah hringtu ka Nu/Pa nih dawtnak aan ka in an ka ti tawn.

Cucu zei dah an chim duhnak asi tiah cun, hringtu kan nulepa nih hin kan fanu/pa hna nih hin hawi
tluk ve hna seh. Hawi theih thei ve hnaseh, an tuah sernak ah an fimthiam cawnnak ah hin hawi
hmu mi hmu ve hna seh, hawi hnu ah an um sual lai, hawinak in an thiam sual lai lo. A khup ṭhirual
hawi sin ah zohchia, zoh dawh lo in an um sual lai ti an kan phan caah asi.

Semmawng kan si lio ah cun, mah bantuk hringtu nulepa bia hna cu, aruah zia kan rak thiam tawn
lo ka pa/nu cu misik nakding lawng nan thei mi sik nan cak tuk tiah sual kan rakpuh tawn hna an
duhnak tu kan rak theih thiam lo caah arak si.

Lai phungthluk ah kan ngeih mi, hruh hmasat, fim hma hnun kan pi/pu hna nih an rak timi hi arak
dik tuk. Ka fadawt na Nu/Pa kan mah bantuk in nan umding hi kan duh hrimhrim lo, kan mah
bantuk in nun chung lo thlawh dingin cun kan in siang hna lo tiin zaan fatiin te hringtu kan Nu/Pa
dawtnak duh piaknak ṭawngkam hna kha kei nih cun, ṭhat lo le misik cak lawngah k arak ruah tawh
ka rak palh tuk ka ngai thiam kun uh ti len zongah, ka hring nun hi laa bantuk in zelh awk aṭha ti
fawn lo, si kho sehlaw ka zelh ṭhan hnga i ka Nu/pa duhnak tlam ka tlinh ter kun hnga.

Ka fa dawt caa ṭha tein zoh, i zuam zaan fa tiin te ka caa zohnak pawngah a rianṭuannak hah pehpar he a ṭhumi a mitkut zawn le amah zawn hmah ruat lo in a hrinmi a fale caah niceu dawh atlan te lai mi ruah channak he (kah ci, kah kuai) ṭial hmanh a thiam lomi hringtu dawtnak zeihmanh nih cawk khawh lomi a thisen in ahrin a fale han zawnruah ah tlaipi tiang aṭhu a lak ka canter.

Ni le caan an liam bangin kei zong tleirawl nun dinhmum ka van phan ve, khan chungah caa athiam
lo pawl ah van tla, ningzah lung ka van thei ve caa thiam lo ruangah cawnpiak tu kut ni khat hnu ni khat in ka van tuar celhve hrim hlah! Sianginn in idih ka hau ka nu/pa hmai achia a hlan an ka duh piak mi ka caah lamṭha le an saduh thah vial te hrawh dih ka timh, an rianṭuan zaang atlung kho lo “mapui” i hne ko a tuah cun, harnak phun kip na tawn ko lai atu harnak hna hi cu zei te hmanh an si lo, hmai lei ah cun mah caan hna hi na van hlam ṭhan te dingmi thil an si nun chim tu le na caah lamṭha an si te lai. A tu sianginn idinh cu asi kho hrimhrim lo atu nakin hmai lei ah caa thiam lo harzia cu na theih te lai. Na nu/pa hna hi kan zoh hmanh kan hngakchia lio ah nangmah bantuk in dah kawh kan rak umve cuh! A tuah cun kaa chir ti len hmanh usih law saan atlai mi asi ti lo, kan mah bantuk in lo thlawh maw na duh? Cucaah cun, atu sianginn idih cu asi kho lo an ka ti len zongah ka duh hlei lo.

Thlem cipit in an ka thlem, hringtu dawtnak an kaa nem cu ka al peng hna caah: ka pa a celh ti lo
kan mei cung “Cungpi” fung azuk ka caah ṭhatnak dingah kut thlak karak tawng na kai lai maw?
Ka lung a khong kai lai lo! A fak deuhdeuh, na kai lai maw? Celh ve ti hlah kai lai. Sianginn kai
ah cun amin cun ka rak kal ko nain amin lawngin a rak si. Cu thawk cun ka pa nih a ka daw lo tiin
sual ka puh!.

A kum avan vui lai khua teah cun inn lo rianṭuan kho le in chungtang a zoh cu kan mah rian asi
cang cu ti cun, amin men cun ka kai pengko nain ka lunghrim afim kho lo. Amin in tang 8 cu kan
hei phan ve, mark hna aṭhat ah cun khual ah sianginn kai ding dirhmun ah ka van um ve cang.

Kharpi chungah Malaysia kal a lar ciammam i nikhat hnu nikhat in an chawi hna, hringtu nulepa
lungre theihnak kapek hawi hna, Malaysia kal dingin zingzaan ka hauh/turh hna sianginn hi ṭhatein
kai law, caa hi i zuam law ni ni khat ah cun, Malaysia chim lo ramdang hmun dang zong na duh zongah na duh lo zongah na kal a hau te lai cucaah cun, sianginn tu hi kai ko.

Miram dangah salrian ṭuan dingin kan in siang lo piin ah na nulepa nih kan in duhpiak mi cu fimthiamnak cawn hi asi, na khup ṭhirual hawi sin ah na hmai hngal lo ding le na mit au ngamlo dingin na um dinghi kan in siang hrimhrim lo “mapui” tiah an ka thlohnak le an ka duhpiaknak hna cu ka caah cun, kei nih cun ka rak theithiam lo!.
Hringtu dawtnak lam zulloin mah duhnak lamzul cu, Zubui tuanbia le sihning in a kan fiah cucaah hi ca arelmi hna fimnak acawng lio mi nan siah cun, na cawnnak kha a tu ah har hmanh sehlaw ihne ko. Na hawi nu/pa he tlik zuamnak ah na sungh caan cu a um ko lai sihmanhsehlaw na der/sungh ah khan lungzurnak ah hmang hlah thazaang tu laknak ah hmang law na lamkal khah ahlan na kal cianak in izuam chinchin, lungdong loin na kal lengmang ah cun, tlik zuamnak ah chumchep(cumkeng) bantuk in nini khat ah cun, teinak timi lunglawmhnak na zaanmang hmanh ah na manh phak lomi nih na hmai ah an hngah timi kha philh lo tein “Na lam kal” kha philh lo tein hringtu na nu/pa nih an in duhpiak mi kha thantar ah i chiah.

Harnak kan tawn kan tep hmaisa lo ah cun nuamnak, lawmhnak cu kan i ruahchan ding asi lo!
Cucaah cun, harnak hre awmnak, sifahnak hna le ṭah caan kan tawn hnu lawngah nuamhnak,
lawmhnak, niceu dawh nih kan hmai in a kan hngah ti hi philh hrimhrim hlah.

Na Lam Kal Kha philh hlah!!!
By Salai Cinzah
Kuala lumpur
27/10/2015

Marau Tlang Saram Mit'ing a peh

Marau Tlang Saram Mit'ing a peh

3. Tu chun caan ah a van chuakmi ka saram hawi le hna, tlangko in ka chim ko lai tutan Christmas cu tuah ngam ding asi in, kan si hrimhrim lo a rannak tu in. Rev. Ngengpi te nupa hnu tu zulko hna usih cucu kan sahimnak ding cem cu a si ko cucu kei tlamtling lo ngaiin khuabawi nan ka thimnak in siseh kemah pumpak hrimhrim in duhsaknak nan cungah ka ngeihmi le dawtnak in kan chim mi hna cu a si ko.

 “Lung lawmhnak tampi ka ngei”
Phukphuk tiah an zapi tein an kut an benghpiak:
                   ****
Pastor. Sazaa a van dir, zawngruahnak le duhsak ngai in le thil sining a kan chim piak
tu kan khuabawi Puvom cungah lunglawmnak tampi kan ngei, pathian tunih Kap Cin le hawi sin in luatnak a hmuh khawhnak hnga le nun khua saunak peko seh.

Atu cu, kan miṭing kan ot hlan deuh ah kan Secretary Phete tukum chung members kan sining cang le amah nih a her hai a timi chim phuannak caan a si rih lai atu ah kan sawm colh.

Tu chuncaan ah miphun dawtnak le zawnruah nakin, miṭing ah a van chuak khomi nan dihlak
cungah lunglawmnak tampi ka ngei. Cun, nan sinah ngaih thiam hal kan duhfawn mihna cu, kan
Rev. Ngengpi tuchun ni ah a van kan telpi khawh lo caah hin ngaihthiam kan hal hna i a ruang cu, miṭing nikhua caan kan thawn/ṭhial caah a kan telpi khawh lonak hi asi.

Kan lairam saram kan dir hmun hi zohtik ah thinphang kan si, ho cio kan si zongah thinthi le hnangam cun zaan hmanh kan i khawh cio ka zum lo. Kei le bang cu tu hrawng ka mangah hin Kap Cin le a hawi le lawng ka hmuh hna i cu ka mang cu ka thaisung nu sin ah ka chim ka phuan len nain busik mang hna cu a ka ti salam. Asi nain a voi tam tik ah cun, kan nu zong a um nuam ti velo caah marram ah cun zaam zawkzawk ko usih law kan sahimnak a si lai.

Kan sahimnak kawl hmasat hi thiṭha cemmi asi, vauchuah lei ah kan khua (Pamṭul tlang) ah cun
kan van kir te lai maarram hna hmun hma a ṭhat deuh ah cun, khi ka ah khin hmun hma hna ka i
zohpah lai cuh! Cuti asi lo ah cun, kan ci hi a lo tlausual lei tiah a ka ti len.

Aw! Ka mangah tam deuhtuk in ka lut tuk rua, ka hmai i kan khuabawi chimban tuk khan hna ngam cun, um ngam ding kan si ti lo caah kan sikhawh chungin a herh lo ah lengah chuah vak tuk lo ah a ṭha lai cuti lo cun, Kap Cin le a hawi le nih christmas ramvaih an ti hawi la le lolh kan si ko lai.

Tukum chung kan sining cang kan zohtik ah thinphang cu kan si ko, Kan khuabawi chimban tuk khan, kan miphun hi a karh leinak cun, a zor lei kan panh deuh. Cucaah cun, Rev. zong kum thar cun, kan I thim chap a hau lai, a tu kan Rev. Ngengpi nih hin zei caan dah a kan dampi khawh lai ti ho hmanh nih kan theih khawh mi asi lo caah anih zongnih phung ah ruat hlah sehlaw kei mah ruahnak ah cun thim hrimhrim kan herh ko.

Saphu damlio lung dongh a timi zong kha ka hna atla tuah dingbak asi. Annih zonghi vau chuah
ah kan donh lo ah cun, fur a vantla hawi lai i kawl Thang kut in an luat lai ti iruah ngamding hrim kan sifawn lo cu caah cun donh hrimhrim ding ah ka duh fawn.

Pehnolh ding >>>

Credit : Salai Cinzah

Dipa Zaan Dai tangah

Dipa Zaan Dai tangah
***********************
Afiang tuk rih lomi cung fidi hna le, Zaan lalnu hna zong duhsah tein Archung tlang cung in kan lungrawn dawhter tuding le an caan teah an van i hrer liarmar hna.

Cung fidi ka cuah zawnah Dipa zaan dai cungah alengmi tleu kilh kelh tete nih, naute chuah camtuak  lawmding in an i dawhnak cu an langter hna.

Hi zaandai tangah nanghe tuanbia kan rak ser t'inak hmun donhhlei sang cu ah tuzaan cu kei mah lawngin thinlung sivang in ka t'utnak hmun hma ah khan atu hi nangzun tlem in a hlan kan tuanbia hna kha pakhat hnu pakhat kei thinglung ah avun thar t'han.

Cung i a ceu Thlapa hna le fidi hna ka cuanh zawn ah, a liam cia caan hovan hai loin, kan saduh thah mi le kan biatiam mihna cung fidi sin ah kan rak chimphuan mihna kha a tu ah cun khawi ah hen an si kun ne.

Hmai lei ruah channak in fidi hna sin ah kan kar lak duhdawnnak kan rak fehter lio caan hna kha minu khawi ah hen an si kun ne?

Dipa zaandai tangah fidi hna sinah nabia tiammi hna kha nangmah lila nih na hrawht'han, minu nang cu ho na si kan theih ko. Na lungtak lo ka sinah na aan paumi hna kha hi Dipa zaandai tangah hin kei zongnih hnu lei chit in, nun thar, lam thar, hring nun thar ka zawh ve cang lai kha vial kan tuanbia hna kha tuzaan ah hin philh laannak ding ah capar pakhat kan van kuat.

#Minute

Hla phuah tunih hawithar kawl na hawi hlun philh hlah tiah ati: sihmanhsehlaw nang le kei caah tuah cun, cucu a cangkho dingmi asi lo caah nangmah nih hlei na dongh mi cu, nangmah lila nih na hrawh t'han caah, lungrep ngei lo hawi ngeihnak cun, kan hmai lei khur khua fakpi in kai ruah ve ahau cang.

cucaah cun, kan hmai ah vawilei khamhtu ding nausemte chuak minih kei zong hawi thar a ka phurh lai. cucaah cun, nangzong na coval hi nuamte tuin nan khuallam ah Pathian nih thlaw in chuah hna sehlaw fanau sempuak cawi t'i dingin lawm in hruai hna seh.

Dipa zaandai nih a phurmi hna ngamnak thlawchuah hngak in a hlan kan t'utt'inak donhhlei cungah t'uin lamthar zawh cangding in hi zaandai tangah ka hringnun lamthar cu zawhve dingin biachahnak ka ngei ve cang.

Na covalpa he dipa nih a phurhmi daihnak cu nuamtein lawm t'i uh ti hi kan duhpiak mi asi.

mangt'ha #minute.

Marau tlang ramsa meeting an tuah.

Tu taan an miṭing tuahnak ah Rev. Ngengpi nih a telpi kho hna lo a ruang cu barthla thawk ka ah tuah ding an timi kha Puvom a dam deuh lo caah a ni an thawn ruang ah Rev. Ngengpi te nupa zong tuan deuh in marram ah an rak I zaam cia caah an I tel khawh lonak asi.

Pastor. Sazaa a van dir tukum 2015 Christmas kan tuah ngam lai maw? Ti hi tutan kan bia ceih dingmi cu asi tiin, biahmasa chimpah cun a van tenh ta, ho hmanh holh lo cun an khua bawi Puvom tein tual ah cun an ṭhu hna, Sazaa nih a tu cu, kan khua bawi Puvom sipesial
biachimnak caan kan van pek ta lai i kan miṭing cu kan pehṭhan te lai tiah Puvom cu biachim ding cun a sawm cawlh. An dih lak in kut an benghpiak duhsah nawn in Puvom cu a ṭhiangṭhunh I hngat chan bu he a van dir ṭhaṭhi zongin a dir kho lo.

Tutan miṭingnak ah a van chuak khomi nan dihlak cungah kai lawm, kei mah ruangah Rev. Ngengpi ai van tel khawh lo caah a poi zong ka ti i kan pastor sin ah kei cu ka hngak duh hlah uh ka ti lennain nangmah tel lo cun a si kho lo kan in hngak ko lai a titlet caah tuchun
ni ah Rev. Ngengpi zong Kap Cin ṭih in Marram ah azamnak hi asi. Tuchun ni ah a van kan telpi khawh lomi cu a poi taktak donghnak thlawchuah petu ding zong kan ngei lo, cu caah cun hmaikum lei ah cun Rev hi pahnih tel kan I thim a herh te lai.

Tutan kan miṭing ah saibual lei in a van kan telpi khomi saphu cungah a hlei in kai lawm khun ṭhalchuah cun, a dam lio lungzong kan donghpiak a herh lai a ruang cu, lairam ah hin a mah lawng a tutiangah a kan dampi mi asi i a dam lio lung kan dongh ta lo ah cun, fur a van chuak lai i Kawl Thang kut in a luat lai tizong chim khawh asi lo caah thinh domh in
ka um ko a tu hi.

A kan hruai tunih a van chimmi tutan kan ceih dingmi Christmas kan tuah lai maw tuah lai
lo a timi kha ka hmuh ning le ka ruahnak tlawmpal in van langhter usih law ka duh, a bia asau zong ka ti hla uh, a ruang cu hihi a bia pitaktak mi asi thinphang in a tu zonghi ka um ko.

1. Kap Cin hi kan celh lai lo kan ci hmitding in a tu zong thawngpang kan theih ningah zeen a deng cuah mah ko ti asi caah ho kan si zongah kap cin hi kan hrial khawh ka zum lo.

Cu caah cun kan hmim lo tuk caah Rev. Ngengpi hnu zulh hi kan himnak ding lam a ummi cu asi ko.

2. Kap Cin le a hawi le nih thawngpang ka theih ningah tukum Christmas ramriah cu saibual ah kan riak lei tithawng ka thaih hawi cu caah cun si. Saphu damlio lung zong kan dongh manh lai dek maw? Kap Cin le a hawi le pol hi mi zangfahnak le mi zawnrauhnak zong a pelt e zong a ngeimi an si lo caah an hmaika chuak mi paoh cu, kan nunnak a kan lak la hmanh ah kuke tlamtling cun um dawh kan si lo cu caah cun tuan deuh in zaam hi hei cu ka duh ko.

KHUASIK MANG

A thlum khuasik zing ah
Ka biangcung na hmurthlum nih
Ruah lo piin aka hlauh...
A cin mi ka biang.
a phi hnik cang..
Poi lo,
Dawtnak hleice asi;
Cun,
hi khuasik zing
Zing dang nakin,
A thaw khun...

"Aaa bua"

"Hawi ttha, hawi ttha, Uu..., tho cang hen! Na thawh tlai tuk, nang bak cu",
tiah hnoh nawn in Dawt nih ahun ka tthangh. Tuzing cu a Hakha holh ahun chuak ngai. Hakha holh hmanh aphilh dengcang rua ka tilio ah. Ka tho huam lo akik tuk rih. Mi khuate ahcun thawh tuan an tam caah thawh tlai ka lo tawn i asi. Hawi cu an tho, inn rian an ttuan hna. Kei bel cu ka chantling he kan i siang bak rih lo. A kik tuk rih fawn. Ka puan nih thawh aka thlauh fawn. Dawt tucu coka ah ka nu he an i tuai lio pi asi. Ka pa zong innleng ah a meithal a hnawt cuahmah lio. Tuchun hi khanhnawh asi lai ti phunphai in ka thei. Nain khanhnawh phunphai cu amin kai za. Zeipi ka ruat huam lo. Tuni cu ka sianghngakchia pawl camipuai an dih ve lai. An dih cun, ka rian kai lim lai va si kaw, zaanlei zeidah ka tuah hnga aw., kai ruat len... zei pipa ngai tuah ding ka thei lo.

"Ee! a tho rihlo tih, khawi titawih cang ning ". coka lei in avan au cang.

Aw! ka tho tak rih lo hme cu. Hlut tiah ka puan chungin ka hun chuak. Lekmalak pokhlet leiah. Hmaiphiah lai ka zenh ngai nain thlalang hmai ka khah deuh lo caah ticawk te ka hun banh.

"A zaw... akih ning!"

Ka hmai cin hnawh pah in coka lei ah ka hei kal. Meh atuah lio asi. Dir buin cabuai ah mehthur arak tuah cuah mah. A dirnak he hmaitonh ahkhin thlalangawng fate pakhat a um. Thlifim ahung hrang. A rian ah aruah deuh caah asi rua, thlithiang hnimh a uar tuk tawn mi ka dawt, tuzing cu arian tu ah ai phum. Meikhu he aa zi lengmang mi asam, nutung puitling ngai bangkhin a hnu leiah aa tom vecang.

Tithah hrai he a pawngah ka dir. Ka paw kai muai pah khin,

" Ka paw tam eh, na chum thlu deng maw ".

" Kal koh, na thawh tlai pi leh, hawi rian an tlai dih cang hi na thei lo ma? Nangbak cu".

A kut cin thikpah khin a hun ka siik. Ka holh ve lemlo.

" khoi na fa teh?

Biadang kai hal ter. " Zingka te'n Sung Sung nih aa puak diam kolo ma?".

"tuzing zeimeh?

ka bia hal atam chua chuah." Ngapih". " ngeh ", ka hmur ka van euh hnawh pah khin atai in kuh ka hun timh.

"tho hih, hawi riantuan lio ah", tiah ka kut a hun ka phen pah in taphram ah a tuah lio mi meh kheng he ai tthial.

" Tuni cu chunhlan lawng nan kai la silo ma"

" Mm, ziah?

" aw, tuzaan lei cu nang nih Ar tuah
law ka ti ii "

" Aa, kai manh lo tuk eh ka dua, ih caan hmanh ka ngei tilo eh. Ka fa le ca hi chek thlutuan ahau eh". Khuazei maw Khuabawi rian ai khinh bang kaimanh lo nak chim buin ka van hrang pah.

" Ziah, zei Aar dah?

tiah ka biahal nak ka hun peh. Buh bel ahnur pah khin, "Uu, nang bak cu". A bia a peh tilo.

Lukmalak ah thaithawh kan ei. Kan khim cun ka Pa cu a meithal he khanhawt nak lei ah ai thawh. ka nu nih, "khah! Tluntuan van izuam te ca; tiah ahei ti khi ka theih. Ka pa nih, "Awh! zapi he ramleng chuah ahcun tlun tuan hna cu chim khawh asi lo cuh! zapi ruahnak le hual van thu hna asi lai cu" tiah din nawn khin a hei leh. Inn leng ah Zing Tha le api an i hawh. Ka dawt cu ai tuai cuahmah. Kei, ka kutput zal tehe sianginn lei ah kai thawh ve. Khuasik zing asi. X'mas hmang dingin khualei arak tlung tuan cheu khat pawl mithmai alang pah cang. Ka nau le zong an camipuai phit tuan i zalong te um an i ngaih ngai. Ka nu nih apom lio mi kafa nute nih akut ahun ka chanh. " Papa " ahun ka ti.
Ka hni hring fenh pahkhin, "hawilaw,
ka dawt te ", tiah ka hei hnamh. Zing Tha nih "Papa, Pupu " ti athiam nak asau rih lo. A nu zong, cuti " Papa" tiah ahun ka auh caan ahkhin ahna atun tawn ve. "Nunu, Pipi" tizong thiam zau seh ti aduh tuk lai. Kum sau nawn chunmang karak manh tawn mi Sonia he chungkhar dirh hi Ka thlawlh sual lai ti ka rak phang tuk. Nain, naihrawng cu Sonia ai nuam rua lo. Kai manh lo tuk ee ti he khin inn karak lawi caan paoh ah ka tlokciar ve tawn. Sonia a holh lo. Inn lei rian ka bawmh ti lo nak a kum in asi cang lai.

Ruah lo lengin tuchun kan naule an camipuai piht atluang. An phit cia mi ca chek pah in Saya te pathum nih kan hngah hna. Nain pakhat cu ahnar pah cang. Sayamah pakhat zong innleng afa he an i tuai lenko. Kei an lakah kai chawk nain, ka thinlung cu akenkip ah vai ve. Kan khua ah private saya ttuan hi tanghra ka kai hlan in ka rak i ruah cia. Ruah lo pi ah kum hnih ka tlai. Ka thlakhat thlahlawh te cu rasen tunkhat cawk nak fangfang, khuami nih laksawng an ka tuah nain, khua le ram caah asi, ti tukhin ka thinlung a um caah ka rian kai lunghmuih khun. Dawt zong nih kai lunghmuih mi rian asi ahngalh ve caah ka thlahlawh kong achim ballo.

Ka khuaruah mi ah ka pil ngai. A luancia mi kum thumli lio i sianginn kan rak kai nak kong hrawnghrang le X'mas lai khua tlun hrawng hrang. Zing cirik, Dawn-Zaang lei tlun tluk bak khin kan rak ithawh i Lahva kuang ah cei in khuasik nih arak kan den tawn. kan zal ken ne zei maw te kan hun dolh hnukhin kan khua ahung lum. Khi tluk Lahva kuang khuasik ahkhin kan khua a hung lum hnu cun kan hirha ahei kawh khawh ning. Khual nungak hmai ah an kal ko ti kan theih bak cun kan kal kan i ranh ciammam i kan phak hna hlan lo kan dawi tawn hna. Kan far le cheukhat an tha arak ba tuk. Khuapi um kan ti cu an ke dil vialte akak dih hnik. Cu laklai ahcun sianginn ah ai ngiar pah hrulhhralh mi tlangval cheukhat lampi ah ai zuanhnawh tawk zong an rak tlawm velo. Kumthar hnu Khuapi lei i thawh arak har ning hna kha rak mak ngai ve hoi. Kan rak uai ngai ve hoi hna. Nain kei cu ka uai lemlo. Akir lei ko ka rak i ngaih khun. Sonia nih arak ka don ttheo lai ti zumh nak he Khuapi lei fuh ka tha arak nuam chuachuah.

"Saza...saza...saza "

"Aw, aa! zeihme? kan dih cang".

"A ze, zeikar ah hme, nan phit thlu maw?
" Mm, phi thlu".

Ka khuaruah nak ka nau le Camipuai dih le dih lo hmanh ka thei tilo. An zapi ngacha in an rak dih cang. Caan tlawmpal hnu ahkhin darkhing an hun tum. Inn lengkhin kan nau le authawng athang. Innhmai ah an zapi an hun i dingtlar i Saya pakhat nih X'mas caan chungah zoh dawh tein tthut um nak kong le sianginn hun tthan nak kong a hun thanh hna.Cu dih cun an zapi,

" Lawi!"

tiah an au i a zaal hlirh buin inn lei an panh cio hna. Zungkhan ah memu phomh kan hun ei ta. Memu ei pah ah tukum X'mas tuah nak kong he biasawng kan hun tlawrh ta hna. Kan ei dih cun hnathiang in inn lei ah kan lawi cio.

Inn ah Dawt lawng arak i tuai cuah mah. Kan rak i umh lio i a maw le nih laksawng ( lehphuaih ) akan pek mi
chantling khuh le Ihphah khuh, bantlang ah arak zar cuahmah. Kai put mi ka zal cu innleng thutdan cungah ka hei thui.

"Kulung"

" Na umtu hih, nau na tthang la lo ma?". a van ka hro nawn. Innchung ah athlim mi Zing Tha atap.

" Na tthangh tak cang khah"

Puanphen in aka meet nawn hnu ahkhin ka zal le ka cauk cheukhat aa thek mi ahun char hna. Kan ihnak khandal ah amah telawng ai thal i attap mi Zing Tha lei ah kan hei lut. Nau lem a thiam lo tak mi ka holh hak piin nau cu ka van hawh len.

" Nunu, ngam seh, ngam seh. Apa nih maw aw, kung! tiah an tthangh. hawilaw, kafa... " hnuk dinh pah in nute cu ahun lem.

" Dawt, ka nu teh? Thlalang bih pah in ka van hal.

" Ee! ka philh deng tak cang khah. Kanu dum ah akal. Veimu Hawittha, na thil i thleng zok law, Aar cu nang nih na tuah to ahau ko. Ka nu nih muuh, tuzing ar hren ka philh i, a thah fawi deuh ding Arkhong le Arpi sen kha rak tuah te seh an ti tak kha., Khah! a tuan tilo hih, i tim zok kun! ".

Ka thawpi chuah pah khin, " hawkhe ". Ka thil kaa thleng dih. Chai le tthaitholh he ka chuak. Archaih ahcun athiam lo cem ka si la. Innpa hngakchia pawl he thingtan le lungtum bawm in kan dum hna hnu ah awk awk fak fak in kan tlaih khawh hna. Kai buai sek. Kan coka mei akhu dom. Dawt zong holh lo tein abuai ve. Ka nu zong dum in arak tlungtuan. Nau zun ek fimtawl ah ai za khim ve. Ka pa zong tuan deuh ah a hung tlung kho. An hual attha. Saza bak an van kah. Upa vo ah tiah achungzaang
an hun phurh ter. Lungthu keem in
in an hnawh. aithing an hun ttamh. Anthur kawksen an hun ttoh colh. An cawi lai ah hamhhuai le zeimaw an hun thlak. tuzaan lei cu Kan tappi ai manh lo ngai .

Muilai a si cang. Arfi zong an kai atuan. Rawl akan hrawng ding kan chungkhat le Pastor te zong kan inn an hun panh cio hna. kan terual ngai hrim. voidang rawlhrawn kawh ahcun zaanriah ei dih hnu ah pumh nak kan tuah tawn. Tuzaan lei tucu ei lai tu ah thlacam nak kan tuah.Tuzaan kan inn pumh asi ka philh dep hoi! Rawl ei nak an ser chungah kan pumh nak tawite an hun thawk. " Chungkhar dawtnak um ahcun, zeizong te a nuam", timi hla kha a Bass lawngte ti awk in kan sa hna. Chairman thiah hau loin Pastor nih a van thawk cawlh ko. Amah belte a Bible cangthim mi Deuteronomy chung thit umh nak kong hna kha ai tel. Biatawi chim nak ahun ngeita.

"Nan nih chung hi mi van tha bak nan si. Pathian nih an dawt tuk hna. December thla chuak hi hngar awk an si"... avan tibak ahkhin ka lung ahung pem. Elaw! cu ka thin, Ka fanu chuah cam hmanh ka theih tilo hi, aka molh tak ko rawh hi teh.

Tuni hin Zing Tha, kum hnih atlin asi. Ka lu kai kheuh pah khin Pastor pa bia ka hun ngai than. Cun, tuzaan ah nan hun kemh chih mi Saya Leng te nupa tthit-umh nak camtuak , avan ti bak ahkhin ka lau tuk!

Elaw..., Cu ka thin! Ka dawt. Ka palh tuk. ka lung ahung pem. Zei khua hme ka ruah tawn le hitluk hin ka mawlh. Hi innchungkhar dirh nak dingah ahram lawng karak dirh i keimah lila nih ka philh hi...Ka dawt, ka ngaithiam mu.

Dai zirziar tein ai pom mi nufa hna ka zoh hna ah ka thinlung ai chir cikcek. Pastor pa bia ka hun ngai tthan.

" Innchungkhar kip kan i zoh cio tikah hin, i tthit i laak hnu hnu ahcun, Kan nupi lele kan va le cio hi kan hram te ah an um na koko in kan philh theo tawn hna. Cu nihcun, Dawtnak ahnawl a hnawl ter a hnawl ter i adonghnak ahcun a philh in kan i philh tawn. I thit-umh ni thengmang te ah a camtuak kan tuah khawh lo hmanh ah, kumkhat voikhat tal chungkhar dirh ni hun thar ter tthan le hun theih tthan nak tuah nak hin, Nu le va karlak i dawtnak a hram tuk athlak ter i, i dawtnak afek khun. Tuzaan i nan thil tuah hi cawn awk atlak i lawmh zong a phu tak tak. Hi pin lei zongah bi tetal in pehzulh khawh i zuam cio hna usihlaw, tiah " abia ahun peh.

Ka chung le hmai ka khah hna lo zong khat. Ka nu thlacam cah mi ko nih a ka phuhrun ter chin.

" Bawipa attha! nihin tiang kan nih innchung khar, dam nak he akan hruai lawng siloin thluachuah lian ngan fanu rosung zong akan chap rih. Nizaan tih ni ahkhan ZingZing nu hehin kan chungkhar kong bianuam kan hei iruah. Cuticun bialam ah Pathian nih tthit-umh nak caah akhua khan nak kong khi kan hei i ceih len. Cunih ka lung aka pemter micu, innchungkhar dirh ni camtuak tuah kong hi asi. Kan fale hi mino an si. An i daw ko rua kan ti lio ahkhin micheukhat cu bia zumhar pakhat ruangah ai ilh khiak tawn. Cu caah ahcun kan fale caah hin dawtnak tharchuah tthan nak ah Pathian sin ah thlacam cah kan duh hna. Cun, "

zei dangdang thlacam cah nakin a bia ahun peh. Kan zapi thla kan cam hna.
Thlacam kar ah zaanriah an rak ser dih.

Kan hmai ah aa hung mi zaan riah kan purh pah khin rawl aa khaih cuahmah mi nufa hna ka hei zoh lengmang hna. Kai phuhrun tukah khin ka ka hmanh athaw leilo. Tuzaan zeibia in ah Dawt ka hnemh lai, timi bia i ruat bu khin rawl ka pur.

Kan rawl ei chungah pumh arak i thawh mi mecheu an hung lut manh cang hna." Khua hnuai te dawng, tulawng maw nan ei " tiah an van kan capo pah khin Innpi leiah an lut hna. Kan i fimtawl dih ahkhin cun mi an hung chuak phutmat cang hna. Khuang tum thawng le X'mas hla nih kan inn a hun tlirh. Tuzaan kan inn pumh cu kai ziak set lo. Leiba liang ngan ka ngei, timi ruahnak nih ka thinlung aka khuh deuh. Pumh dih hnu, kan inn a kin hnu tiang hmanh kai ziak hrim lo.

Atlai cang. Ih aza. kanu le Zing Tha an i awi. ka pa a it tuan. kan nih pahnih, thutdan le zeimaw kan hun fim.

" Hawittha, Ka thil zaar mi kha van luh ta ko hen nang" . tiah hnawm kuih pah khin a van ka fial.

Thlapa nih a ceuh mi kan innleng ah caan tlawmpal ka dir ta. Arfi hna zong thlapa ceu bawmh awk ah hmun kip in an rak lek cio hna. Tualpar ah ka hei chuak deuh. Faak piin van ka cau. Tuzaan ka thilton cu ka lung aka suk tuk. Dawt sin ah ngaihthiam hal nak dingah ka biafang hna nih an thlinh lo. Zeitin, Dawt sin biahram ka dawmh lai. Kaa put mi thilpuan he tualpar ah ka dir.

Hei! ra lut cang hen. zeidah na zoh? atlai cang hi". Innka ah alu manh buin ahun ka auh hnu lawngah khin ka lung afim. Asam fimtawl pahkhin innleng leiah arak chuak. kutphiar angkilum banfual chungah akut athuh. Kaa put mi thilpuan ka bah hnu ah

" A tlai rih lo, rak ra rih hmanh Dawt"

" Mmmm, ka mit a kuuu, a bababa".

A angki banfual chungah athuh mi akut chuah in aka ahun i aka huh/bengh pah. Keimah lei ah aa hnoh nawn mi lamkal he a ka naih thluahmah. Ka mirh kho na loin ka van mirh ta. Ka za ka zo hnu ahkhin ka ttang cungah ahun i bek dingin ka hun sawm. A mirh bukhin,

"Cu thluhthalh cu" tiah a lu alei . Faak piin ka za ka zo tthan. Ka hmaizoh
bu khin ka ttang ah ahunbi beek hnu ah,

"A tlai rih lo, lomei". Din tein ka chim
Ka liang he aa zawn mi thlapa azoh bu khin,

Zei cu hen?. A nem mi ka ban tha rengh buin ka hun rehchih.

"Mmmh, a faak". Aa chang. Cun, ka reh chin chin hnu ah, A hleice dawtnak in a hmur ah ka hnamh. A holh lo. A ning azak nain kai theihter lo.

"Sonia"

A hna hram in ka auh. A pum ningpi in duk alau. Hi min in ka auh tilo nak kumkhua in asi cang.

"Hmmm", A lu asuk. A lusuk ning a hmaan theng lo.

" Ka tlai rihlo tiko".

" zei hen? ih pei atlai cang kan ti ko cu ".

" Siloh, na tlai rih lo ti ta kun "

" Sile bia kan hal ta lai, ziah naihrawng hi voidang he nai lawh lo. kan hua pah deng hi awh. a reng reng ah ziah Nute chuahcam hi na philh khawh. Cupin ah Kan i umh nak camtuak na philh mi zonghi ka khuaruah na har ".

Ka ningzah ning hi khuk i bil i ngaihthiam hal bak ka duh. Ka ban kar te khin a kut ahun khumh hnu ah ka keng lei ah akut ahun sih.

" Ka ngaithiam mu dawt". A tai khin faak piin ka hun kuh.

" Uu, na tlai lo ee ". A mirh bukhin ka keng ahun ka muai.

" Ka tlai tuk rua tiah na ruah lio caan khi na tuanh bik lio caan asi, lomei?
na tlai lo hawittha".

Kan pahnih in kan dai. kan pawngkam zong adai. Ka dir ning ka sia kai remh hnu ah. faak piin ka hun reh.

" Dawt "

" Chim ". Ka liang ah akhabe ahun chiah pahkhin,

" Kan Duh tuk".

"Ssh, Uu...Hngakchia kan si tilo. A pum in a hun ka en nawn. Ka bia ka peh tthan.

" Cun, umm ti ta ".Din madik te, a khuh aw khin,

"Umm"

"Kan dawt tuk"

" Ka Uu te aw, ziah hen mah bia cu tuzaan ahcun naka chimh i? Na ka dawt tuk ka theih ruang, cun Sonia zongnih midang nakin kan dawt bik ruangah da kaw nihin tiang na pawng te ah ka um peng hi. Uu, Kan dawt tuk ve ko".

A ngaknut lio bialeh dan te bakkhin avan ka leh tthan. Nain keimah tu ka ning azak chinchin.

" Dawt, ka ngaithiam muh. Ka palh tuk" . A biang ah a tla mi asam hna siam pah khin ka chim.

" Tuzaan Pastor le kanu bia lebang kha cu keimah hlah maw a ka chalh hnik rua ka ti ko lo maw? Veimu Dawt..., ka ruat thiam ko mu. Vawlei cungah hin keimah lawng minung ah kaaruah caan atam pi. Cu nih cun, nangmah le ka innchungkhar athlum hnga tluk in athlum ter kho lo. keimah palh si mu ". Ka dang aka khar pah. Zei dang bia hun char in hun hnemh ka thiam ti lo.

Thlapa nih aven mi rilipi bang amit ah mitthli fim tete an hung i dil. Kei zong, hi bia ka chim hlan in ka zia kai huat nak le kai uah nak vialte hna, i chir nak mitthli ah an hun cang hna. A dang akhar buin aka ahun an nain aa sum tthan. Faak piin kan i kup. Caan tampi cu Kan dawt ti kachim ko bu ah, ka bia hna hi thlicung bia vaivuan an si caan a tam pi tak tak. Ka pawng te ah dai tein kan chuangkhar nunnak zalam aa hrawm mi Sonia, ka philh ttheo tawn. Ka sinning kaa hua tuk! Sonia, ka zaang afak tuk. Kai chir ti pin ah biadang ka ngei tilo. A mitthli hai bu in avan mirh ta hnu ahkhin a chuak kho lo mi a aw avan remh. Aa zawn lomi ka angki kep siam pah khin,

"Vei mu, Hawittha., Nangmah lawng na palh thlu lo. keizong ka palh ve lomei. Minung cu kan der nak zawn cio a um i, a bik in Nu le Va kan kar ah hi te hi abia pi tuk. Ka lu in ka phurh khawh lo mi thil kha nang nih na liang in, Na liang nih ai hnek khawh lo mi kha kei nih ka phei in. Cuticun kan chungkhar zaang adam lai. Nangzong na bialawng siloin na tuahser nak in kan chungkhar kan lumh sat law. Zeitik hmanh ah na pawng teah kan um peng ko ti hi philh hlah mu. Uu, kan nu le kan pa an upa cang. Siarem tein le lung nuam tein kan chungkhar kan kan feh ter awk pei asi cu. Um ta rih! kan biakam te kha na philh lo lomei? chungkhar nuam kan ser lai kan timi kha...

Zaan khua tlai hnu ah kan tualpar in Dawtnak kan lumsat ter sin, Thlapa zong firuk hna he tlanglet ah an i thawn hna. Bantlang ah ai zar mi puan luh pah in innchung lei ah kan lut tthan. Zing Tha zong api le sin in a nu nih a hun cawi luahmah. Chun nilin nih arim athawt ter tthan mi kan ihphah khuh le kan chan tling cungah Kan nu pa farual tein merem kan thawk. Kaa hngilh lai te ah huamsam tein ka lu ka cawi. Kan karlak ah aa hngilh mi Zing Tha, a cal ah ka hnamh.

Tuzaan cu kadawt zong aa dawh khun tthan. A biangki nem cungah ka hmur ka hun chiah sin... Kan sianginn Devotion darkhing nih a ka hlauh.

Get up... get up!

" Tho zok! tuzing nangmah chairperson na si khah".

Haaa! Um tarih tunai cu! ka mit kaa hnuai. Zeihmanh ka hmu lo. Ka pawngah puvom bang kawi Luai tu arak i thal.

Aw!, tuzing ka mang., A luan cia kum nga lio, a kik bik December zaan ah chungkhar ser karak sawm mi Sonia... Khuasik mang he na rak ka leng mu. A tu cu, Van kil deng ah chungkhar nuam aser nak asau cang an in ti. Aw... Caan nih afenh i ka philh hnga cang mi, Sonia he kan rak manh tawn mi Kan chunmang kha Khuasik mang lawngah manh khawh asi cang. Thangh siang ti loin manh ka duh hringhran hi Khuasik Mang.

Lengkawite
Yangon
1/12/2015