Bible Code 6nk Yitzchak Rabin-le Yassir Arafat kha

Even, Lian Hlun

Dear all, 

              A rel huammi hna caah seherhnak he ka vawn peh tthan hawi.

Yitzchak Rabin-le Yassir Arafat kha

             Tu le meheh kawm khat ah khumhchih bang ai doh peng mi, Israel le Palestinian-hna karlak i cikhatte i remnak a rah um khawhnak kha ruahchannak nih a phak ve lo mi thil a si ve. A hlan deuhvak i White House tualrawn i iremnak bia an ttial lio i, Palestinian hotupa Yassir Arafat-nih Israel Prime Minister Yitzchak Rabin-lungtholo ngai in a um lio i kutthlai ding i a va banh lio hna kha; Vawlei pumpi minung makdaduai tampi hna nih an rak cawnh hna kha mu. Kha thilri arak phan mi kha kum 3500 hrawng a si cangmi ah khan Moses cauk Torah-ah secret code bangin a rak i phum diam ko!(Moses fimnak in ttialmi a si lo ning fiantertu zawng a si cawlh).

             

              Israel mithiam Dr. Moshe Katz-nih cun a cauk ttialmi Computorah-Hidden Codes in the Torah-ah Genesis 32:23-26 chungah hin Arafat-le Rabin-min hna hi a hmuh ning kong a ttial. A rak i ttial ning khuaruahhar a si mi cu-Arafat nih Rabin kut a thin(Arafat shook the hand of Rabin)ti a si. Arafat-min le'kut a thin'timi hi Genesis 32:26-ah cafang 12-nak thliahmak ah a khirh lei in a rak i chia i; Rabin min hi Genesis 32:26 ah cafang pariatnak thliahmah ah khan a rak um tthan. Hi kazawn i bia cahmi a pawi ngai mi cu,'remnak taktak a tling lo' timi bia hi Genesis.32:19 in cafang 196 nak thliahmah ah khan rel khawh in a rak i tlar diahmah hawi ko!

              

              Rabin min hi Torah uk dang(Genesis si lo in)a langh ning ahcun'fater'ti hna,hotu,ti hna le'Israel'timi bia hna he hin an rak um tti hna. Rabin kha Israel ram i a chuak bak mi hna lakah prime minister hmaisabik a si. Hi biathli-thup a rak i phum mi hna lak ah thinhun awk atlak ngai mi cu, tongmang loin Yitzchak Rabin thi lakin kah a si mi hi a si. Kha ti i thilaki kah a vawn si ko ahcun, Rabin min pawng hrawngah biathli phum mi dang a um hnga lo maw? ti i scientist-hna nih an vawn kawl ah khan, Deuteronomy 2:33 in i thok in cafang 4772 dan ta hna kha vawn la hna in 'Yitzchak Rabin-ti mi min cu computer nih cun a vawn hmuh phawt i, hi pin ah hin, a hmu tu hna thin lauter ngai tu bia 'thi lakin kah a si lai' ti mi bia hi an hmuh tthan hawi ko. Hibantuk i chimchung khawhnak a thuk tukmi, Bible ttialmi phen i a rak i phum khawh ning ah hin cunglei fimnak hmang i ttialmi a si ning hi hngalh lo khawh loin a langhter ko.

              A tu le bang ahcun Israel ram le vawlei pumpi i a kawl-hawl tu hna sin in biathli-thup hi nichiar in a thar hi an hmuhchap lengmang. A zum kho lo tu hna ca zawngah duhtikcaan paohah duh duh i(check) ve khawh dingin computer programme an tuah ciami in Torah chung i code a um mi hna hi IBM-compatible le Macintosh for mat-ah an tuah-ser cang i, a duhmi hna caah cun cawk khawh cawlh dingin a um peng ko cang. Hi thil ai phum mi biaphuan-biacah hna hi ruaphak lo tiangin a thuk mi si ko hmanh seh, hi hna nak hmanhin khuaruahhar a si deuh rih mi kan nunlung ah nunduhdim an kan pe kho tu, Pathian BAWI Jesuh min a lianngan tuk mi hi Biakam Hlun pumpi ah hin a rak i phah dih ko cu teh! Mah cu kongkau tu cu duhsah deuh in ka vawn peh tthan te lai.

Krih ah santlailo bik mi

Lian Hlun ( Meme Pa )

Na Hawi Le Sin Ah Share Ve!

• Tweet
• Share
• Share
• Share
• Share