Bible Code 4 EDEN DUM.

Even, Lian Hlun

Dear all, 

            A relhuammi hna caah Bible code chung i Eden Dum kong a rak i phummi kong ka vawn thlah tthan.

EDEN DUM.
            Hngakcia biahalnak si dawh ngai i ruah khawh mi cu,"Eden Dum chung ah khan zeibantuk thingthei hna dah a um hnga?" timi hi a si. Bible code ah cun khalio thingthei min hna kha a rak i phum len ko. Genesis 1:29 ah, "nan ei awk caah thlai phun kip le thei phun kip kan pek hna..." a timi bia in i thokin, Genesis 2:16-17 bia, "Mi pa cu a thawh i, Dum chung i a ummi thingkung vialte hi an thei na ei dih ko hna lai, sihmanhsehlaw a ttha le a ttha lo hngalhnak pe khotu thingkung a tlai hi cu na ei lai lo. Cu thingthei cu na ei hrimhrim lai lo. Na ei ahcun, na ei ni hrimhrim ah na thi lai." timi bia kar lak ah hin, Israel ram i ei miphun thingthei min paohpaoh cu code-cafang in a rak i phum dih cikcek! cu hna lak ahcun barley, wheat, vine, date, olive, fig le pomegranate hna ai tel).

           

            Genesis 2:4-10 karlak bia tawite, Hebru cafang 379 lawng umnak hi Eden Dum kawng chimnak a si i, a cauk chung zawngah hin "Eden" timi hi vawi hnih lawng a um ti kha kan theih. Sihmanhsehlaw a code lei tu ah cun hi ka caang tawite chungah hin Eden timi hi hmun 16 ah a rak i phum cu teh! A si sual mi a si khawh lonak sangkhat ah, a si khawh venak chance khat ceute lawng khi a um(1/10000).

            

            I cinken awk tlak dang cu Eden Dum kong chimnak tthiam, Genesis 2 chung lawng ah hin Hebru hawlh i thing min phun dang 25 a rak i phum timi scientist-hna nih hin an hmuh chih. Mithiam hna nih an ruah tikah Genesis 2 chung i Hebru hawl i thingmin hi zatzat a rak i phum mi hi a si sualmi a si khawh lonak singkhat ah a si khawh venak pakhat(1/100000)ceute lawng a um ve an ti. A um loh ti tluk khi a si ko.

            Mathematician- hna le computer statistician-hna hmuh ning in hi bantuk i bia ai thupmi sullam thukpi a nei ttung mi tenh mi hi a si sual mi a si kho hrimhrim lo i; mifim bik bik hna zawng nih an mah ruahning le fimnak hmangin chettiah ti hmanh hna seh law, bia lianngan pipi ttial bu in, a phen i bia thup bia thli a karlak i khat te i rak tenh chih ttung cu a si in a si kho hringhran loh. A rak um khoh ve ning a um chun cu fimnak dongh a nei lo mi Pathian nih ttial ding i a theihter mi paohpaoh moses nih a rak record ko kha a si ko. Hi nih hin a biafang le a cafang hna cu khawzei zawn i hman ding dah a si timi le sullam nei i an ni tenh khawhnak hnga a hngal chung dih tu nunlung chungin a rak chuak i a rak um mi a si ti kha a fian ter ko an ti.

Peh tthan te ding mi hna

Izipt President Anwar Sadat

Adolph Hitler, Nazi, Death camp 

Yitzchak Rabin-le Yassir Arafat

Judah mifim thiam 34 hna

Lian Hlun( Meme Pa)

Na Hawi Le Sin Ah Share Ve!

• Tweet
• Share
• Share
• Share
• Share