 |
| Evan Rual Uk |
ZEI SET DAH KAN I ÊL LAI?
Pathian pakhat ah Mi pathum Pa, Fapa le Thiang Thlarau kong fb ah ka țialmi a rel i like le commen a tuahtu u le nau vialte hna nan cațialmi ka rel tikah Salai Samuel he kan i êl ding hi zei set dah a si tiah a hngaltu zong nan um bangin a hngal lotu tam deuh dawh nan si. Cucaah fianter a herh ko tiah ka ruah.
Cathiang nih a chim bangin Pathian pakhat lawng a um ti hi za ah za ka zumh.
Cun
Cathiang nih a chim bangin Jesuh hi Pathian a si tiah za ah za ka zumh.
Cun
Cathiang nih a chim bangin Jesuh hi Pathian a si tiah za ah za ka zumh.
Hihi Salai Samuel zong nih a zumh ve lai tiah ruahchannâk ka ngei.
A si ah zei set dah kan i el lai?
Kan i el ding cu:-
Salai Samuel nih Pathian pakhat ah Mi pakhat lawng lawng a um. Cucu Jesuh lawng lawng hi a si tiah uk 66 a simi Cathiang hmangin a fianter lai.
Kei nih Pathian pakhat ah Mi pathum an um. Cu hna cu Pa, Fa, Thiang Thlarau an si i a dang cio in an um tiah uk 66 a simi Cathiang hmangin ka fianter lai.
Kan i el ding tak tak cu cucu a si.
Sehtan le Jesuh an i debate lio zong ah Sehtan nih Cathiang chung Sam 91:11-12 kha a lâk i Jesuh zong nih Cathiang chung Nawlpekțhânnâk (Deut) 6:16 kha a lâk ve.
A donghnâk ah Jesuh nih hmun thum ah a lâkmi Cathiang hmangin Sehtan kha a tei.
Salai Samuel nih uk 66 a simi Cathiang hmangin aka tei ah cun 'Haleluijah' ka ti te ko lai.
Cun kei nih uk 66 a simi Cathiang hmangin ka tei ah cun 'Haleluijah' ti te ko seh.
Zeicatiah Cathiang nih a teimi si cu minung caah thluachuahnâk ngan bik le duh a nung bik mi a si.
Cathiang nih a tei lomi minung si hi pei chiatserhnâk ngan bik le țih a nung bik mi a si cu.
An i hua lai! An i ral lai! Bu khat le bu khat huatnâk le ralnâk remlonâk a chuahter lai! Țhathnemnâk a chuahter lai lo tiah a titu vialte hna nan lungput chiatkhât ning le țhatloning kha nanmah tein nan langhter mi a si.
Minung caah a țha bik, a sunglawi bik le a biapi bik cu Cathiang a sining te theih le hngalh le i nunpi le i thihpi hi a si.
Relremlonâk dang a um lo ah cun hmai Zarhpi Ni (April 29) ah CACC Hall ah Pathian Biatak theih le ngaih le hmuh khawhnâk cân rem a um te lai.
Relremlonâk a um sual ahcun theihter nan si te lai.
![MS Office 2013 [ALL] Product Keys [LATEST!](https://lh3.googleusercontent.com/blogger_img_proxy/AEn0k_uLbpAHfojbz34grGJIOYa6r-E126j0rYzzR9A32ZHczacIBBfUSTO_6-9YnX5koOi869Z0ls22JRwq-4aNdkFj3zlZkUBhcPcO935rFI0aE5F9kDf1Xy5srpQ=w72-h72-p-k-no-nu)
0 Na ruahnak rak chim ve.:
Na Ruah Nak Rak Chim Ve Caah Ka lawm!