Pu, Lal Ro Mawi Nen Online In Biaruahnak

Dawn Nu Holh Capar Min zohfel sak tu, Judge nen Online in rei lote Biaruahnak
============================================================

Pu, Lal Ro Mawi Le Achung khar
Photo : Facebook

Salai Lal En Zau : In chungkua in, in damthat lio hlam a ni em? Cun, in mah pumpak leh atu lio in riantuan mi min hawn chim thei u la ka duh ngawt mei?

Pu, Lal Ro Mawi : Tv. Ma En in thahnem ngai taka biahalnak min rawn siammi cungah lawmthu ka chim duh a, a ruang cu, keimah ka chimtur leikap aimahin kan Khua Dawn hi Literature lei ah pawh hawi kan pawl ve ciah ciah mei, tih a lang a, media hmandan te kan thiam telh telh tih ka theihin kan nawmhnak a ni zual a ni. Pathian zarah kan chungkua pawh kan dam tlan lai tak a ni a, Ka riantuanmi hi Part term in Settlement Service ah rian ka tuan a, cu cu Refugee ho kanmah Kawlram mi cauh niloin Vawleicung hmuntin a tanga a lo hawngmi ho bomhchanh leh zohkhenh rian kan ti mai ang cu. Cun Settlement zung pakhat leh tho ah casual in ka tuan leh a, ka rian ber cu mipemvak ho a cunga ka chimmi minung Vawleicung hmunkip a tang a rawn lut ho Airport a lo dawngsawngtu leh an inluahtur te kawlsaktu pakhat ka ni ve mei. Cun rian karlakah Motor mongh (Driving Instructor) rian pawh ka tuan pah.

Salai Lal En Zau : Tu ttum Dawn Hnahthlak zongzong in Dawn Nu Holh(Article) ttialzuamnak ah hin, tlawm ngaih chuah in (Judge) mi in hawn ttuanpiaknak cungah lawmthu ka chim hmasaduh a. Cun, kan capar he pehtlai in, in rin ai in an zuammi kan chauk ttha hnem in ti nge, in rin ai in an zuammi kan tlawm, hei kongah hin in hmuhdan min hawn chim hmasa ta u la ka duh ngawt mei?

Pu, Lal Ro Mawi : A tutan Dawn Nu Holh inzuamnak an siammi hi tha ka ti letuk a, a rawttu leh tangka thazaang a sponsortute cungah lawmthu chim hi ka bang thei lo. A ruang cu a tutan hi kan theihphak chungah Dawn Nu Holh kilvennak tur a thiltihnak a pakhatnak a ni a, makdanglam tak a a bika holh kan neihmi a hlutzia leh kilven a ngaihzia tlangaunak ropui tak a nih a vang hin a lawmawm lehzual a ni. Cun heika a kan hmuchuahmi cu kanmah tak ngial pawhin kan holh hi kan lo thei ciang mang tawhlo, tih hi a ni a, zawi te tein kan holh hi a dal tial tial a, kan biafang nalh tak takte pawh tamtak kan thlau tawh tih hi a ni. Cafang pakhat a dik ber pawh theih theihloh khawpa kan vaivonhmi ka hawn chim ta angnga. Cu cu Pa holhin TU NGE tihmi kha kan Nu Holh cun AU THLA tih a ni a, article tialtu ho hin a dang theuhin biafang an rawn hmanga, a thenin AU HLE an ti a, a thenin AU THLE an ti a, a thenin AU HLA an ti a, mi then AU LE timi pawh an um. Cuvangcun kanmah tak ngial pawhin kan holh kan in fian loh ahcun kan tlau tawh tihnak khi a ni a, hei ai nasa zawkin kan holh kilvennak ah hin tan kan lak a ngai.
Article tial inzuammi hi ka theih sualloh ahcun minung 16 vel an niin ka thei a, article tial hi a har ve em a vangin, a minung zatah hincun an tawk ve mei ka ti. Cun thil pakhat ka hmuhchuah lehmi cu Grammar hi nasa deuh hlekin kan uar a ngai, grammar hmannak a harsa deuhte, period, question mark, exclamation point, comma, semicolon, colon, dash, hyphen, parentheses, brackets, braces, apostrophe, quotation marks, leh ellipses hmandan kan thiamlo a nih pawhin bia pehtur leh pehlohtur tal hi thiam deuh ila, kan chimmi an fiang deuh ang. Cun cafang lian hmannakte hi kan thleidan thiam a pawimawh. A dongh berah cun kan holh hi kan nihnak (identity) pawimawh ber lak a pakhat a ni a, kan thlau ahcun mitlau kan ni tihnak a nih a vangin mah ninak thlaumi nih loh hram kan tum theuh dawn ni e.

Salai Lal En Zau : Judge in nihnak in hei tibantuk in, mah kokek nihnak kongah. Cu hlan kan lo tih ngai lo kan hawn titik ah hin, eng titluk ciah in nge thazaang in lak hlam ? Cun, tu article ber in nge in lu ati hei cem ce u?

Pu, Lal Ro Mawi : Minung cu chimloh uico pawhin a saruh sehmi ui dangin an chutsual ang tih phangin a hauh/ veng ngar ngar mai thin a ni a, hetianga mah nihnak (identity) venhimnak cang leh vawrhlarnak cang kan hawn thei ciah hi thatchoh leikap kan panhnak lam a ni kan ti thei ciah a ni. Eng thil pawh nise, kanmah ta a nimi reng reng hi a neituin kilven a ngai a, cutiang bawkin kan Dawn Holh kilvengtu tur cu kanmah bawk hi kan ni, thangthartein nasa lehzual a kan kilven a kan uar thar a ngai a ni. Article ti luhaitu tih zawng cun hawn thim tur leh ti luhaitu em em an um cu ka theilo nain, pumpakin ka hmuhchuahmi cu kanmah holh takngial pawh kan cianglo nasa tih hi a ni a, judge ho pawh hi kan thiam cuang lo nain, article tialtu ho lakah pawh khan cafang pakhat chim anduhnak ah khan phundang theuhin cafang an rawn hmanga, a umzia cu kan holh hi kan in fiang tawh lo a, a dik ber pawh theih har khawpin kan tlau tawh tih kha a ni a, kha khan ka lu a ti hai ber.

Salai Lal En Zau : Hei tiang ang hi kan nih Dawn Hnahthlak ho hin, hmailei ah kalpi zel hi thiltih ci ani ang ngem? Nih lo leh hei tiang thil tenau buaibainak a tlaklo e mei, engah kan in chuah canhpi taktak lo ang! Hei kongah hin in ruahnak theih ka duh mei?

Pu, Lal Ro Mawi : Hetiang thil hi thil hmetuai deuh leh engemaw mei mei a kan ngai a nih ahcun in ngaihtuah cian kan ngai hle tihnak a ni a, ka chim umzia cu atutan article tial inzuamnak hi thil mei mei leh thil hmetuai a nilo tih hi a ni. Hetiang te te a hramthawk nak cang kan thei ngawt pawh hi a lawmawm letuk a, hmailei ah pawh Pa Holh a ni emaw, Vawr hla a ni emaw, khua thanchohnak tur nen a pehtlaiin mah duhmi piang Article tial inzuamnak pawh hi um leh thei sela, a cakawm ngawt mei.

Salai Lal En Zau : Dawn Hnahthlak sin ah biacah duh mi?

Pu, Lal Ro Mawi : A donghnakah Dawn hnathlak zawng zawng sinah biacah ka duhmi cu, cahtur tamtak a um thei angnga, cu ho lakahcun ahmasa berah malsawmnak min petu Pathian philh loh, kan phak tawkah theih tawk a midangte ta a mi tangkai nih tum, thiltha leh thildik huaisen tak leh mah tuar pawh inhuam khawp a tanh ngam, a mei mei a midangte nihsawh loh te hi an ni mai.

Salai Lal En Zau : I hun hlu tak minpeknak cung ah ka lawm e.

Pu, Lal Ro Mawi : Kei poh ka lawm e.

Na Hawi Le Sin Ah Share Ve!

• Tweet
• Share
• Share
• Share
• Share