Bible Code 5nk Izipt President Anwar Sadat

Even, Lian Hlun

Dear all,

           A relhuam mi hna caah Bible code kong ka vawn peh tthan. Bible Pathian bia hna hi zumh awk tlak; Pathian nih a thaw a chuah hnawhmi lunghrinh awk um lo mi, a si zia kan pawm khawhnak hnga tiin, seherh bia ah ka vawn leh chawm in ka vawn thlah mi a si.

Izipt President Anwar Sadat:

           

           Bible code an hmuh thar mi nih a langhter mi hna lakah cinken tlak ngai a si tthan hawi mi cu Anwar Sadat-hi a si. Naite minung a si ttung mi, kum thawngthum hrawng a liam cang mi lio i Bible ttialtu hna nih code lei ah hi pa min an rak phum chih ve ko mi hi a menmai lo mi a si. Sadat min hi a mah a thattu Moslem Brotherhood bu hruaitu min he secret code leiah cun i naih tein an rak um tti i, cu cafang ai peh thliahmah mi ahcun an thah kum le ni, October 6, 1981 kha a rak lang chih. Cupinah'president' ti mi hna,'meithal in kah mi' timi hna,'lainawng' timi biafang hna zawng, cu ka zawn i Bible cafang phen ah cun an rak i phum chih len hna. Cu lawng hmanh cu si lo in, Hebru hawlh i ralkap laam(parade) ti mi hna tiang in rel khawh ding in a pawng tete ahcun an rak i phum chih hna. Nan theih bantukin President Anwar Sadat cu 1981 kum i ralkap parade a zoh lio ah thi lak in kah a si kha mu.

Adolph Hitler, Nazi, Death camp:

          Bible code i a lang ve ttung mi, i lun awk ah a har ngai mi khuaruahhar an hmuh tthan mi cu Hitlera min hna, Nazi ti mi hna le Death Camp' timi hna hmun khat teah an rak um tthi mi hi a si. A rak umnak Deuteronomy hi lai Baible tal in, rak i zohsek len ve hna hnik u sih mu:- Zeitintiah Bawipa nan Pathian cu pathian hna Pathian le bawi hna Bawi, a lianngan i a tthawng i ttih a nungmi Pathian, duhdanh a ngei lo i ziknawh a la lomi a si. Pangeilo le nuhmei cu ding tein a ceihpiak hna i, mipem kha a dawt i rawl le hnipuan a pek. Cucaah mipem kha daw u, zeitintiah nannih kha Izipt ram ah mipem nan rak si. Bawipa na Pathian cu na ttih lai: a rian na ttuan lai i amah ah naa bek lai i amah min chalh in chiat na ser lai. Amah cu na Pathian, hi thil lianngan le thil ttihnung hna, na mit nih an hmuhmi, a tuahtu hi a si. Na pupa hna nih Izipt ram ah an vung kal tikah sawmsarih an si; atu ah cun Bawipa na Pathian nih van arfi zat in nan tam leiah an ser cang hna. Deuteronomy 10:17-22.

          Hebru i a rak i ttial ning in khi Cathiang chungah khin cafang 22 dan thliahmah ah 'Hitler' ti i ttial mi cu a rak um ko. Mirang Bible le Lai Bible hna hi cu lehchawmmi a si cang caah hin cubantuk code bia cu a um kho ve lo timi hi i cinken hna u sih law; a hramthok i Biakam Hlun ttialnak Hebru le Biakam Thar lei i Grik hawl  lawngah code biacah hi a um kho mi a si.

           Khi caang langhter mi chung tthiam ah khin Hebru cafang bet timi umnak hmadung bik changtu in kehlei in vorhlei ah cafang 13 nak an vawn lak diahmah ah khan an ruah khawh leng thil- "b'yam marah Auschwitz," timi hi a rak chuak i, a sullam cu' Auschwitz a kha tukmi tipi cu,' tinak a si. Cu ka i vawn i thok in cafang 13 nak an vawn phak i resh timi cafang in, kehlei kapin vorhlei hawih in cafang 22 nak an vawn phak cun, khuaruah khawhnak saubik a nei mi hmanh nih an ruah khawh lo mi le an zumh cia lo bik mi, Judah hna ral ngan bik a si mi'HITLER' min cu a hawng chuak hlut ko! Hitler cu Pathian thimmi Judah miphun hna ancihmih tim i Auschwitz le Concentration Camp hmun dang dang in Judah mi Nuairuk 6000000 tuksapur in a that tu hna kha a si i, a min vawn chim hrimhrim hmanh hi Judah mi hna thin hunnak meialh ternak a si. Hi Deuteronomy tawite chungah hin, hitler min umnak pawng teah Auschwitz timi pin ah hin, concentration camp dang min 'Belsen' ti mi zawng a lang chih. Hitler khuapi 'Berlin' ti mi zawng fiang tein a lang ve.

            Deuteronomy 33:16-ah hin 'Nazi cihmihnak'(Nazi Holocaust) timi bia thup an hmuh i Hebru cafang mem timi in i thokin cafang 246 nak tete kha an vawn laktik ahcun   "Melek Natzim" timi bia a rah chuak i, cu cu'Nazi Bawipa' tinak a si. Hi caang tthiam ah hin biathlithup a phuan mi cu Nazi Germany a ttawn lainak a chim: 'kemi bait rat' (misual pa a hrang lai) tiin.

            Hi thil an hmuhmi hna hi a fiangngai cang ko nain thil dang a rak um tthiam rih. Deuteronomy 32:52-ah cun Nazi kong hitihin a chim tthan i, hi caang i aleph timi cafang umnak hmaisabik in vorhlei kap thliahmah kha vawn rel in cafang 670-nak tete kha an vawn lak tik ahcun reseacher-hna nihcun"Aik'man" timi min hi an hmuh tthan i; hi hi Hebru hna nih'Eichmann' min an chim ning a si. Adolph Eichmann-kha Nazi hruaitu hna lakah a sual bikmi le Judah hna cihmihnak concentration camp i a cawlcaang bik mi kha a si i; Hitler- le Eichmann- hna hi Vulei cung i lainawng tu hna lakah rumra a ngei bikmi an si.

             Nazi Germany kong i bia a rak i thup mi hna cu Deuteronomy 33:21-ah hin a dong i, a donghnak biacah mi hna cu a menmai lo ngai. Hi caang i 'Israel' timi biafang i resh timi i vawn i thok in a cawngmi hna nihcun a hmai lei in cafang 22-nak lengmang an rel tik ah, bia ngaihchia ngai a si mi, Nazi hna sin in Judah mipi hna nih an tem tuar ning cu"re 'tzach alm" tiah a rak i ttial i, asullam cu: 'mipi nih lainawnnak, tiin an au'tinak a rak si. Grant Jeffreya' nih hi kongah hin," Pathian thimmi miphun hna cungah ttih a nungmi rawhralnak(Nazi Holocaust) kong hi Bible nih hin zeicadah a chim chung ve hnga lo"tiin bia halnak ka tawng tawn i; a tuahcun Bible code nih a chim bang hin hi cihmihnak tuksapur a si mi hi Pathian nih code hmangin a rak hrelhsual hrimhrim lo ti mi kha ka fiang cang,' a ti.

Na Hawi Le Sin Ah Share Ve!

• Tweet
• Share
• Share
• Share
• Share