Ka sulhnu part 3

                             Ka sulhnu part 3

Romei a tam ṭio chum a chah, cherry an par lulhmalh cang tlangsam zong par a timve cang an kuhmum si lin a si, thinghnah an ṭil, khuai tizu neilo pol an vakvai bu asiktuk caah an umkho ti lo thungkua an lut, kan nihnih le khumkhat chungah kan i ngeihbik mi ni khua le caan nih a neih cuah mah cang, Christmas thil zalhah a chakthlang ah khupi te tiding khin khual chukcho an tam a tlungna a kal na cuti cun kan khua cu a lutna a chuak na ni fatin kan um cang. 

 Keizong ka nu le ka pa Mizoram, Aizawl ah Christmas thilzalh an kal ve but kedenh le jin bawngbi tluan ka caah ve hna an tlunglai ka ngeih tuk vecang kan khua cu Christmas hla nih a zelh dih cang milung an hlau zaan var in mizohla (bawngkawn pastor bial zawipawl) hna le a dangdang khuapi tecun play a si, kan khua ah hin TV tam aum lo caah tape in ngaideuh a si. 

 Kan nihzong ramriah dingin kan i timlam zingni chuak a ṭha a kalding kan i hlat hna kan umpah ial hna, rawl chum tuding ah upa deuh kan i ṭhit hna, ṭio ram ah riakding in kan i timlam hna a hum kan phan bak cun pasal ṭha deuh pol ramveih ah an i thawh hna khawika ah dah saneh nang a ṭhat hnga tiin an chuak hna kan nih mino pol nih kan riahnak ding buk kan sak hna a cheu lengkhan an kamhpah hangso tel kan awh ah an ti cu ti cun a dang le lawngah kan i ṭhek darh hna. 

 Zan lei rawl meh dingah lengkhang kan ven kan awh pah ngai zan riah hangso cu a zatko lahi kan tipah kan i zat lo sual ah tiin (rairawk) kan hrawn pah hna rairawk le ngasa cu a rak keih taktak hawi, kan pasal ṭha hna cu an van tlung cang pa khat hnu pakhat zeidah nang na kalnak lei cu a lawh, sa sulhnu a ṭha pah maw a thar maw ? pakhat hnu phat kan van i ruah pah cun zaangmar deuh pol nih rawi ei ding an rak tuah cuahmah ve, kan bia kan van tuideuh bak ah cun rawl ei a za cang ei khawh a si cang an van ti raw lei ding cun kan van i kulh ṭhup ko, mei phu viktaktak in rawl chumchuang polnih an van tuah, pu, van nih kan rawl cu pathian sin ah a van chanh, rawl ei pah cun kan van i ruah pah hna, pasal ṭha hna nih cun an ram veihnak sa neh an hmuhmi cu pa khat hnu pakhat an van chim cio hna, Pu, lian nih neh le nag a hmuh mi ṭha cemdawh a si a zan ah cun khan cu an van rel cawl thai zing ah cu kha cu a khan khat nak a um, lo a si le mah khan ah cun sazuk um lohmanh ah saza cu um tengteng la tipah in, it zai kan relpah hna, zing busik a si caah zan it ṭha ṭhi lo in zan khua cu kan dei ko hna a kik tuk caah ho hmanh ih hmu cimtein it mi cu kan um hna lo. 

 8:30 am a si cang ramvak ding cun mizo ram ah ṭio cu zing khawsik ah cun taitiang in kan van tan kan cindih hna, khan bawhtu an kal hma sa minute 20 a rauh ah khin a hnawh tu ding kan mah tel pol cu kan um nak ding cun kan kal ve, cu ticun khan cu kan van hnawt kan rak phongpi pi cu kan van cil pah zingka rawl an kawl nak kan van hmuh pah a neh ṭha taktak hi kan van tip- ah kan tui tak tak cu luk lak ah cun phong2 !!! meithal a puak cang zung thum a puak kan au a thang chin chin a tlu maw ? kan tipah kan tha a tho chinchin phong!! Tiah a puak ṭhan kan tha a tho chin chin, luk lak ah sa bawh tu um nak kan van phan cawlh zeih dah nan kah a tlu maw kan van hal hna thlang lei deuh ah a si an ti, tiva hor cun kan van zuang hna pu, van nih saza a kah le a rak nganh ai aw!! Lok bak kan ti khan hnawhtu cu kan tha a chia tuk cang a pitbak i pit mi kan cilviar si kaw. 

Loh bak pu, van cu nganh a hmang rengreng, khan hnawh tu cu an i ceih supsupthlang lei deuh kan van zuangrih hna ho dah a si zeidah ka kah pu, lian nih sazuk bak a si ka hmai ah a ra nain ka kapmanh lo a ti, pu, ceu nih ka khenmaw khen lodik a ti pah in a khak nak cu a van chimpah aa zumve pah ngai a kah nak cu an van zoh a a thi a tla ko hi na ken ko hi an van ti tha a tho deuh hlek cang, thlang deuh ah kan van zuang an rak nawlh len a thiko la kan ti ummm kan thah bak cang ko hi kan ti pu, luai a hnu cem a rak nawlhtu nih tengbak in a rak ṭhuat daite bak in a rak ṭhu ziar ko kan va phanh cun, kan van zoh cu ngengpi bak a rak si liantaktak ṭio ah kan van tholh i ṭio ah kan van can,2:00pm hrawng ah kan i manh felbak a si kan upa polnih riah rih maw nan duh tlun an van ti, mi cheu nih riah rih ding a si ko kan sa hna hi kan carpah la zan lei ah pasal ṭha pol nih variah an thlapah la le ṭha hngalo maw an van ti umm siseh tiin kan um. 

A zan hnih nak riakding cun kan i timtuah ṭhan hna kan nih cu buk ah sa carlawng rian kan nei cang rawl chumhpah in sa kan carpah hna , zan lei ah pu, Rin nih saza a kah ṭha a hmun ah a hrilh lo caah ah a thaizing zing tein pasal ṭha pol sa hliam dawiding cun an tho hna, mi cheunih rawl kan chum pah an that hnga maw cu kan tipah. Pu, Rin hi kan khua ah cun sakap ngai a sicaah kan zumpah ngai an that ko la kan ti thatho tecun rawl kan chumpah hna.

Taktak a a hmaka bak ah a rak khen bak ko hi cu ticun zan thumriak kal cu zanhnih ah sa luhnih phur in kan ramriak cu hlawhtling taktak in ṭio chum ṭian hlan ah tlungko hna usih ṭiochum ṭian hnu cu ni khu a linsa tuk la kan sa hna a nam sual la ti phang in rawl cu kan ei hna. Rawl ei khim cun mino deuh nih tamdeuh kan phurh i cu ticun kan tlung hna kan dih lak in pu, van tein ah kan i ṭhumhna pu,van i a upa cem a si caah ah an in ah kan i ṭhumhnak hi a si kan vo cio cu kan i sem ṭhen hna, tlawmpal Christmas caah a timi kan van tawngh pah tui tak tak in le hlawhtling tak in Christmas hmannak sa cu kan nei ve cang saṭawm cawk hau ti lo ti phun in hna ngam taktak in kan um hna. 

Note : (deoh) maw si (deuh ) a zeidah dik deuh ka fian lo caah mah ka ah cun deuh ka hman nak hi a si. Pehnolh ding>>>

Mipi ai awh thlakancam tik ah

“Mipi ai awh in thla kan caam tik ah” timi tlangtar in ka ṭialmi hi a thei cangmizong tampi kan um ko lai, kan theih dihmi zong a si ko. Sihmanhsehlaw mitam pinih “ka” hi kan hmanṭheo caah  ka lungcung ah a umngai caah ma ca hi ka ṭialnak a si.

Laimi cu thlacam a ṭhawngmi kan si, kan umnak hmun cio in thla a cam mi kan si, pa hnih khat kan umnak zong thla a cammi kan si, kan hawi le lung re theih nak an tawn caan zong ah i leng kai in thlacam piak hi kan nunphung kan kokek a si caah thlacam tik ah kan i ralrin a herh taktak in ka thei.

A hmaisa deuh ah BAWIPA THLACAMNAK zoh hna usih, “vancung khua i a um kan pa,” timi hi mi cheu nih cun {vancung khua I a um “mi” kan pa} mi khi kantelh tawn a um i umlomi a si caah a telh in telh ti lo dingmi asi.

A cung lei kan chimcang bantuk in laimi cu kan umnak hmun kipah thlacam mi kan si caah, kan hawi le nih lungre theih nak an tawn caan ah siseh, lawmhnak an tawn caan ah siseh, a si loah kan mah pumpak zongin kan tonzong a tampi ve, cu tik ah miza pi ai awh in thlacam an kan thiah(fial) tawn cu caah ah kan i ralrin awh ah ka timi cu KA le KAN timi hi a si miza pi ai awh thlacam mi kan siah cun KA timi hi cu hrial ah a ṭha KAN timi tu hi hmang cio hna usih law a ṭha hringhran dah.

Tahchunh nak pakhat in kan fellowship chung pumh khawmnak ah hramthawk maw a siloah thawhlawm hlan(chanh) a zei poh vasi seh zapi ai”wh in nini khat cu thlacam nak zongkan nei te la biachim relnak zong kan ngei tengteng te la cu caah cun kan i ralrin awk a si mi cu KA hmannak ding le KAN hmannak ding hi ral rin awk taktak a si, KA timinih cun a mahpumpak ca lawngah a chimduh nak a si cucaah zapi aiawh tu kan si caah tlamtlin nak a um lo.

KAN nih cun a chung i ummi kan dihlak in a huamtel dih caah ah a ṭha taktak mi a si. A si zong asi dingmi a si cu caah ah cun mipi aiawh tukan si nak khan KAN timi hi kan hman hrimhrim awk a si.

NOTE : Mah ca ka ṭial mi hi keimah pumpak ruahnak a si, mi va soi le va thangchiat nak ah ka tial mi a si hrimlo, a theicang mi zong kan um ko lainain, a thei rih lo mi hnih khat kan rak umrih caah KA le KAN hmannak ruat deuh hna usih ti hi tawitein ka van langhter.

ka sul hnu part 2

ka sulhnun part 2

Kan thlairawl ṭuan kan van i lim ṭhup cun hnazong a thiang ngai cang, ka hirha a kok ngai cang a sinain rian nganpi kan cungah a khinh rih fawn, kan nih khua ti cu fangzong zaa loin kan Buh tang ah kan cinmi thakbere a rak um rih, kan fangṭuan kan van i limhna cun kan holh cun (pawlbongh) a  hreh rih kan capawl kha thian tein thakbere ṭhatnak ding caah thiang tein a pawng kam thianh piak a hau rih kan thakbere cu an ṭhaṭ tuk hoi tha tho tuk rih cu mu, kan chungkhar nih cun vuaktlak in kan riah hnawh, zang lei 2:30 ah pheikalh tunh ah ka chawi kan vau kam ka van hel zu sulam (kong) an ṭhataktak a tunh i awh cawlh ding tluk khin an ṭha ka pheikal cu ka ringtak tak hna, a zan kamang hmanh ah voi thum khelte ka pheikalh cu ka ven manh, a thai zing ar khuang in ka tho ka nau vanvan ka ṭhit a lang pi khin kan hei hmuh a pelh ko nain aa kuai vanvan nih cun ka u kan  awh cang ko khih tiin hmanhmawh sare cun a van zuanhnawh cawlh zu patilrolh bak a rak awh ai uu kan awh cang hi a tumning hi a van ti vanvan cu a lawmh tuk a a kik le kik lo hmanh, theiti hlah a tha a tho taktak cang kan van vendih cun thlam ah kan lawi vanvan nih cun ka nu kan awh tamning hi a van ti busik kan ticu zing daptii nih cingviar kaw, khawsik le sik lo hmanh thei ti hlah ka pa nih a ril a van chuah piak lungtho tha nuam tein kan thlamhmai ka ah meiphu an chep i an pa cun lungtho tha nuam tecun bia za i ruah pah in kan hrem hna, kan van i lim ka nu nih, zing rawl chuan a van lim rawl ei zabak te a ci cang kan chuangkhar cun rawl kan van dum hna, maian thaw taktak in a van bei kan thlam thlang suntlung bo bawnbawk kan cin mi laichumh tein a van chum(chuan) kan mai nono hna dinhang ah a van ṭamh hna, busik zing e ti lo in kan kaa thawt tuk nih cun kan thlanti chuak viar in rawl kan ei ṭihna, “zei tik caan ah dah sunghno ka nu rawl chuan thaw te kha diriam tein in chungkhar tlingte in kan dum ṭite hnga maw sunghno ka nu rawl chuan” kan rawl ei kan i lim cun, kan rian ṭuan nak zunifom cu kan i hruk hna kawmandu kan i van denh thlut cun kan lo hma kan van fuh ṭhan kan thlam thang kan van zuan pah khin zun hla a phunphun kan van i sak pah kha lio can hna zei nih cawksian ding a si lo, chung khar tlingte le hawi kawmh rual hna he tha nuam tein zatlang lam le lohma domh pah i hla van sak pah khat le khat biaphawng van den pahkha a nuam ko tuk.

Bia zaza ruah pahkhin chungkhar tlingte cun kan capawl cu kan van thlawh pahhna nuam taktak in ni khua sau le tawi zong thei lo in chun ni kan liam hna, chung khar tling tein le nuam tein a caan ah i sik pah a caan ah nih pah hna kha a nuam cem ko kei ka caah cun,

Kan lo thlawh cu kan i lim cang, ringni cu zing ar khuan in kan chungte cun, inn lei ah kan tlung hna tuanmang kheng ah in kan pha, lo kan riah lai ah ka hawi le he zu kan uammi kha, tikhin thatho ngaiin in lei ka van panh in kanphan bak cun zawkzawk kaa kholh kai van ṭamh i kan thil cu zeidah a lawh ka ti ka vafuk cawlh ve a rakṭha taktak a fati zong  a rak tamngai a fetlawm pal kaivan suah zanlei ṭhuat dingah ti ka van tawih ta, kan khua tar pawl dol an i cuhnak ah ka kal an raktui taktak hngak chia umh na an fale ṭapna cu ticun an fa le hmanh ruat loin an mah lung duh dolcuh longruat in an nau umh mihmanh ruat lo in an tuihna,

Zan lei ninu cu a van nemngai cang lokal pol zong rinnii a si ruang ah tuantein an tlung cio hna, zu meh ding kan nei lo khah tiin kan lo riah chungah kan zu awhmi kan phurh mikha ka thei ziar ka nu nih zarhpi nii zing chuan(chum) dingah a ti mi kha a lian cem kha lakhau ka ti zumenh bak ah cun zarhpi ni zingmeh ding a liancem bak karak zuh ziar ai kan hawi le hen cun zanrawl hmanh hlam loin kan thilte cu kan ṭhua hna, 8:00pm a van sicang, ee Nungak pumh khawm sawl ka tlawh cang lai hi tiin hman hmawh sare cun kan thil tinak hmanh sim tawl manh loin kan chawihna, kan duhmi le kan mah DL cio cu kan van sawm hna kan khua chung tlangval upa deuh cu an rak i manh ngai an rak ṭhuziar cang parku zong cu a ka sawmṭhou lai ti a rak ruat ve cuh, zarhkhat khelte i hmuh lonak a sicang a nih zongnih a rakka hlam ziar cang a hawi pol sawlhphet nak kawl in a dangdang i tuahteer in caan a rak lak ziar kei zonghman hmawh sare cun ka vakal an ka chuah tak rua ka timi cu, ka phat bak in kan tlaituk sual la kalcang kohna usih parku nih a van ti chawnhmanh kan i chawnmanh lo ka umnuam lo ngai, ka thin lungkhi dutdut ti khin a um, ka umnuam lo pumh kalpah cun pakhat hnu pa khat zeitiin na lothlawh cu  tikhin a van hal thluah mahhna ka zawn a phakbak a khin a dai ai... Ooh!! ka ti ka umnuam tilo biakinn kan phan cawlh cuzaan kaa pumh cu pumh lo khinbak kasi, kan hruaitu pol nih thaizing hlaremh ding kan zoh tahna la an ti Nungak tlangval pol cu pumh chuah cun kan tangṭhup hna, hla cu kan cawnghna hla cawn kan van dih cun kan vanṭin hna phungchim mi bible relmi hmanh ka thei lo parku nih khan van ka hal seh law lohbak si hnga a sinain aa leppaciah ngai mi kan hawipa pakhat aum ka hna a ngamdeuh a mah bak ka sawh la tikhi ka thin lung te khin ka raut cang taktak ah voiding keltein a van kan haltaktak a hmasa cem ah a van kal haltaktak ka pongthu mi pa cu pumhlio ah cungcung a hngilh ka ti a theibak lalo ka ti ka lih le lih bak in a nih holh duh ti tak a zeituak taan loin a chim colh aa ka chanh bak.

<button>pehṭhan ding<button>

Ka sul hnu part 1

 

Hmanthlak hi Laldin lian, facebook lakmi

  November kanphan hawicang♡♡ 》》 furcaan cu a van limruangmang cang khua caan vial telak ah bar thla hi cu adang khun khin ka ruah mi thinlung ah rian a țuan khun milung a hlaukhun,

Kan thlawhțuan minih theipar a van chuah, cang thlanti he kan țuanmi nih mirhsirser tein a zohkhenh tu api le apu lung alawmhter khun, a pu zong umthiam loin a ha pilangviar in a sakthlam cungin a thlawhțuan nak cu  faifuk tumpahin ahnu le hmai a van cun vau kil a cuanh cân, cu ticun khawzaza sakthlam cun a cuan   tawn um a thiamtilo a ruang cu har le fetîn kan thlawh țuan mi ramnih a surhan thluloîn kan thi le thau kan thazang umek in kan țuanmi cu a theipar a van chuah can a vunphanh cun ho ko hme thinlung sualtai locun um kho hnga.

Kan thlampar cung in ka van cuan kan thlam kam le a velchum cu pangpar phun tling nih a kulh chawlhnawn, cuailo, lai anthur,tbk a phunphun in kan thlam cu ka kulhhna a cheu anpar a cheu par an van tim lio khi a si a parhna a dawhter tu pelep le khuai pathian ser thilnung a phunphun nih an tlan lio ko khi zoh ka cimhrim lo, thadih le zângba in ka thlawh țuanram cu a theipar a van chuah cu a hlan ka thadit le ka thlanti cu a philhin ka philh cikcek.

Kan thlawhțuan miram ka chuah ah hitluk in ka thatho hi ka rakthei ballo minung kan nun chungah harle fetein kan țuan mi a theipar van suat lai cu lung ahmui khun.

Rawlbuk chiah nak ding thingrua ka van chuah tha a tho thadit zong ka thei lo zâng a ba khoti lo lung ahmui țuan anuam.

Hmaizarh cu fangțuang ding in kan chungkhar in pok a hau kan chungkhar cun , chun rawl ei dingah ka nu nih dinhang ah maian thawtaktak in avan țamh mai a no cirik a van peih (țamh) bawnbok, hamhhuai hna a van beihna thawtuk in kan van dum kan tlam thlanglei kan hei cuan kanchungkhar cun biazaza kan i ruah pahhna kan fangțuan lai cu kan i ngeih tuk cio hna.

Ni khat ni (thawhțan) kan vanphan khuapi cun loriak fangțuan ding cun kan pokcio hna a cheu an zuatsa țil an i ken hngakchia he nausem he an pokcio kan pok ciohna a khuapi tein kan lung a nuam tukum cu ho tedik buh a ngahcem hnga titi hi lolam.zatlang cungcun ceih lulhmalh a si an nih chung cu țin 500 an nei ko la an nih chung cu kan fang thli le ruah nih a hrawh viar le țio chum țian hlan ei cu an nei ko la tina a phunphun zalam tlangah cun ceih lulhmalh a si.

Kan nih chungzong kan chungkhar cun kan i tim ve kan arpi fano tiang in kan pok ve kan farnu le kan vokpi farual lawng inn ah kan nganh ta,

Thlakhat fai cu lo ah fangcu kan țuan, kan țuan chung ah lopa chakthlang kan lengkai hna, kei zong kan lo khat te lei kap ah, zan chiar te rawl ei khawh cun riahruah ah ka ruah ve parku ka lengve peng midang zong an rak lengve sik thlavâng tangah parku nih cun love song, zunhla tbk a kan sakpiak a chel ah kan zapi tiin kan sak chel a cân ah pakhat hnu pakhat kan chang țheo, a chei phe an i kahpah a bubu in citi cun thlakhat fai cu lo ah kan thlaisuat cun kan riakhna, kan van i limbak cun kan ar fa a no cipirik kan i ken mizong thah ei an cu cang hna..♥♥♥
a khuapi cun kan i limtluk a si cang a limrih lomi a limcang mi nih kan chuh hnawh hna, a va nuam hringhran dahrah ka ti, cu ti cun pakhat hnu pakhat nu ngak,tlang val pol cu khatte lei khat telei ah kan thek kual hna kan van lim hna cun kan nih chung zong kum vui fur chuak tiang ei ding cu kan thlawhțuan nih cun a chuahpi ve lungtho tha nuam te cun kan rian cu kan i limhna >>>>  <button>chunmang<button>
cinzah >>>peh țhan ding.,>>>