Bible Code Part (3) BIBLE CODE A RAK I PHUM NING

Even, Lian Hlun

Dear Unau Hna,

A rel huammi hna caah BIBLE CODE kong ka vawn peh tthan. Hi ka vawn thlah tawn mi hi, ka si khawh tawk tein ka rel vemi chungin a cheuchum te ka vawn leh mi cu seherh bia ah ka vawn thil mi a si.

BIBLE CODE A RAK I PHUM NING

Scientist-hna nih computer hmang i Bible code an ruah-khahnak in an ni ruahcia lo mi thil tampi an hmuh chap. An rak ttial lio caan Vawlei mi hna nih hngalh phak lo, a hnu i a rak um chawmmi nih a hrin mi-Vawlei history i a min a lang deuhdeuh mi hna i an min hna cu a hlan lio piin nai te tiang khan tampi an hmuh hna. Mah hna kong kan chim hlan deuh ah Bible chung bia ithuat ning hi vawn cuan hmaisa hna u sih.

                (1) A hmaisabik ah Genesis 1:1 bia i Hebru cafang a rak ithuat ning in thok u sih law, biafang hmaisabik ' A hramthawk ah..."(Bereshith) timi iTav cafang i relin  cafang 49 lawnh in 50 nak kha kan lak diahmah  hna ah cun Torah (Nawlbia cauk) timi hi a rak chuak ko.

                (2) Bible cauk pahnihnak Exodus an vawn rel tthan ahcun cinken awk tlak ngai a simi an vawn hmuh tthan i, cafang(Tav) a um hmai sa bik in 50 nak paoh kha la tthan in Torah timi min ttheu kha a rak chuak tthan. (3) Leviticus hramthawk lei tu ahcun'Torah' ti mi min cu an hmu lo i, a canai ah'Pathian' timi min (HaShem,Heb. 'The Name')ti mi cu cafang pariat dan thliahmah tu ah a rak um.

                (4)&(5) Numbers le Deuteronomy cauk hram thawk lei an vawn zoh tthan i,'Torah' timi code a rak um veve timi kha scientist-hna nih cun an vawn hmuh tthan hawi. Numbers cauk chungah cun Torah timi hi cafang 50 dan ah abingtelet i rel ding phun in a rak um. Cubantuk tthiam cun Deuteronomy cauk chung i Torah timi zawng hi abingtelet i rel ding phun in a um i; cafang 49 dan ah a si. Mah kawng i, i cinken awk tlak ngai mi cu; hi ka dal i a cang nganak thengte i a rak um mi hi a si. Cu nih cun Torah hi 'Cauk panga' a si ning hmel chunnak si dawh a rak si.

                Mathematician hna nih cun, hi bantuk i Bible cauk hmaisa panga hna zawng ah dal hmaisa lei paoh i Torah timi min a rak i phum mi hi a si sualmi a si khawh lo ning an chimning cu: 'a si khawh lonak chance nuai thumah a si khawhnak lei nih chance khat a co khawh ve ceu lawng khi a si an ti'. (1/3000000). A fawinak bik i kan chim a si ahcun, hitluk i ahar mi thil a si mi tlamtling tuk i secret code i a rak i phum mi hi a tuahtu um lo in, a si sual mi, ti sual mi a si kho hrimhrim lo tinak khi a si ko.

                 Bible ca a cawngmi hna nihcun, nambar 50 nih hin Bible ca chungah biapit ngainak a nei timi hi thei loin an um lai lo. Tahchunhnak ah, kum 50 hi Jubilee kum a si i, hi kum 50 nak ah hin Pathian nih Israel mi hna cu an sal hna chuah ding le an leiba zawng ngaithiam dingin a ti hna. Cupinah hi Nawlbia Cauk Torah thengte zawng hi Israel hna nih Izipt ram an chuah takin a ni 50 nak ah Sinai tlang cungah Pathian nih a pek mi a si. Cucaah Torah hi ni 50 nak i pek a si bantukin hi min i phum ning zawng hi cafang 50 nak thliahmah ah a rak si. Hibantuk thil sullam thukpi a nei mi bia a rak phumtu fimning hi an thil hmuhmi nih hin a fianter chin lengmang i; hi ruangah hin pei  mihrut hna zawng nih kan rah hngalhthiam pi ve hna nak hi a si cu.BIBLE CODE AH EDEN DUM KONG
peh tthan dingmi
Lian Hlun(meme Pa)

Na Hawi Le Sin Ah Share Ve!

• Tweet
• Share
• Share
• Share
• Share